4:15 مساءً الخميس 15 نوفمبر، 2018

يابرتقاله يا ام سره ماخدك على ضره


وبركاته
كيفكم يابنات

رجعت لكم وانا مو طبيعية فيني شي
ساعدوني

يمكن بعضكم يعرف وش كانت مشكلتي قبل مع زوجي انا لي 8 شهور من تزوجت
صدقوني اكتب لكم ودموعي تنزل وربي
من تزوجت ولايوم حلو شفته الى حلو شفته يومين بس وكنت
اقول ياربي لك الحمد اموري تيسرت

اتزحزحت عقده زوجي بعد ماتزحزحت العقده وبنفس لاسبوع صار حادثنا ودخلت غيبوبه

طلعنا وكان طاير فيني وفرحنا وانبسطنا حملت وبنفس لاسبوع طرحت
مع انو مافيني شي ولا حاجه
رجعنا لرياض وجلسنا عند اهله زوجي مدير يعني مايدوام الا مره مرتين بشهر
زوجي وحيد امه وابوه ماعندهم غيره

وهشي الناس حاسديني عليه والله حتى خواتي وش عليك مدير مقابلك
وش عليك يموت على تراب الى تمشين عليه

بنفس لاسبوع قالي خلاص بنجلس عند هلي قلت طيب الى تشوفه
اساس بيت هلك مافي احد غير امك وابوك ولنا جناح كامل
نتونس معهم

وصلنا من السفر وجلسنا شوي وقال زوجي بطلع للغرفه قلت طيب
طلع وشوي انا لاحقته لغرفتنا عشان ابدل بعد السفر واصلي

الا الرجال رجع زي قبل تخيلو يستحي مني ومن دخلت جته حالة الرهبه
والخوف والرجفه الى قلت لكم عنه قلت شفيك قال مابي شي

طلع من الغرفه جاء وقت نوم تخيلو حطيت يدي علي يده الا الرجال يرجف كني
اول ليلة انام معاه

سميت عليه قال مابي شي بس مستحي قلت وش تستحي
ليش يوم كنا هناك كنت غير واليوم من دخلنا فيك شي وتقول استحي

جلسنا اسبوع او اكثر على هلحال قال بنغير الغرفه قلت خلاص رحنا وغيرنا غرفتنا واثاث جديد والجناح كله اغراضي الى اول رميتها لئن حسيت فيها شي

تخيلو رجع زوجي ولا شي فيه ابد ينام ويسولف معاي وبداء يتلاشى الخوف وكل شي تمام انبسطت وقلت ياربي لك الحمد

ولهلحين حنا بيت اهله ماسافرنا لبيتنا لئن بيتي وبيته بشرقيه
مثل مقلت لكم بيت هله مابوه الا انا وهو امه وابوه وشغاله بس
المشكلة انا هلحين

انا انا المشكلة هلحين تخيلوو لي اسبوع ونص احس بي شي مو طبيعي
من اشوفه اكرهه كرهه تخيلو الغرفه الى هو فيها ماجلس بها ابد
احس بشي غريب اول ليلة من حسيت هشي
بكيت بكاء غريب لاول مره ابكيه هو يقولي فيك شي وش فيك
مدري غرفه النوم الجديدة مانمت سوا ليلتين فيها معاه

هلحين لانام مادخل الغرفه مقدر اذا هو صحى وطلع انا ادخل الغرفه حقتنا ونام

قبل 6 ليالي طلب مني انه يجامعني قال شفيك تغيرتي تخيلو يكلمني وانا بداخلي نار عليه احس مقدر اشوفه واطالع به
حتى نوم ماتنامين انا انام اناديك ماتجين اذا قمت جيتي نمتي كنك ماتبيني
قولي لي لاضيقتك بشي انا اسف لازعلتك انا اسف قولي لي وش فيك
سفهته وقمت احس اني اتصرف غصب عني والله مو بيدي احس كن احد يمشيني ويخليني اسوي هتصرفات
قبل لايقوم قال ترا انا ابيك وبنام وانتي بخاطري حبيت ابلغك عشان هشي
حرام عند ربي لكن ماجيتي انا عاذرك

