روايات غرام اعترفت مجنون

اعترف مجنون في حبك رغم عقلي الكبير

روايه كويتيه رومانسيه اجتماعيه جرئيه جدا.
للكاتبه : ياليت الحزن لحظه واوراق خريفيه سابقا<<..شتات انثى حاليا..
رجعت لكم بعد ما شفت التشجيع والاقبال القياسي على روايتي السابقه..تغريد ارواح عاشقه..واتمنى تعجبكم هالروايه(اعترف مجنون في حبك رغم عقلي الكبير)

انتشرت رواياتي بين المنتديات الاخرى لكن
هذي اول روايه لي انشرها بهالمنتدى..وحبيت اخليها حصريه لكم..ويارب القى تشجيع وتعجبكم
واتقبل اي نقد بناءا .. واحلل نقلها لكن مع وضع اسمي..لامانه حطوا منقووووووول
لان وايد شفت لي روايات حاطين عليهاا حصري لهم..بليززززز الامانه يابنااات الاماانه

والحين نبدا ب
<>الشخصيات<>
عايلة فهد ال…ابوعبدالمجيد
وطيبه ام عبدالمجيد

عبدالمجيد/٣٣سنه..نائب المدير عام بشركة ابوه..ذو بشره بيضاء وعينين بنيتين وطول فارع وجسمه عريض وحلو..وشخصيته هيييييييييييييبه
راكان/٣١سنه..خريج ادارة اعمال وماسك الماليه بالشركه..روحه مرحه ويمووووت بالبنااات..ذو بشره حنطيه وطول فارع وعينين عسليتين.
فيصل/٢٩سنه..وهذا احلى اخوانه..يمووت بالمغازل والغشمره والضحك..وماخذ الدنيا ايزي..ذو بشره بيضاء وعينين عسليتين وانفا كحدة السيف وغمازتين تزيده جمالا..وما يبي يشتغل معنه خريج ماجستير من امريكا بعلوم سياسيه..

مساعد/ ٢٧سنه..ذو بشره سمراء شرقيه..وعينين عسليتين وشعرا اسودا كثيفا يصل بنعومته الى اقصى اذنيه..دكتور نسا وولاده بمستشفى خاص..

ورود/ ٢٥سنه..بشرتها بيضا ونعومه حيللل وتموت بالموضه وشعرها قاصته بوي وصابغته شوكلت..وتوها متخرجه من الجامعه تخصص ادب انجليزي

منتهى/ ٢٣سنه..وبشرتها بيضا وشعرها اسود قاصته فراوله ومخصلته بكرزي وطولها متوسط ورشيقه حيل وتدرس بالجامعه تخصص هندسه

ريماس/ ٢٢سنه..وبشرتها بيضا وشعرها اسود طويل لركبها وناعم حيل وهاديه ونعوومه..

ريان / ١٩سنه..بشرتها حنطيه على ابوها وعيونها عسليه وشعرها قصير لعند رقبتها صابغته هاي لايت حلووو عليها وتدرس بالجامعه تخصص علوم اجتماعيه ثاني سنه..

يارا / وهذي عاد اخر العنقود..١٧سنه..وصاروخ الجمال والكل ميت عليها..عيونها زرق بلون السما وشعرها بلاتيني اشقر وطويل لنص ظهرها وبشرتها بيضاا وصافيه..دلوووعة وكل خواتها يغارون منها..وجسمها مثل عارضات الازياء ..باختصااار ملكة جماااااال..تدرس بمدرسه اخر سنه علمي..
عايلة محمد ال..ابوعبداللطيف
ومزنه ام عبداللطيف

عبداللطيف/ ٣٥سنه..ذو بشره بيضا وطولا فارعا وعينين سوداوين..ويدير معرض للسيارات بالاضافه لشغله معيد بجامعة الكويت علوم سياسيه..

رائد / ٣٣سنه..بشرته حنطيه وهو مملوح وحلوو ويدير الشركه مع ولد عمه عبدالمجيد

عبدالله/٣٠سنه..وهو احلى اخوانه..بشرته بيضا وعيونه عسليه وعنده غمازات ويشتغل بوازرة الاوقاف..

