4:39 صباحًا الأحد 18 نوفمبر، 2018

ورد كشرى المصرى


المقادير اللى هقولها مش كتير وانتى زودى على حسب الافراد

المقادير والطريقة


اولا

البصل الورد):
هنجيب البصل ونقشره ونقطعة حلقات رفيعه ونفككها من بعضه
نجيب حبه نشا او دقيق ونرشها على البصل ونقلبه كويس
نسخن زيت لقى البصل ونضعه بيه ونقلبه لغايه ما يوصل للون البنى المطلوب نطلعه على ورق مطبخ ونسيبه يبرد هنلاقيه بيقرمش وطهمه جميل جدااااا

بالنسبة للزيت هيبقى هو الزيت المستخدم معانا في باقى الكشرى

ثانيا



المكرونه


هنجيب مكرونه صغيرة او اسباجتى او الاتنين مع بعض ونسلقها في مايه مع شويه ملح وزيت وبعدين نصفيها
ونجيب حله نحط فيها حبه زيت من بتاع البصل فاكرينه هنحط حبه ونقلب فيها المكرونه على النار مش كتير ثوانى ونطفى عليها ونسبها على جنب

ثالثا:

الشعريه


هنجيب الشغريه نحمرها في الزيت لغايه ما توصل للون البنى الجميل ده وعندنا في طريقتين وهى انك بعد ما تحمريها تسلوقيها زى المكرونه اوتزوديها مايه وتخليها تتشرب زى الرز وانا بفضل الطريقة الاولى لانها بتخلى الشعريه مش لازقه في بعضها وبتبقى حلوة اوى بتسلوقيها بعد التحمير وتصفيها وتركنيها على جنب

رابعا:

العدس ابو جبه والحمص


بنغسل العدس كويس ونحطه في مايه على النار لغايه ما يتسلق وبعدين نصفيه ونركنه على جنب
الحمص هننقعه قبلها ب12 ساعة ونسلقه زى العدس

خامسا:الصلصه


هنحط حبه زيت في حله ونحط عليها3 فصوص توم مفروم ونقلب لغايه ما ريحه التوم تطلع ويبقى لونه دهبى نحط حبه كسبره ناشفه مطحونه وحبه شطه وكوب عصير طماطم وخل ونسبها لغايه ما تتسبك ونزودها شويه مايه بس مش كتير علشان تبقى تقيله وطعمها حلو واول لما تغلى نطفى عليها

سادسا:الارز بالعدس الاصفر والعدس ابو جبه واختارو اللى يعجبكوا انا عن نفسى بفضل العدس الاصفر بيبقى طعمه احلى

رز بعدس اصفر:
هنحط حبه زيت في حله ونحط عليهم نص كوب من العدس الاصفر وكوب من الرز وبيكونوا مغسولين ومتصفين ونقلب كويس ونفض نشوحه شويه على النار لغايه ما هنلاقى لونهم اتغير شويه نضيف المايه هتبقى حوالى كوب وربع مايه ونظبط الملح ونسيبه لغايه ما يتشرب وبعدين نحط الشياطه ونسيبه يكمل سوا على نار هاديه جداااااا

رز بعدس ابو جبه


كوب رز وكوب عدس اسمر
هنحط في الحله حبه زيت ونحط عليه الرز والعدس الاسمر المسلوق نص سليق ونشوح شويه وبعدين نزود المايه ونظبط الملح ونسيبه يستوى

سابعا:

الدقه:
عندنا طريقتين


الاولى:
هنجيب حله ونحط فيعا معلقتين زيت ونحط عليها حته توم مفروم حوالى معلقه كبيرة واول لما التومه ريحتها تطلع بس قبل ما تتحمر نضيف عليها خل كتير ومعلقه صلصه كشرى وبعدين نحط شطه وكمون وكسبره وعصير لمون ونسبها تغلى دقيقتين وبعدين نرفعها من على النار

الطريقة التانيه


هنحط برضوه معلقتين زيت وتوم واول لما التوم رحته تطلع بس هنضيف الخل وكمون وكسبره وشطه وبعدين نزوده حبه مايه ونسبها تغلى ونظبط الملح ونرفعها من على النار

ثامنا:

الشطه


نسحن زيت على النار و نحط عليه معلقتين شطه حاميه و معلقتين مايه عشان الزيت ميتحرقش
و بعدين نقلبها شويه و نحط عليها معلقه صلصه و نطفى عليها وكده تكون جاهزه

واخيرااااااااااا التقديم


هنجيب الطبق نحط اول حاجة المكرونه المحلات بتعمل كده بس ممكن نخلى اول حاجة الرز مفيش مشكلة وبعد كده المكرونه وبعدين الشعريه وبعدين العدس وبعدين الحمص وبعدين الورد
الصلصه والدقه والشطه بتتقدم جانب الطبق بالاضافه لليمون طبعا بيخلى طعمه روعه

لو عايزين تعملوا معاه سلطة بتبقى مكونه من طمطاط وكسبره خضرا ومايه وشطه وخل وملح وممكن نضيف خيار

لو اي حد عنده استفسار انا موجوده
جربوه ومتنسوش تدعولى لو عجبكوا وهيعجبكوا باذن الله
.


.


.

صور ورد كشرى المصرى

159 views

ورد كشرى المصرى