لقتل بسبب اللحية: نتيجة تحريض افاعي الاعلام الواطي
شهادة طبيب على حادثة قتل ملتحي و الفيديو الخاص بها
امبارح كنت نبطشي في مستشفى منشية البكري ، كان فيه مجموعة كبيرة من البلطجية قاطعين شارع جسر السويس معاهم سلاح ابيض وخرطوش ، واي واحد ملتحي راكب عربية او اوتوبيس او ماشي على رجليه بيوقفوه وياخدوه الى جهة غير معلومة ، فيه اوتوبيس نزلوا منه اربع ملتحين وخدوهم مش عارفين فين ، لغاية لما جه واحد ملتحي معدي بعربيته ، حاولوا يوقفوه فخاف منهم ومرضاش يقف ، راحوا واقفين قدام العربية وواحد منهم طلع خرطوش وضرب طلقتين في الهوا ، الراجل مرضاش يدوسهم ووقف ، كسروله زجاج السيارة والراجل قاعد يصرخ ويقول انا مليش دعوة بحاجة والله انا مليش دعوة بحاجة ، راح واحد منهم فاتح باب العربية وفي الزحمة ضربه طلقة في جنبه ، وشدوه من العربية على الارض وهو بينزف ، الراجل فضل يتشاهد وهو مرمي على الارض وبعدين شالوه ودخلوه المستشفى عندنا ، الاصابة كانت خطيرة والنزيف كان شديد والرجل كان بيلفظ انفاسه ، دخلناه عمليات بسرعة وفتحناه ، الخرطوش كان مضروب من مسافة قريبة جدا وكان فيه تهتك شديد بالكلى والكبد والرئة ، حاولنا انقاذه بكل ما عندنا ، لكن للاسف لفظ انفاسه الاخيرة على ترابيزة العمليات ، راجل لا كان ماشي في مظاهرة ولا اعتصام ، راجل معدي في الشارع بعربيته ، راجل كل ذنبه انه ملتحي ، للدرجة دي روح البني ادم بات رخيصة!!! للدرجة دي وصل الظلم والوحشية!! ، لو مكنتش شفت المنظر ده بعنيه مكنتش هصدق ان الوحشية توصل بالناس للدرجة دي ، ربنا يرحم هذا البرئ الذي لا اعرف حتى اسمه ، وحسبنا الله ونعم الوكيل
علشان كدة كلنا هندعى على السيسى ووزير البلطجية محمد ابراهيم و اعوانهم فى يوم عرفة واحنا صايمين