تغريد/٢٧سنه..بشرتها برونزيه حلوه وعيونها بنيه ورموشها كثيفه وطويله..ومدرسة رياض اطفال

شوق/٢٥سنه..بشرتها بيضا وطولها متوسط وشعرها اسود قاصته بوي ومخصلته مووف

غرام/٢٣سنه..وهذي احلى خواتها..بيضا وضعيفه وتحب الاناقه وشعرها اسود لنص ظهرها وقاصته مدرجات
عايلة خالد ابومشاري و
ناديه ام مشاري

مشاري/٣٥سنه..احلى شباب العايله..بشرته بيضا وطويل وعريض المنكبين وشعره اسود كثيف وحواجبه محدده برجوله اسره وابتسامته سحر..ويشتغل دكتور عظام مع مساعد ولد عمه بنفس المستشفى..وهم ربع الروح بالروح..

فايز/٣٣سنه..بشرته حنطيه مملوح وحلو وعيونه عسليه..ويموت بالمغازل واهو مع فيصل ورائد الروح بالروح

امثال/٢٧سنه..بشرتها سمرا صافيه وشعرها قاصته لعند جتوفها بشوي وصابغته بني ومخصلته باشقر..حلوه

روعه/٢٥سنه..بشرتها بيضا وشعرها اسود لنص ظهرها مخصل بكرزي..

ريماا/اخر العنقود كبر يارا عمرها ١٧وتدرس معاها بنفس المدرسه والصف وتوم بعض..بيضا وشعرها اسود طويل لنهاية ظهرها وعيونها عسليه واسعه وشفايفها صغار وتوتيه..

فهد ومحمد وخالد يصيرون اخوان يعني عيالهم عيال عم

الخوال اخووووووان طيبه: :

زياد /٣٠ سنه..وبشرته بيضا وطويل وعيونه عسليه وعنده مكتب محاماه بس يدوام بكيفه..يموت بالطلعات ويحب يارا اكثر وحده بالبنااات ويدلعها مووووووت ولها مكانه خاصه عنده حتى انه حاط لها غرفه بروحها ببيته اللي اهو قصر كبير
ساكن فيه مع اخوه

ضااااري/٢٩سنه..ويشبه لاخوه زياد بالضبط جنهم توم بس الفرق انه اسمر مملوح..واهو بعد مدلع يارا
وفيه شخصيات محوريه بتطلع مع الاحداث..

واخليكم الحين مع البدايه

البارت الاول

في فيلا ابوعبدالمجيد..
الساعه وحده الفير..
وكل الانوار بالفيلا طافيه ما عدا الحديقه وصالة الدور الثاني اللي كانت الاناره فيها خافته

صعد عبدالمجيد الدري بخطوات هاديه ومتعبه..مر عالصاله وشاف التلفزيون شغال على قناة توب موفز..ويارا منسدحه عالقنفه ونايمه ببيجامتها الحرير الوردي قميص وشورت صغير..راح لها ونزل لها ومسك ايدها: ياارا..ياارا

يارا فتحت عيونها وابتسمت لما شافته: همممم عبدالمجيد؟؟
عبدالمجيد ابتسم : ئي..شمقعدج لهلوقت؟؟ وليش طالعه ببيجامتج جذي؟؟
يارا ابتسمت وهي تتعدل وترفع شعرها باهمال: كنت بنطرك وما حسيت بنفسي ونمت..
عبدالمجيد باهتمام: ليش تبين شي؟؟
يارا رجعت قعدت بتوتر: اممم كنت باخذ رايك بسالفه..امممم..اممم
عبدالمجيد رغم تعبه يا وقعد يمها لما حس بجدية الموضوع: يارا شفيج؟؟ صاير شي ما ادري عنه؟؟
يارا رفعت ريولها لصدرها وضمتهم: اممم قالك ابوي ان عمي خالد خطبني لمشاري لما ابوي خطب امثال لراكان!!

