احلى شوربه كريمة
بصله متوسطة متقطعة و مش مبشورة
فص توم مهروس واحدِ بس
علبه مشروم صغار أو نصف علبه كبيرة
2 مكعب مرقه دِجاج أو شوربه الي عندها
ملح و فلفل اسود
ملعقه و نص دِقيق ابيض
كريمه لبانى أو كريمه طبيخ =أنا عَن نفْسى بستخدم الكريمه اللبانى و لانى مش بلاقيها فِى القاهره فبجيبها مِن اسكندريه لكِن الي مش عندة مُمكن يستعمل كريمه طبيخ =أو يجيبها مِن فَتح الله
ملعقتين سمنه التحضير:هتحطى ملعقتين سمنه فِى حله تيفال علَي النار و يا ريت حله مش طاسة
و هتحطى البصل المقطع و التوم و تشوحية بسيط اوى لغايه ما يدبل بس
ثم هتضيفى المشروم المقطع و تقلبي مدة دِقيقتين
ضيفى الدقيق و بالتاكيد هتلاقية ابتدى يعمل كتلة
فتضيفى بقى الشوربه أو مرقه الدجاج و الميه السخنه على طوول
و تقلبي كويس جداً جدا
و بَعدين توطى النار و تسيبى المزيج يغلى لغايه ما المكونات تستوى
اطفى بقى النار و سيبى المزيج يبردِ خالص
ثم فضى الخليط دِه بقى فِى الخلاط و اضربيه
رجعى الخليط تانى للحله و و لعى النار عَلية و قلبي و مُمكن يحتاج شويه شوربه كمان لانه مُمكن يطلع تقيل منك
ضيفى الملح و الفلفل و لما يبتدى يغلى ضيفى الكريمه تاخدِ غلوتين و اطفى و بالهنا و الشفا