الفافرين والوسواس القهري

وبركاته ..

اتمنى تكونو كلكم بخير و في احسن حال ..
يا ريت من يقرا مشاركتى يقراها للنهاية وان شاء الله سيجد الخير

قبل ان ابدا بمشاركتى اود ان اوضح ان من اسباب تلك المشاركة ان ينتفع الغير بها وذلك لانى لما كنت مريض جدا بالوسواس القهرى كنت اريد ان اعرف عن
تجارب اناس ف العديد من الادوية واثارها واي الادوية له افضل نتيجة واقل اضرار ..واكتشفت فى الاخر الاتى ..ان فعلا كل واحد له كدا زى ما بيقولو كيمياء
يعنى فيه ناس تاخد دواء يعمل معاها مفعول وناس تانيه تاخد نفس الدواء ولا يعمل حاجه ويجيب كمان اعراض جانبية ..وفيه قاعدة عامة ان انت لازم تبقى
متابع مع دكتور ولو يعنى لاى اسباب انت بتحاول تعالج نفسك من غير دكتور يعنى من خلال استشارة دكتور على النت لازم تاخد بالك من نفسك ..بس انا
افضل انك على الاقل تتابع مع دكتور ودا ممكن من خلال موقع محترم وموثوق به من على النت دا يعنى اقل حاجه لو مش عارف تروح لدكتور ف عيادة لاى
سبب بس ف حاجه لو مش متابع مع دكتور ف عيادة حاول تقرا الاثار الجانبية للادوية بسرعة وتنسى خالص انك قراتها ولو لا قدر الله حصل حاجه حتلاقى نفسك
افتكرت انها من الدواء وحتبدا تدور او تسال بس على العموم اغلب الادوية لها اثار شائعة مثلا جفاف نوم معدة حجات بسيطة كدا دا اساسى بس اسبوع ولا اسبوعين على
الاكثر وبتروح خالص الاعراض البسيطة دى واحذر احذر احذر انك تاخد دواء اى كان المهم انه مصنف انه دواء نفسى وتبطله من نفسك او حتى لو خدته كام شهر
ومش جاب نتيجة وعايز تغيرة لازم زى ما بدات بالتدريج توقف بالتدريج وتصبر كدا اسبوع وتبدا ف الدواء الجديد….لانك لو مش عملت كدا ..
حتقابلك مصاعب واعراض من دوخة وعدم اتزان وغيره يبقى احسن نتبع التعليمات.الكلام دا طبعا للناس اللى مش بتاع مع دكتور
اما اللى بيتابع مع دكتور فالدكتور حيبقى مسئول وحيفهمه كل حاجه..تمام كدا..

قصتى من هنا انا كنت اعانى من وسواس قهرى قوى جدا جدا جدا لا يمكن تخيله دماغى كنت عايز اخلعها زى اللمبة اللاووظ..هههههههههههههههههههه
بجد والله..بس بفضل الله اولا ثم هذا الدواء فافرين faverin للوسواس القهري ، واستمريت على هذين الدوائين لمدة تزيد عن 4 شهور تقريبا…مع ان المفروض المدة
من 6 شهور ل سنه ..بس الحمدلله جاب نتيجة كويسه وحاجه كمان بفضل الله انا حاولت اعالج نفسى سلوكيا يعنى اهمل الوسواس وحجات تانيه كتير حتلقوها على النت اساليب العلاج
السلوكى للوسواس ولو الواحد استسلم او خد الدواء بس من غير مقاومة منه هو يبقى بينفخ ف الهواء ..تمام..
الحمدلله لا يوجد لدواء فافرين معى اى اثار جانبيه الا ما حدث اول اسبوع وهو طبيعى وممكن يروح كمان قبل اسبوع جفاف فم صعوبة ف الهضم او المعده .
لكن لا يوجد اى اثار اخرى الحمدلله