عبدالمجيد تنهد وهو يفرد حواجبه باصابعه وينزل غترته وعقاله ويبطل ازارير دشداشته: قالي..بصراحه ما توقعت ان عمي يختارج انتي..معنج الصغيره..كنت حاط ببالي ورود!!

يارا بقلق: انزين عبدالمجيد انا خايفه..مشاري وايد عود علي..انت احسك ابوي اشلون اهو اكبرك منك بسنتين

عبدالمجيد ابتسم لاخته الصغيره المدلله عنده ومسح على شعرها: خلاص قولي انج ما ارتحتي وارفضي

يارا تنهدت: ابوي موافق وقالي فكري ولا تنسين ان قرارج بياثر على خطبة اخوج..وعلى علاقتي باخوي

عبدالمجيد ابتسم: شوفي انا مشاري اعرفه
..سالي مساعد عنه اهو يشوفه بالمستشفى على طول..الكل يمدح باخلاقه وطيبته وحنانه على خواته..انتي فكري وقرري

يارا بتردد: ما ادري عبدالمجيد ما ادري احسه وايد عود..اممم يعني تقريبا بيني وبينه ستعش سنه

عبدالمجيد بهدوء: صح بس مشاري ما فيه اي عيب..ومثل ما قتلج الراي الاول والاخير لج

يارا تنهدت: ابوي وراكان وريماس وريان موافقين..اما امي وورود ومنتهى ما عرفت موقفهم شنو؟؟

عبدالمجيد وقف: احسن شي قومي صلي واستخيري وفكري عدل ونامي وان شاء الله..الله يكتب لج اللي فيه فيه الخير

يارا ابتسمت..وقفت وباست خده: اوك بوووون وي..
عبدالمجيد ضحك وهو يمشي لغرفته: هههههههه بون ويي ولا تطلعين بلبسج جذي مره ثانيه اوك

يارا ضحكت ودخلت غرفتها وانسدحت بفراشهاا ونامت..

في فيلاا ابومشاري..
الساعه ثنتين الا ربع الفير..

بغرفة ريماا

كانت قاعده عالنت بين المنتديات اللي مشاركه فيهاا ومندمجه حدها..الاضاءه خافته الا من نور الابجوره الاصفر والتكييف البارد والظلام يلف المكان

مشاري طل براسه: اممم ريووم قاعده؟؟

ريما رفعت راسها: اوف مشاري بكبره يايني الدار..غريبه؟؟

مشاري ضحك وهو يدخل: هههههه يمه منج يعني ولا مره ييت عندج

ريماا لفت عليه وهي تبتسم: اممم امبلاا بس قولي شتبي هالمره

مشاري ابتسم: وانتي كله جذي حار بحار..

ريما ضحكت: هههههه احلى شي..يلا قوول

مشاري بتردد: اممم بسالج عن يارا؟؟

ريماا ابتسمت: اهااا..شوف اذا قصدك شنو مشاعرها ناحيتك..بصراحه ما ادري..صج اهي رفيجتي وجذي بس ما احس انها كانت تهتم لهلامور..يعني ولا مره حسيت انها تهتم باحد او في حياتها واحد مثلاا

مشاري ابتسم: اممم انزين شنو تتوقعين ردة فعلها لما تعرف اني خطبتها؟؟

ريماا تفكر: امممم ما ادري بس يمكن تنصدم لان فرق العمر بينكم مو شويه..امم يعني حوالي ستعش سنه..اووف وايد..

مشاري باحباط: تتوقعين ترفض؟؟

ريما ابتسمت: لاااا شووف انت من هالناحيه خلها علي..انا باجر اشوفها بالمدرسه واسالها لك..

مشاري ابتسم ووقف: اوكي عيل تصبحين على خير

ريما ابتسمت وهي ترجع للاب توب: وانت من اهله..هالله هالله بالمرضى عاد مو تنساهم وتفكر بالحبيبه

مشاري ضحك وهو طالع: انزين هههههههههه
وثاني يوم الصبح..بوحده من مدراس الثانووي الانجليزيه
الساعه سبع ونص

وبفصل ١٢ ع ٣

يارا وهي تحط شنطتها السودا الجتف على كرسيها اللي كان ثاني واحد بالوسط: بووون جوور
ريما ابتسمت: بووووون جووور..وينج فيه بيرن الجر….

