اسهل الاكلات في رمضان بالصور

المقادير

دجاجة

2 بصلة كبيرة

4_5 فصوص ثوم

2 فلفل رومي ملون ( او اخضر )

4 حبات بطاطس متوسطة

2_3 قرن فلفل حار

4 حبات طماطم كبيرة ( انا استخدمت الطماطم الصغنون شكله احلى )

شوية كزبرة او بقدونس مفرومة

ملاحظة ( ممكن تحطين كوسة _ باذنجان _ جزر _ زهرة )

انا ماحطيت لانه محد عندنا يحب الخضار فاكتفيت بالمقادير المذكورة ..

التتبيلة

( فنجان قهوة زيت نباتي _ م ص ملح _ م ص بهارات كاري _ م ص بهارات عادية _ ريحان مجفف _ م ص كركم )

الطريقة

1/ تقطعين الدجاج نصين اوارباع وتغسلينهاكويس و تنقعينها في ماء + ملح + خل + ليمون لمدة ساعتين او اكثر<< عشان الزنخة تروح ..

2/ تقطعين كل الخضار قطع كبيرة ( عشان ماينهرس عليك لما يستوي ) وتدهنين الصينية بزيت وترصين فيها الخضار بهالشكل ..

3/ تصفين الدجاج من المويه .. تخلطين الزيت بكل البهارات وتدهنين فيها الدجاجه .. وتحطينها بالصينية .. وترشينها بالبقدونس المفروم ..

4/ باقي التتبيلة تحطين عليها فنجال شاي ( مويه ) وتكبينها على الخضار ( عشان ماتنشف الاكلة في الفرن ) .. وتكتمينها بالقصدير ..

5/ تدخلين الصينية في الفرن لمدة ساعة .. بعدها تشيلين القصدير وتحمرينها من فوق ..

وبااس .. تنوكل بالخبز او مع الرز الابيض ..

هناء وعافية