الخلاصة
لازم الواحد ياخد بالاسباب ويعالج نفسه والله سبحانه وتعالى وفر لنا بفضله الادوية دى وامرنا اننا ناخد بالاسباب ولا نهمل ولا نتواكل ولكن نفعل ما علينا ونتوكل
على الله ..
غير صحيح ان الكل يشعر بكل الاعراض الجانبيه ولكن الشركة المنتجة بتعمل ابحاث على الدواء وتجارب سريرية على اناس قبل ما نتنتج لو لقت واحد من المليون
حصل له اسهال مثلا لازم تكتب ان الاسهال من الاعراض..يعنى اقصد كل واحد وظروفة..
دواء فافرين مناسب جدا للوسواس ودا وفقا لتجربتى وان شاء الله ينجح مع ناس كتير..
انا الوسواس راح منى خالص بفضل الله ف اقل من اربع شهور ولكن انا كملت لحد اربع شهور ووقفت تدريجيا مع ان المفروض زى ما قلت من 6 شهور او حسب الطبيب
لن يشعر احد بتحسن لاى دواء نفسى قبل من اسبوعين لشهر ..يبدا يعنى يحس بتحسن ولا يحكم على الدواء قبل ذلك وفيه ناس اكتر من شهر كمان ..
والتاثير النهائى بقى حسب الحالة وحسب الشخص ..بس يكفى انه حيتبسط ويكون عنده عزيمة لما يحس انه بدا يتحسن
بعد انتهاء من العلاج باشهر كثيرة احسست ان الوسواس ساعات بيجى لى بس بسيط جدا جدا جدا ولا يؤثر وحتى مش حاسس بيه كدا حاجه لا تذكر الحمدلله
ودا كمان يمكن لانى مش استمريت كتير على الدواء..ما بالك بقى اللى يكمل 6 شهور مثلا او سنه ..
اعمل اللى عليك وخد بالاسباب دوائيا وسلوكيا ..وادعى ربنا ..لانى كنت دائما ادعو الله خاصة ف تلك الفترة والحمدلله لازلت احمد الله وادعو الله ان يثبتنى
قبل ما تاخد الدواء قول : اللهم انى اسالك ان استفيد من الدواء وخير ما فيه وان تجنبنى وتصرف عنى شر ما فيه…
وتقول بسم الله الذى لا يضر مع اسمه شىء فى الارض ولا فى السماء وهو السميع العليم..توكلت على الله..وحسبى الله ونعم الوكيل ولا حول ولا قوة الا بالله العلى العظيم
وصلى على الرسول عليه الصلاة والسلام ..وخد الحبايه..وان شاء الله حتكون زى الفل ..وانا عملت كدا..
ودى تجربتى اتمنى من كل واحد لما يخف ان شاء الله يكتب تجربته ..عشان الكل يستفيد…”حب لاخيك ما تحبه لنفسك”..

كل اللى بيقولو لاى حد عنده وسواس..اقرا قران او صلى او ادعى ربنا .ومش يقولو روح للدكتور معاهم ..دول ناس جهله جدا وسبب اننا اصبحنا دول نامية بجد
..والدليل ان ناس متدينه جدا عندها وسواس قهرى حتى فى الصلاة والضوء وغيره…
ولذلك انا بقول ان القران والصلاة والدعاء صح مئة بالمئة بشرط ان يكون ذلك مع الدواء لان الوسواس القهرى مش مجرد فكرة
دا نقص او خلل ما ف مادة اسمها السيريتونين .. والخلل دا مش حيروح الا لما ناخد الدواء ..وطبعا القران والصلاة والدعاء..اكيد من العلاج السلوكى لانه حيعمل
راحة نفسية وربنا حيساعد المريض لانه خد بالاسباب ومش اهمل ولا تواكل ..

اسف على الاطالة ..ودى مجرد تجربة ليست دراسة علمية او بحث علمى..
الغرض منها ان المريض اللى من نفس الحالة لما يشوف حالتى يشعر بان الامل موجود وينتبه لبعض التعليمات اللى ممكن تقبله..
وانا غير مسئول عن اى حد ياخد دواء من غير متابعة طبيب ..

وشكرا جزيلا …اتمنى الدعاء لى ولوالدتى ووالدى واسرتى والمسلمين والمسلمات جميعا بالخير..