وما كملت لان الجرس رن..ترررررررررررن
تررررررررررن تررررررررررررررررررررن
ريما ضحكت: ههههههههه يلا امشي امشي..

يارا قعدت وحطت راسها عالطاوله: روحي انتي انا مالي خلق بروحي مو نايمه الا ثلاث الفير

ريما وكانها حست فيها: امممم انزين شلي شاغلج؟؟

يارا رفعت راسها وطالعتها بنظره: تتطنزين؟؟

ريماا قعدت يمها: يويو صدقيني ما كنت ادري انه مشاري حاطج بباله ولا ادري انه يبيج

يارا طلعت ملقمه صغيره تحط فيها عدة الميك اب وخذت قلم الكحل: يعني؟؟

ريماا: كلنا تفاجانا لما قالنا انه بيخطبج وابوي حب يسويها سبرايز لعمي فهد لما درى انه ياي يخطب امثال لراكان..

يارا وهي مغمضه عيونها وتحط الكحل: بليز ريوووم سكري هالسالفه ترى والله تعبت منهاا من امس وانا افكر فيهااا..وحدي مصدعه..

ريماا : افهم انج رافضه اخوي؟؟

يارا حطت الكحل وطلعت الغلوس الشفاف: نووو ريووم اصلا انا ما استخرت..خلي هالسالفه عنج الحين وقوومي نشرب ماي قبل ما اييوننا

ريما سكتت ووقفت معاها وطلعوا للمشارب وشربوا ماي وتعطروا وعدلوا شعورهم ولما شافوا الطوابير تحركت راحوا على صفوفهم

وسكتوا لما بدت مدرسة الاحياء بدرسها وظلت يارا تحاول تركز بالدرس..
في مستشفى ال..التخصصي
الساعه ثمان

عيادة النسا والولاده..
بمكتب د.مساعد فهد ال……
رفع مساعد راسه لما حس بالباب يتبطل وابتسم : وينك من اليوم ادورك

مشاري ابتسم: توني واصل..عندك شي الحين..

مساعد طالع ساعته:امممم لا عندي عالعشر..

مشاري بهدوء : عيل قوم الكافتيريا نشرب لنا كوفي..ابيك بموضوع..

مساعد ابتسم وهو يوقف: شاك اني اعرف موضوعك..

مشاري ضحك: هههههههههه فاهمني ولد عمي..

مساعد ضحك: ههههههه عيل اشلوووون عيل..تعال بس تعال..

……

وراحو قعدوا بكافتيريا المستشفى..وطلبوا اثنين شاي نعناع..

مساعد وهو يتامل بخار الشاي: قوووووول اسمعك..

مشاري: اول شي ابي رايك فيني كشخص متقدم لاختك..ولا تجاملني عشاني ولد عمك..

مساعد ابتسم: تدري اني ما اجامل..اممم شووف بالنسبه لي ما عندي اي مانع..مو شايف فيك شي نرفضك عشانه..اما يارا لا تسالني عنها لاني بصراحه ما ادري شنو ردة فعلها للحين..

مشاري ابتسم لطاريها: انزين وعمي؟؟

مساعد: والله ما ادري شقولك بس اكيد موافق..اهو ما قالها بس ناطر رد من يارا بالاول..

مشاري سكت وصار يفكر فيها ويتذكر ملامحهاا: ……………………………….

مساعد ابتسم: تعال انت مع ويهك من امتى حبيت اختي وانا ما ادري؟؟ شكلك حاط عينك عليها من يومها بالمهاد

مشاري ضحك: ههههههههههههه والله واثق اني احب اختك..

مساعد ابتسم: غصبا عنك حبيبي..هذي يارا مو اي وحده..

