قوللنا قول .. ايش المعقول ..
فهمنا وقول .. ايش المعقول ..
تحكي ع السمع وع الطاعة شن جاب لجاب
من سيدي ادريس اللي باع .. دار انقلاب
عشناها في صوت وصورة .. لافي دستور ولا شورى
صورت انقلابك ثوره .. الفت كتاب .. فيه الحريه محضوره ..مافيش احزاب
لاسلطة تمت فايدينا .. ولاثروه منك حقينا ..
ياما من ضيم احنا رينا .. من ظلم وهون
قوللنا قول .. ايش المعقول
عاود افكارك .. واذكر لو كنت انسيت .. حتي لاصحابك متنكر ياما صفيت
قران الله وحرفته .. وهلال الصوم وخالفته ..
في شهر التوبه والرحمة و شهر الغفران
في شهر ابريل وفي زحمة وسط الميدان
تجمع طلاب وتعدمهم
زور وبهتان امحاكمهم
هلهم بالفرحة تلزمهم
والحزن يعود
قوللنا قول… ايش المعقول
حتي لنازل لدارك مالقي الامان
وين موسى صدر اللي زارك غاب ومابان
ياما من ليبي من ظلمك
سيب البلاد وماهمك
ياما من غالي ودعنا في حرب تشاد
مازال فراقه واجعنا يكفينا عاد
ياما من غالي ودعنا في حرب تشاد
حتي لاوغندا جمعنا .. يكفينا عاد
حاولنا الحلم وماحلمنا .. سلمنا سلم وماسلمنا
وطن ومن خيره حارمنا والغير ايلوم ..
قوللنا قول .. ويش المعقول
يما من قصة وحكايه .. ظلم وتعتيم
اصعب بدايه ونهايه .. قصة بوسليم
كم من مظلوم وراه كلنا ..
نرجو في جيه .. جاء علمه
شن ذنب الطفل اللي عانه من دون اسباب
في عمر الزهر وريعانه بايدز مصاب
علي اللي غاب علي دينه
ماراضي العيبه فنبينه
ثاير والدمعة في عينه ..يصبح مقتول
قوللنا قول .. ايش المعقول .
يوم اللي فيه اتضاهرنا حكمك رافضين
قلنا يا الله وكبرنا ايدينا رافعين
نادينا بصوت الحريه .. قلنا سلميه سلميه
ترمينا بدخيره حيه .. بالطيارات
واخرى مرتزقة مشريه بالدولارات
تجهلنا وانت عارفنا .. ماعمرك خير مسلفنا
تجرحنا وادوس شرفنا .. وانت المسؤول
قوللنا قول .. ايش المعقول
حاولت اتغير صورتنا ..في القنوات
حاولت اتشوهه ثورتنا ..لكن هيهات
بانتكم صورة مخفيه
في الجزيرة والعربيه
وكثر خير اهل الدوحه والامارات
لولا ما الله وفزعتكم ما ماللي مات
في وقفة خي مع خيه ..
نخوه وشهامه عربيه
ماعمر الدم يبقي اميه .. هادي الاصول
قوللنا قول .. ويش المعقول
ليبيه في الشده بانو هلهم صاينين
تحكي وتقول انهم خانو ولنا وافيين
بيهم للعالم مثلنا .. مجلس شرعيته جات منا
يكفيك الكلمة اللي انقالت منهم باحساس
يكفيك الدمعة اللي انسالت قدام الناس
في دمعة طفل وعوزته .. قولت يابوي
في صرخة خي فقد خيه .. يانا ياخوي
دعوات الام اللي تنادي .. ربي يرعاكم ياولادي
وتعيشي حره يابلادي والهم ايزول
قوللنا قول.. ويش المعقول
- قوللنا قول ايش المعقول
- قولنا قول ايش المعقول
