ذكرى زواجي الثالث بالصور

 

كيفكم يا بلقيسيات ..

جبتلكم فكرة سويتها قبل شهر في ذكرى زواجي الثاني ..

وقبل لا اسويها كنت كل ما اقولها لاحد يقعد يضحك علي ..

ومن كثر ما يتريقوا ويضحكو علي خلوني اصرررررررر واعملها <<< جنوبيه غربيه

الموهم .. بقولكم اش سويت ..

اول شي يا حبيبات قلبي رحت خيطت فستان عروسه .. زي فساتين الباليه ..اللي مرررررررة قصير يعني اقل حركه تبين ال……..

وخيطة معاه طرحه صغنوووووووووونه .. وانا اصلا شعري قاصته الكاريه اللي قصير من ورا وطويل من قدام <<< مدري اش اسمها .. ورحت الكوفيرة وقصرتها و نظفت جسمي واهتميت فيه كاني عروسه ودهنت مسك وبخور وخرابيطنا احنا البنات .. وعملت مكياجي في البيت خفيييييييف زي ماهو يحب ..

وكمان عملت مسكتي بالورد الابيض <<< مو انا عروسه ولا نسيتوووو

هدا بالنسبه لي …
اما بالنسبة للبيت ….

اول شي قبل المناسبه باسبوع رحت واخترت الكيكه اللي ابغاها لذكرى زواجي وكانت كيكة شكل عروسه لابسه فستان ابيض ..
ورحت اشتريت ورد ابيض وفرطته (( ورد رش ابيض )) .. وبعدين في غرفة النوم فرشة شرشف السرير حق ليلة الدخله .. كان لونه احمر على عودي وذهبي .. ورشيت فوقه ورد ابيض وجهزت البيجاما حق زوجي كمان اللي كان لابسها ليلة الدخله وصندل البيجاما الله يكرمكم<<< ابغى اعيد الذكريات مزبوووووووووووووط .. .. وبخرت الغرفة وجهزتها وقفلت الباب ..

عملت ممر بالورد الابيض والشموع على الجهتين من باب الشقه الين الغرفه اللي مجهزتها للمفاجاة (( للمعلومية : ماكانت غرفة النوم )) ..

ولما يوصل لباب الغرفه اللي انا عامله فيها المفاجاة راح يلاقي ظرف لونه ابيض ملصق على الباب مكتوب عليه : ………. طووووووووووووووووووط …………..<<< مشفر ..

الموهم الزبده انه روح البس البيجاما وفي مفاجاة منتظرتك جوا ..

وبعدين لما يخلص وييجي ويفتح الباب طبعا حتكون الغرفة ظلام بس على الشموع والابجورات اللي في الاركان و راح يلاقي 3 حاجات ..

اول حاجه طاوله تجنننننننن محطوط عليها الكيكه العروسه وعاملتلها ديكور مرة حلو بالولو والورد الابيض الرش واكسسوارات لونها سكري ومفرش وحركات .. وحولين فستان الكيكه العروسه حطيت الشموع البيضا الصغيرة المدورة بشكل دائري حولين الفستان ..

والشي التاني التلفزيون مشغله فيه سي دي زواجي .. <<< الذكريات مع سبق الاصرار والترصد هههههه

والشي الثالث وهو المفاجاة الكبرررررررررررررررررررررررررررى

لا تضحكوا عليا

حيلاقي هديه كبيييييييييييييييييييييييييييييييييييييييييييييييي رة كبرها قد كرتون التلاجه .. مغلفه بتغليف ابيض وشرايط بيضا شكلها مررررررررة حلو .. ومحطوط عليها كرت .. مكتوب فيه : …….. طووووووووووووووط ……..<<< كمان مشفر … بس الزبده انه افتح الهديه حتلاقي مع الهديه ورقة صغيره تقولك انا فين ؟؟؟؟؟

وحيفتح الهديه حيلاقي هديته … اللي هي …
ان ا
بفستان العروسه والطرحه والمسكه ..

ما اوصفلكم ردة فعله وفعلي … انبسطناااااااااا بكل معنى الكلمه ومتنا ضحك وبعد الضحك عشنا اجوااااء رومانسيه ولا احلى ..

والله حسيت نفسي عروسة … وهو حس انه عريس ..

وتوتا توتا خلصت الحدوتا ..

ان شاء الله ما تكونو ضحكتو عليا ههههههه..

• هدايه لزوجي بعيد زواجي
• بالصور كيفية تحضير لعيد زواج
• ذكرى دواجي
• كلمات لذكرى زواج