مشاري ابتسم واخذ كوبه وقام : ……………..
مساعد رفع حاجب: هييييي تعال وين رايح..مشاااري..(وقام معاه)الحمدلله والشكر شفيه هذا ين

مشاري سمعه ووقف والتفت له: لا تحش فيني اسمعك

مساعد ضحك: هههههههه صج الحمدلله والشكر اقوول امش امش زين..
انتهى البارت الاول
رايكم وانتقادتكم وتوقعاتكم..

الرد باقتباس
{[ واذ تاذن ربكم لئن شكرتم لازيدنكم ولئن كفرتم ان عذابي لشديد – الهي لك الحمد والشكر نستغفرك ياعفو ياغفور ]} 2
قديم(ة) 01-07-2024, 04:47 AM
صورة اسطوره ! الرمزية
اسطوره ! اسطوره ! غير متصل
©؛°¨غرامي ماسي ¨°؛©
الافتراضي رد: رواية اعترف مجنون في حبك رغم عقلي الكبير الكاتبة اوراق خريفية منقول

الباارت الثاني
في فيلا فهد ابو عبدالمجيد
الساعه وحده ونص الظهر
بالدور الثااني..
وبغرفة فيصل..

ام عبدالمجيد دخلت وشافت الدار بارده حيل وظلااام وبطلت الليتات وطفت التكييف ورفعت الستاير: فيصل يافيصل..قوووووم يمه قووووم صارت الساعه وحده ونص..
فيصل شد الكمبل وقلب على بطنه: اممممم

ام عبدالمجيد تسحب الكمبل: فيصلللللللللللل قووووووم اقووولك الناس بتتغدى وانت للحين نايم

فيصل رفع نفسه بضيق وهو يرجع شعره: افففففف قايم قايم..

ام عبدالمجيد ابتسمت وهي طالعه : لاا تطول..الحين بيي ابوك واخوانك وبنتغدى..

فيصل بعد الكمبل وقام متجه للحمام: زين زين..
اما بالصاله..
راكان واهو داخل ووراه خواله زياد وضاري: يمااا يمااا..حياكم حياكم..

ام عبدالمجيد ابتسمت: زين بينتوا

زياد ضحك ويا سلم عليها: ههههههههه هلا بالغاليه..اشلونج اشخبارج؟؟

ام عبدالمجيد بعتب: لو تهمك اخباري جان ييت وسالت عني..

راكان ابتسم: عندج اياه يماا يبتهم غصب عنهم..

ضاري ضحك: ههههههه اسكت انت لاا تحرشها علينا..(ويا سلم عليها) اشلونج يالغاليه؟؟

ام عبدالمجيد ابتسمت: بخير الله يسلمك..تعالوا اقعدوا حياكم..

راكان ابتسم وهو صاعد الدري: عيل انا بروح اخذ شاور وايي..

ام عبدالمجيد : زين لاا تطول عشان تتغدى معانا

زياد : ما عليج منه..قوليلي البنات وينهم ما اشوف احد..

ام عبدالمجيد : بعد وين؟؟ اللي بالشغل واللي بالجامعه واللي بالمدرسه..

بهاللحظه دخلت يارا وشنطتها على جتفها وتمشي بملل: السلام عليكم

امها وزياد وضاري: وعليكم السلام..

ام عبدالمجيد تتفحصها: شفيه قميصج مبطل جذي..

يارا طالعت لبسها المدرسه اللي كان قميص ابيض وتنوره كحليه لتحت الركبه..وشافته مفتوح: اووووه ما انتبهت له..

ام عبدالمجيد وقفت: زين روحي بدلي وغسلي عشان تتغدين معانا
ومشت عنهم رايحه للمطبخ

زياد ابتسم: شفيج ؟؟

يارا مشت للدري بملل تسحب خطواتها: ولا شي..قولوا لامي اني مابي اتغدى

ضاري وزياد طالعوها باستغراب: تعالي شفيج؟؟

يارا ما ردت لان فيصل نزل يركض عالدري وما انتبه لها ودعمها وطاح فوقها عالارض: ااااااااه..

فيصل قام عنها واهو يضحك: هههههههههه سوري ما انتبهت لج..

