5:38 صباحًا الأربعاء 27 مارس، 2019

وصفات اكل

بالصور وصفات اكل 20160911 1491

 

 

اشهي كوردون بلو بصدور الدجاج,,,

المقادير:
كيلو صدور فراخ مخلية
2 ثمره فلفل رومى مفروم
ملعقه صغيره قرفة
ملعقه كبيره خل
1 كوب دقيق
2 بصله كبيرة
3 ليمونات
ملح و فلفل
خله الاسنان
2 بيضة
2 كوب بقسماط مطحون
كميه كبيره من الزيت للقلي

 

للحشو:
1/ 8 كيلو لانشون
1/ 8 كيلو جبنه شيدر
1/ 8 كيلو زيتون مقطع

 

طريقه التحضير

1 افرمى البصل كويس جدا و اعصريه و خدى الميه بتاعته؛ لاستخدامها في التتبيلة.

2 ضعى ماء البصل في طبق غويط، و معاه الملح و الفلفل و الخل و عصير الليمون و الفلفل الرومى و القرفه و قلبيهم كويس مع بعض، و بكده تبقى حضرتى التتبيلة.

3 حطى صدور الفراخ في التتبيله و سيبيهم لمده ساعتين.

4 بعد ما الفراخ تتبل، هنبدا في حشو صدور الفراخ و كل اللى عليك انك تفردى قطعه الفراخ، و تحطى عليها شريحه من الجبن الشيدر، و شريحه لانشون، و قطعتان من الزيتون.

5 لفى صدور الفراخ على الحشو و اقفليه كويس، و احكميها بغلق الجوانب المفتوحه بخله الاسنان.

6 قلبى صدور الفراخ الملفوفه في الدقيق و بعد كده حطيها في البيض، و بعدين غطيها بالبقسماط من كل الجوانب بعد ما تتبليه بالملح و الفلفل.

7 سخنى الزيت كويس جدا على نار عاليه و ابدئى بوضع الكوردون في الزيت واحده واحده بحرص، و بعد كده خففى النار علشان تتحمر على نار هاديه و قبل ما تشيليها من الزيت، زودى النار علشان تكون مقرمشة.

ولو عايزه تظبطى الاكله تمام و تبقي و لا احسن شيف ممكن تقدمى مع الكوردون بلو صوص الكريمه بالكرات..

 

صوص الكريمه بالكرات
المقادير:
كرات مقطع قطع صغيرة
2 معلقه كبيره زبدة
½ كوب كريمه لبانى مخفوقة

 

طريقه التحضير:
1 سخنى الزبده في طاسه صغيره على نار هاديه و بعدين ضيفى عليها الكرات المقطع، و سيبيهم على النار من 7 8 دقائق مع التقليب المستمر.

2 ضيفى عليهم الكريمه و سيبيهم لغايه ما الكريمه تسخن، و بعد كده قدمى الصوص مع الكوردون بلو و هو ساخن..

وبالصحه و الهنا,,,

217 views

وصفات اكل