9:04 مساءً الثلاثاء 11 ديسمبر، 2018

يضيق الكون في عيني و اشوفك في خيالي كون


يضيق الكون في عيني واشوفك في خيالي كون
اشوفك كلما اغفى لانك حلمي الساهر
احبك في تفاصيلك احب اسلوبك المجنون
احبك في طلوع الشمس احبك يا امل باكر
اشوفك داخلي اطفال مع ريح الفرح يمشون
احبك في ابتسامه طفل اذا ناديت يا شاطر
احبك ياصدى صوتن بحاسيس الهوى مشحون
احبك ياربيع اخضر احبك ياشتا ماطر
احبك لذه السكر احبك ريحه الليمون
احبك في قصيده شوق كتبها في الهوى شاعر
انا صادق بحبي لك وقلبي اول العربون
انا لا جيتك الاول بلا ثاني بلا عاشر
حقيقة اسمك الفاتن حقيقة قلبي المفتون
انا من كثر ما احبك اردد دوم ياساتر

¦×¦ ¦×¦ ¦×¦

تعودت نفسي بحبك يابعد عمري
قلبك حبيبي وعيونك اجمل احبابي
كل المشاعر تعيش الحب بصدري
و السعد اشرق من عيوني و اهدابي
انت نهاري و انت شمسي وفجري
جذاب طبعك وحسنك صدق جذابي
غلاك اسرني .

.

و انا اللي راضي باسري
في قربك القلب طاب وخاطري طابي ان شفتك
افرح بشوفك يا بعد عمري وان غبت كل الهناا عن دنيتي غابي

¦×¦ ¦×¦ ¦×¦

ماودي اتخيل حياتي / بلياك
يا اغلى من اقرب شخص لي بحياتي
ومن كثر ما احبك وابي ساعة رضاك
شفني على خنجرك / كاتب وصاتي


دامك تبي الفرقا .

.

ف انا اروح وياك
ما ابغى اقابل لين اموت .

.

امنياتي


خذني وعذبني على كيفك هناك


وان مت .

.

رجعني على ذكرياتي

!

¦×¦ ¦×¦ ¦×¦

اكذب عليك ان كاني قلت ناسيك
والا بعد حاولت ياروحي انساك
تعيش فيني مثل ما اعيش انا فيك
حبك حياتي واعرف الموت فرقاك
انا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و اسلاك
ماتدري اني هايم وميت فيك
ماتدري ان غايه سروري رضاك
اغليك من قلبي ومن روحي اغليك
وافراح عمري تكتمل في ملقاك
كلك حلى سبحان منهو مسويك
يا مجملك في عين قلبي ومحلاك
وزود على حسنك طبوع ن تحليك
تفرقك عن هذا وهذا وذاك
يكفيك مني يا هوى البال يكفيك
اني محال انساك لو قلت بنساك

228 views

يضيق الكون في عيني و اشوفك في خيالي كون