كلمته عذبتني ودخلت عليه وانا احس بداخلي نار
تخيلو من خلص وربي ركض على دوره المياه احس فيني شي غير طبيعي

تخيلو وانتم بكرامه صرت استفرغ دم والله العظيم دم صافي كني مجروحه

واجد واجد تخيلو غسلت وشغلت الدش حق البانيو وجلست وسطه بملابسي وصار ينزل علي وانا اصيح خفت وش الدم ذا بااول مره بحياتي استفرغ دم وانتم بكرامه
تنشفت وطلعت وجلست بصاله لين طلع الصباح طبعا طلع من الغرفه لقاني بصاله حقت غرفتنا

جاء بيسلم علي زي كل صباح انحشت هو سكت عرف اني مابيه يسلم علي وسكرت باب الغرفه ونسدحت بسريري

ونمت واحلم يابنات بجن اشوف الجن والله يرقصون حولي

قمت من نومي فزاعانه
جاء الظهر نزلت على الغداء لقيته قدامي تخيلو بلاول اجلس جنبه
هلحين اجلس بزاويه عشان ماشوفه

قام واخذ صحني ويحط لي غداء ويحط لي بصحني

قام وحط صحني قدامي انا مدري وش جاني اخذت الصحن وقلبته بسفره

وجبت الصحن الثاني حطيت فيه اكل لنفسي

قعد يطالع بي امه وابوه تجاهلو الى سويته عشان مايحسوونه بشي

انا ولا كني سويت شي احس اتصرف بشي غصب علي ومن غير طبيعتي
من متى انا اكب النعمه بسفره

من متى ازعل رجلي واكره اكل الى يحطه بيده لي
جاء ليل هو جايب لي جوال قبل شهر جديد اخذته ونزلته على طاوله قلت بيعه مابيه قال ليش ياقلبي شفيك ماتبينه جديد بكرتونه

قلت مابيه بيعه وسكرت الباب وهو يتكلم ماخلص كلامه هو يفكر اني زعلانه ابي واحد جديد موديله اجد من الى جابه لي

راح باعه وشرا لي واحد جديد واجد من موديل القديم وغالي
جابه وقال هذا لك قلت طيب

ماعبرته ولا كلمه ولاحتى شكرا
صدقوني من ينام ابدا اناظر فيه من عند الباب حق الغرفه ولا ادخلها
اقعد ابكي يكسر خاطري حيل والله
مايستاهل الى انا اسويه فيه هو مو مقصر بشي معاي واللهكل ليلة كذا ابكي
لاشفته نايم احس اني ظالمه حيل

صحى الصباح وراح عنده شغل دخلت وحطيت راسي على فراشي
انا الحمدالله محافظة على صلاتي محافظة على القران ان ماقريت شغلت بغرفتي
مانام الا ماصلي الفجر

تخيلوو يجيني شي ويقولي انتحري موتي نفسك

استغفر ربي والله العظيم اقول استغفرالله وش هشي الى افكر به

من متى هلافكار تجيني

انا احبه والله احبه وهو يحبني والله ودايم مايقصر علي بشي
اصدقاء ماله الا واحد
يقول ماعرف احد بس انتي اصدقاي انتي زوجتي واختي وامي كل هلي

اليوم اتصلو عليه الدوام قالو تعال في شي مهم نبيك

طبعا بيسافر الشرقيه عشان يخلص الشغل قال انا بسافر سكت وماعبرته قال لو ماراح انشغل عنك كان اخذتك معاي تروحين تشوفين بيتنا يمكن فيه شي ولا يمكن صاحب
البيت يحتاجك الى هو انا ويضحك