زياد وضاري: هههههههههههههههههههههههههه

زياد وقف يساعدها: شفيك ما تشوف كسرت البنيه هههههههه

فيصل يضحك : ههههههه والله ما انتبهت لهاا

زياد عطاها ايده: صار لج شي..

يارا وقفت بمساعدة خالها ومشت عنهم بدون ما تتكلم لان مالها خلق: لاا عادي..

فيصل..زياد وضاري: ؟؟؟؟؟؟؟؟؟؟؟؟؟؟

ضاري: تعالي ما تبين غدا؟؟

يارا وهي اعلى الدري: لا..بناام..

فيصل يطالعهم وهو يعدل جينزه وبلوزته التفاحيه الخضرا: شفيهاا؟؟

زياد قعد وحط ريل على ريل: احنا اللي نسالك شفيهاا؟؟

فيصل يفكر: اممم ما ادري بس اكيد عشان خطبتها لمشاري..

ضاري: احنا يينا مع راكانوه عشان هالسالفه بس شكلها مو موافقه..

راكان اللي كان نازل متروش ولابس بيجامة نووم سودا برمادي: وليش ما توافق؟؟

فيصل طاالع اخوه: انت هني؟؟

راكان طنشه وطالع ضاري: مشاري ولد عمها وكلنا نعرفه ونعرف اخلاقه ليش ما توافق؟؟

ضاري بهدوء: لاا تنسى فرق العمر..

زياد كمل : وبعدين لاا تطالع الموضوع من زاويتك..

فيصل تدخل: صح انت تقول هالكلام لانك خاطب امثال اللي اهي اخت مشاري..

راكان بثقه: عالعموم اهي ما للحين ما ردت..

بعدها يوا البنات ورود ومنتهى وريماس من الشغل ويت وراهم ريان من الجامعه..واجتمعوا كلهم عالغدا لما يا ابوهم
ابوعبدالمجيد على راس الطاوله وحوله عياله ومرته ونسايبه: عيل يارا وينها؟؟

ورود وهي تحط لنفسها من المجبوس: بدارها نايمه..تقول ما تبي غدا..

ابوعبدالمجيد التفت لريان: روحي نادي اختج..

ريان وقفت: ان شاااء الله يبه..
……

وبغرفة يارا

بعد ما بدلت ملابسها وغسلت..لبست بيجامة نوم موفي بابيض قميص وبنطلون وانسدحت بفراشها

ريان فتحت عليها الباب: يارووو نمتي؟؟

يارا كانت تطالع السقف: اممم نوو

ريان : انزين قومي ابوي يبيج تحت..

يارا بملل : قوليله مصدعه وبتنام

ريان بهمس: قتله قال ناديهاا..قومي يلا الكل ناطرج عالغدا

يارا بعدت الكمبل وقامت بملل ونزلت معاها تحت..: ناديتني يبه؟؟

ابوعبدالمجيد طالعها : ئي تعالي تغدي..

يارا مالها خلق تجادل..يت وقعدت بمكانها : ……………………حطت سلطه وكلت كم قفشه وبعدين سرحت..
الكل كان ملاحظها بس سكتوا عنها لانهم يدرون انها تفكر بالخطبه..
بعد لحظات..

يارا وقفت: الحمدلله..

زياد وقف معاها: الحمدلله..تعالي ياروو نقعد برا..

وسحبهاا ومشى..

محد علق وتمو ياكلون..

ابوعبدالمجيد وقف: الحمدلله..جهزوا لنا الشاي..

ام عبدالمجيد: ان شاء الله الحين اخلي نورين تزهبه..

منتهى وقفت تتمغط: وااااي بروح انام حدي تعبانه..

ريماس وقفت معاها: ئي والله حتى انا..
قاموا كلهم وبقى عبدالمجيد وفيصل ومساعد وراكان مع خالهم ضاري وطلعوا برا بالحديقه..

………
عند النافوره..زياد ويارا

زياد : شفيج؟؟

يارا نزلت راسها: ولا شي اممم بس قاعد افكر بالخطبه..

زياد رفع راسها: استخرتي..

