12:03 صباحًا الجمعة 19 أبريل، 2019

مرات يزهى خاطري

بالصور مرات يزهى خاطري 20160908 395

 

 

 

مرات يزهي خاطرى و مكنوني
و مرات يا نفسي عليا تهوني

مرات نبقي طارب
و مرات نبدي في الدموع نوارب
و مرات ندوى كيف خمره شارب
و مرات هلبه دمعتى في عيوني

مرات يزهي خاطرى و مكنوني
و مرات يا نفسي عليا تهوني

مرات نفرح يوم
و مرات شهر يفوت كله هموم
و مرات نعذر من جرحنى دوم
و مرات نشرى اللى فكروا يبيعوني

مرات يزهي خاطرى و مكنوني
و مرات يا نفسي عليا تهوني

مرات نبدي و اهم
و مرات نبى عالجروح مراهم
و مرات يبدي الجرح من يالاهم
و مرات يجرحوا في الجرح و يلوموني

مرات يزهي خاطرى و مكنوني
و مرات يا نفسي عليا تهوني

مرات نبقي و اعي
و مرات نرقد كيف نوم الراعي
و مرات نبدي للموده ساعي
و مرات هلبه في العزا ما جوني

بقلم عصام حمزة

242 views

مرات يزهى خاطري