2:03 مساءً الأربعاء 20 مارس، 2019

نصائح طريفة

اجمل ما في الخطوبه العزومات الرومانسيه .. على احلي محلات اكل في البلد .. و اللى عمرك ما هتشوفيها بعد الجواز .. المهم نصائحى لك عند اي عزومه مع خطيبك…

1 الاول لازم تعرفى ان الشوكه و السكينه بيتمسكوا من ايديهم من الطرف يعنى مش من الوسط و لا من البوز زى الخنجر و لا من فوق طبعا بالصور نصائح طريفة 20160911 711

2 العيش اوعى تفضحينا و تقطعيه بسنانك .. و لا الرغيف نصين بايدك و كل نص لقمه و تحشرى .. اوعى .. العيش بيتقطع بالسكينه في الطبق .. و بعدين تاخدى لقمه .. لقمه .. بالعافيه .. قال يعنى نفسك مسدوده .. اضغطى على اعصابك جداا . و بعدين لما تروحي.. ابقى كلي زى ما نت عايزه….

3 الشووربه .. ابوس ايديك .. بند الشوربه ده مهم جدااا .. الشوربه تتشرب من غير صوت خالص .. و من غير ما تقعدى تنفخى فيها .. زى القهوجى اللى بينفخ في الحجر .. و طبعاااا عايزكي تنسي تماما .. السلطانيه اللى بتقيميها على بقك في البيت .. و تدلدقى على روحك .. و بدون صوت .. سخنه و لعه برضه بدون صوت .. و تسيبى تلت الطبق على الاقل ..بالصور نصائح طريفة 20160911 712

4 الرز طبعا .. بيتاكل بالشوكه .. اوعى ايدك تتمد على الملعقه بالصور نصائح طريفة 20160911 713

5 المكرونه .. الاسباكتى .. برضه بالشوكه .. تتلف على طرف الشوكه .. لحد ما تخلص و بعدين تحطيها في فمك من سكات .. مش تشفطى المكرونه عود عود . بالصور نصائح طريفة 20160911 714

6 السمك .. مشكله .. شوفى .. بتفصلى اللحم عن الشوك .. ازاى .. تقطعى اللحم من النص .. بالطول و بعدين تفردى اللحم على الجانبين و لما تخلصى ناحيه .. متقلبيش السمكه .. شيلى السلسله بالشوكه و السكينه , و حطيها في جنب الطبق و كملى اكل النص التانى .. و بدل الفيلم الهندى ده .. نصيحه .. ما تكليش السمك خالص .. قولى ما بحبش السمك و خلصى نفسك .. بالصور نصائح طريفة 20160911 715

7 الجمبرى .. اذا كنتى عارفاه .. اول ما طبق الجمبرى ينزل .. بصيله بصه فيها ازبهلال و استغراب كدا .. ال يعنى زهقانه من كتر اكل الجمبرى الجامبو في بيت باباااا .. و اتنهدى جامد و قولى .. برضه .. ؟ و تروحى قاطعه راس الجمبرييايه .. بالشوكه .. انا في عرضك انسى المصمصه دلوقتي ..بالصور نصائح طريفة 20160911 716

8 البطاطس سواء مسلوقه او محمره .. اوعى تهرسيها و تدبيها على الرز و تبدى .. لا .. لا .. لا .. بالشوكه حته حته و انت زى ما تكونى هاتعيطى من كتر ما البطاطس صعبانه عليكى ..بالصور نصائح طريفة 20160911 717

9 الفاكهه .. لو الفاكهه فيها بذر .. طلعيه من فمك و حطيه في ايدك و هى مقفوله .. و بعدين في طفايه السجاير اللى على الترابيزه .. اوعى ياحبيبتى من نظام التفتفه للبذر .. انسى .. بالصور نصائح طريفة 20160911 718

10 و لما تخلصى اكل تحطى ايدك على بطنك .. اللى عصافيرها بتصوصو من العينات اللى كلتيها .. و تقولى له مش ممكن .. انا عمرى ما اتفجعت كده .. انا قدامي اسبوع .. هابطل اكل فيه ..بالصور نصائح طريفة 20160911 719

وبعدين تمسكى الفوطه اللى دايما موجوده على التربيزه من غير لازمه .. و تبوسيها .. ال يعنى بتمسحى بؤك .. و بعدين تستاذنى منه و من بابا او اخوكي يعني تستاذني من اللي قاعدين لدخول التوليت لاصلاح ما افسده الاكل .. و تخشى التواليت و تطلعى من شنطه ايديك .. لفه الفول و الطعميه اللى جايباها معاكى .. و بالهنا و الشفااااااااا بالصور نصائح طريفة 20160911 720

141 views
نصائح طريفة