وهلا رح ابدا بقصتي وما حطول اكتر ……..
اول ما تخرجت من الجامعة من تقريبا 4 سنين ونص كنت شايفة الامور سهلة وسلسة وكل شي رح يمشي زي مابدي انا اجتهدت وتخرجت وكنت مفكرة انها اصعب عقبة بحياتي وتخرجت طبيبة اسنان وكنت مغتربة بدرس ببلد غير الي فيها اهلي وبعدين اول ما تخرجت كنت محتارة ارجع عند اهلي او ابقى في البلد وامارس عملي المهم اكتشفت انو البلد الي درست فيها مابتعطي مزاولة المهنة الا لابناء البلد وانا ما الي مكان وكان لازم اسافر وارجعت ادراجي برضو مغتربة عند اهلي واكتشفت انو قوانين البلد الي فيها اصعب واصعب واصعب لازم خبرة 3 سنين عشان امارس الطب واحصل على الرخصة والاماكن الي فيها تدريب خاصة فقط بخريجين البلد وانا زي ماقلتلكم تخرجت من برا باعيط
المهم انا اقدرت اني اسجل امتياز بجامعه خاصه ودفعت زي كاني بدري لسا ومن هون بدات الامور تتعسر ، خطبت وقتها بس ماكنت مرتاحه ابدا وكنت دايما بحلم بكوابيس اني مش مبسوطة ومش حابه اكمل مع انو مواصفات العريس رائعه وكان الكل يقولي حرام تضيعي فرصه البنات مش لاقيين عرسان وانتي شايفه حالك ابتسامة بس انا مش مرتاحه ياربي باصرخ وضليت اصارع نفسي شهر وقررت اترك واتحمل عقبات الاختيار ……
وبعدين كرست كل وقتي للامتياز وكنت كتير مبسوطة وشغلت نفسي كتير فيه وخلصت سنة الامتياز وكل الطلاب لقو تدريب بنفس الجامعه بس انا كنت كل ما اطلب من دكتور اني اتدرب يقولي ادارة الجامعة بتطلب دكاترة من خريجينها لانو في عدد كبير منهم بدهم يتدربو وهيك خلصت ورحت قعدت بالبيت باعيطباعيطباعيطمش قدارة امسك دموعي
ولما لقيت كل شي مسكر بوجهي يعني ماجستير برا صعب لانو وضع اهلي المادي كان صعب وفي اتنين بعدي بتعلمو بالجامعات الخاصة وانا صعب اضغط عليهم اكتر ماديا وطبعا التدريب وتسكر وكنت كل ما افتح الفيسبوك الاقي صاحباتي ايام الجامعه كلهم الي اشتغل والي بيعمل ماجستير وكل واحد لقى طريقو وانا جنسيتي فلسطينية وعايشة بالخليج وكان اسوا اختيار الي هو طب الاسنان بس الي كان يعطيني امل هو اني لما دخلت التخصص عملت استخارة وتيسرت اموري فوعدت نفسي ما اندم …..
وبعدين خطر ببالي حل اني استغفر كتييييير وابدا قيام الليل وفعلا جبت المسبحه الرقمية الي بتكون بالاصبع وخليتها دايما معي وبدات اقيم الليل وكل ماكانت نفسيتي تتعب او تفتر عزيمتي على الاستغفار او قيام الليل كنت ادخل على المنتديات وادور على قصص وتجارب الناس بقيام الليل وكنت الاقي العجب وارجع اقيم الليل بعزيمة وهمة اكبر من اول وكنت بس اقيم الليل الشيطان يوسوسلي شو بدو يتغير بحالي ؟؟؟؟؟!!!
المهم كنت دائما ادعي ب 3 اشياء الوظيفة والماجستير والزوج الصالح اكون انا بتمناه
وكنت اقيم ساعه قبل الفجر ومرات ساعه ونص اقضيها مابين استغفار وصلاه ركعتين او اكتر بسورة البقرة ودعاء لله انو يفرج عني وكنت ما اقرا دعاء جميل بالمنتدى اكتبو واحفظو واقرئو بالليل ياربياربيارب
وبدات قيام الليل وانا عمري 24 سنة وكان نفسي اخطب زيي زي البنات الي حولي والي كنت كل يوم بسمع واحده خطبت بس انا كان قليل جدا ما يتقدملي واحد ويمكن هاي كمان كانت ماثرة فيي يمكن لانو احنا بالخليج فرصنا اقل
وبعد فترة اتصلت فيي صاحبيتي من الجامعه الخاصه الي اعملت فيها امتياز وقالتلي انو طالبين متدربة بلاب اسنان صحيح انو لاب ومش عيادة بس احسن من قعدة البيت وفعلا انا ماصدقت ورحت علطول اشوف اذا بقبلوني حتى لو كان لاب وممكن يحسبولي في خبرة ولما رحت وقابلت مشرفة اللاب اعرفت انو ماحدا من الطلاب كان قابل ييجي ومع انهم حطو الشاغر الي فيه بفلوس بس مع هيك الطلاب كانو بدهم عيادات ووافقو علي ومش بس تدريب كمان دفعولي على الساعه مصاري وهيك انا تعينت بالجامعه part time
احلى ابتسامةاحلى ابتسامة
وهاي كانت اول ثمرة من ثمرات قيام الليل وكنت بجد كتييييير فرحانه واهم شي خلصت من قعدت البيت وطول التفكير وكمان صار فيني اطلع مصروفي وكانو بدفعولي باليوم 4 ساعات .
المواصلات كانت كتير صعبه لانو الجامعه بتبعد عن بيتي 40 دقيقة وكانت اختي بتشتغل بنفس الجامعه بس متزوجه وعايشة ببيت تاني فكانت تاخدني الصبح معاهال 6.30 الصبح وانا دوماي ببدا 8.30 وكنت اقعد استنى لحدا مابادا او انام شوي بالسيارة وادبر حالي وبخلص عال 1.30 واختي بتخلص 3.30 وكنت مضطرة اتحمل بردو احسن من قعدة البيت الحمدلله موافقة
هاد الجزء الاول اذا عجبتكم قصتي وحابين اكمل واحكيلكم شو صار معي على مدى اربع سنوات من ثمار قيام الليل تابعوني
