بصو يا بنات انا جربت كتير مواضيع خل التفاح وماء الورد والشبه وحاجات كتير في في الاخر 
بردو بتيجي بفشل او بمعني تاني بتاخد وقت وانا قرفانه
بس قريت الوصفه ديه في احدي المواقع وقولت هخسر ايه ولا حاجه طبعا اديني بجرب وكنت خايفه اوي 
بس جربتها وومن اول مره ولقيت فرق كبير 
اتفاجات
وقولت اجربها في بعض المناطق يعني في الارداف وماذلك وبردو نجحت
فقولت لا بقي ما بدهاش لازم اخش للفتوكات حبايبي واقولهم هما كمان
ونبقي احلي موزز في الوطن العربي
طبعا ده بعد فضل ربنا علينا
ندخل في المفيد بقي علشان مطولش عليكو يلا بينا ومتقلقيش ولا تزعلي معايا هتحققي امنيه من امانيكي
الوصفه:
* كوب قهوه (قهوه تركي) اه قهوه متخافيش كده انا شيفاكي
بس ضروري تكون تركي روحي اي سوبر ماركت وهاتيها واي ماركه مش شرط يعني
* فنجان خل تفاح بردو اي ماركه المهم يكون نضيف
تعالي بقي معايا نشوف هنعمل فيهم ايه:
هنجيب اي طبق او اي حاجه غويطه اوي ونحط فيها كوب القهوه ونضيف عليها فنجان خل التفاح ونقلبهم في بعض هيبقي شكلها عامل زي الرمل المبلول
زي كده
انا بقي عملت ايه دخلت اخدت دش دافي علشان الجسم يبقي طري كده والمسام تتفتح وروحت طافيه الدش
* طبعا الجسم بيبقي مبلول تروحي فاتحه المايه براحه تبقي سرسوب وتبلي ايديكي وتاخدي من الخلطه ديه وسوري يعني تدعكي بيها صدرك مع اتجاه عقارب الساعه لمده تلات دقائق
* وبعديها متشطفيش جسمك لا اعملي تاني بس المره التانيه ديه هندعك الصدر عكس عقارب الساعه بردو تلات دقائق
معلومه:
(وانتي بتدعكي صدرك ادعكيه زي ميكون بتدعكي شعرك كده بالظبط علشان يعمل نتيجه )
* بس وبعد كده اشطفي جسمك بماء ساقع يعني مايه الحنفيه كده واغسليه كويس علشان خاطر القهوه متعملش لون علي الجسم
ومتنسونيش في الدعاء بالله عليكو
وانا اسفه لو كنت قولت كلام مينفعش يتقال بس ده لازم علشان عيونكو والوصفه تنجح
بحبكو في الله
وياريت اللي يعجبها موضوعي متنساش التقييم
والدعاء بان ربنا يرزقني بالزوج الصالح عاجلا ام اجلا
يارب يعجبكو الموضوع:
:::يلا سلام ياقمرات
