يا عينى يا ليل يا ليل يا ليل يااليل
الدنيا ماشيه بضهرها وحطت عليا وقالتلي لما سالتها انت الضحيه
حرام يا دنيا مش كده ده كتير عليا كل ده متاخدنيش كبش فدا انا مش هافيه
انا بتقطع من جوايا ونسيت طعم الفرحه وانتي يا دنيا مش فاكراني غير بالنار والجرح
كل ما اجي افرح حبه دايما بتعذبيني كان ما بيني وبينك طار وحالفه لتوريني
عماله فيا تشيلي وتحطي اعلي شويه وانتي توطي نفسي يا دنيا تخفي شويه نفسي تحني مره عليا
ده انتي يا دنيا بتلعبي بيا لا ده حرام وكتير
نفسي الاقي حظي معاكي وانسي همومى مره ده انا طول عمري عايش وياكي علي الحلوة وعلى المره
متوهاني ومجنناني وقالبه كياني ومعذباني حرام عليكي طيب ابوس ايديكي حرام عليكي انا ابوس ايديكي
الدنيا عايزه تزلني وتدوس عليا حلفت يا ناس لتهدني وتقل بيا
حد يروح يقولها تخف عنا زلها ولا انا يعني عندها لقمه وطريه
انا بتقطع من جوايا ونسيت طعم الفرح
وانتي يا دنيا مش فاكراني غير بالنار والجرح
كل ما اجي افرح حبه دايما بتعذبيني
كان ما بيني وبينك طار وحالفه لتوريني
عماله فيا تشيلي وتحطي اعلي شويه وانتي توطي
وانا وياكى فى نار متغطى وشايل حمل تقيل
نفسي يا دنيا تخفي شويه نفسي تحني مره عليا
دا انت يا دنيا بتلعبي بيا لا ده حرام وكتير
انا مش عارف هعمل ايه وهروح منك فين
من كتر الاحزان وياكي انا مقسوم نصين