قمت وتركته وصفقت باب الغرفه سكت طبعا
هو وعرف اني مابيه يتكلم صدقوني غصب عني يوم دخلت الغرفه وسكرت الباب قعدت افكرليش انا سويت معاه كذا من متى اسوي هلحركات له

جهز شنطته وقف عند باب الغرفه قالي حبيتي انا بسافر ماودك تفتحين الباب بسلم عليك وامشي
تخيلو وقفت وراى الباب عجزت افتح له الباب قعدت اصيح وانا كاتمه صيحتي مابيه يسمعها من متى يسافر ماودعه ولا ماجهز شنطته تخيلو وقف ساعة يترجاني افتح

الباب بس عشان يسلم علي ومارديت عليه وقمت اصيح قال اوكي
انا احبك مصروفك على طاوله

انا بروح تخيلو حسيت انوه يبني افتح الباب انتظر شوي وراح وطلع والله قعدت اصيح يوم راح وفتحت الباب لقيت مصروفي على طاوله

وبكيت وبكيت

وقمت وغسلت وتروشت احس تعبانه اطراف جسمي يعوروني

من راح احس ان احد معاي بلغرفه احس اشوف اشياء بلغرفه انا عادي
متعوده اجلس بروحي عادي

بس الى اشوفه غريب احس كل مالفيت او سويت شي اشوف اشياء تتحرك بسرعه وراي سميت بالله وقعدت احوس بغراضي قلت بمشط شعري

تخيلو وانا امشط شعري على المرايه والله والله حسيت بشي من وراي انا تجمدت
ماقدرت الف ولا تحرك حسيت احد وراي تخيلو والله والله اسمع انفاس قوية وراي على طول ماقدرت الف والله خلاص تجمدت واسمع لانفاس تزداد
وقريبه وراي على طول كن احد واقف وراي يتنفس بقوه

ابي الف من الخوف عجزت لو اقولكم نص ساعة وانا عجزت الف تشجعت وسميت
ولفيت مافي احد وراي واختفى الصوت

وركض واشغل لابتوب واحط قراءن بصوت عالي
و اجالس بصاله

شوي الا في ساعة كبيرة على الكومدينه الى بغرفه نوم كبيرة شوي

تخيلو طاحت من حالها وتكسرت وربي خفت وطاح قلبي

وسميت بسم الله خلاص خفت وربي احس بطرافي ناري يعوروني
ومشوين على ساعة 2 بليل حسيت بي شي دخلت المغاسل بسرعه
الله يكرمكم صرت استفرغ دم
ودمرت ملابسي دم قلت بتروش وانا تحت الدش اسمع اصوات وربي ماكذب
وانا اتروش تخيلو في مغسله بدوره المياه تعرفون الصنبور حق المغسله انكسر والماء صار يطش طش بقوه فتحت عيوني وبها صابون واركض واقفل المغسله

وش كسرها مدري وليش انكسرت ماقد مره انكسرت حديد كيف ينكسر

بسرعه تروشت وطلعت ولبست وانا هلحين تحت خايفه اروح غرفتي
ليش يصير لي هشي
وش الدم ذا الى صرت استفرغه وانتم بكرامه بحياتي ماصار هشي فيني
وش هلاصوات وش الاشياء الى تتكسر حولي

زوجي ليش صرت كذا معاه وش الى قلب حالي بهلاسبوع ونص

صدقوني اني ابكي من فيكم مرت بحالتي تقولي وش اسوي
تقولي وش فيني

تتوقعون انو الى يصير حولي جن

في جن بغرفتي انا كم مره يسافر ويتركني وكم مره اجلس بروحي
بعض لاحيان امه وابوه وشغاله يرحون ابقى بروحي ماخاف

اذا انا يتوهم لي وش الدم ذا

اذا انا يتوهم لي وش الى يصير معاي وليش اعامل زوجي كذا

قولو لي تكفون قولو لي

766 views

يابرتقاله يا ام سره ماخدك على ضره