يارا تنهدت: لاا ما امداني..بس ما ادري ما ادري خايفه ومتوتره ومو مرتاحه..عبدالمجيد ومساعد مدحوه لي..وابوي حاسه انه موافق..وامي ما اتوقع تخالف ابووي..بس راكان..راكااان..ما ادري ما ادري..

قاطعها صوت راكان: شنو اللي ما تدرين عنه؟؟

مساعد استغرب: شفيك تصارخ؟؟

راكان بحده: مالك شغل انا اكلمها اهي..شنو اللي ما تدرين عنه؟؟

عبدالمجيد بحزم: رااااااكان احترمني عالاقل..انا واقف بينكم ليش تكلمها جذي؟؟

يارا بهدوء : خله..No smoke without fire‏(لاا دخان بدون نار) اهو خايف اذا رفضت يرفضونه..

راكان رفع حاجب: وان شاء الله بترفضين؟؟

ضاري قاطعهم: راااكان..يارا هدوا شووي الاموور ما تنحل بهالطريقه..(وطالعها) انتي فكرتي؟؟

يارا تنهدت: مو مرتاحه..فرق العمر بيني وبينه كبير..يمكن كل عمري..خايفه ما اقدر اتفاهم معاه..وو

راكان بحده: يعني شنوووو؟؟

يارا طالعته ببرود: يعني مو موافقه..وما تقدر تجبرني علي شي انا ما ابيه..

راكان عصب: خي..

عبدالمجيد بصراخ: رااااااااااااااااكاااان وبعدين..

راكان بحده: ما تسمعها شتقووووول؟؟

زياد بهدوء: راكان شفيك خذتنا بشراع وميداف..اهدا شووي..

يارا ببرود وهي توقف: عباله بصراخه بغير رايي..

راكان بقهر: غصبا عنج تواااافقين؟؟

يارا طالعته بحقد من فوق لتحت: صارخ على كيفك لاني اذا مو موافقه ما تقدر تجبرني وما تقدر تسوي لي شي لان ببساطه..BarKing dogs seldom bite
(الكلاب التي تنبح لاا تعض).

ما خلصت كلامها الا وطراق حااار ينطبع على خدهااااااااااا طيحها عالارض..

عبدالمجيد ومساعد وفيصل وضاري وزياد كلهم انصدموا وقاموا له: هئئئئئئئئئئئئئئئئئئئئئئ

يارا رفعت راسهاا عن العشب وحطت ايدها على خدها ووقفت بثقه: وعناد لك مو موافقه وسو اللي تبيه فاااااااااااااااااااااااهم..

راكان فار دمه وكان بيشد شعرها: لااااااااا مو فاهم فهميييييي

عبدالمجيد عصب ومسكه من دشداشته: هذي اخر مره تمد ايدك عليهااا او على غيرها بوجووووووودي فاااااااااهم..

ضاري مسكه من ايده: تعاال معااي راكان تعاااال..

راكان بملل: افففففف

ضاري يسحبه داخل: تعاااال زين..
عبدالمجيد راح لهاا ورفع ايدها عن خدها المورم: لاا تزعلين منه ترى مو من قلبه بس خايف يرفضونه اذا رفضتي..

يارا تنهدت: ادري..

زياد بهدوء: روحي اعتذري منه..ترى الكلام اللي قلتيه كبير..

يارا مسكت راسهااا وقعدت عالكرسي: مو الحين خله لين يهدا..

فيصل بقلق: انزين شفيج؟؟

يارا تضغط على راسهاا: ما ادري دايخ..(ويت بتوقف بس حست الدنيا تفتر فيها ورجعت قعدت) ااااه..

عبدالمجيد بخوف وهي يرفع ايدينها عن ويهها: شفيج يارا شحاسه فيه؟؟

يارا ما قدرت ترد من الالم اللي داهم راسها وصارت تصارخ ودفنت ويهها بجتف زياد وهي تحاول تكتم صرخاااتهاا: اااااااااااااه امممممم اممممممممممم اممممممممم
امممممممم

زياد يطالعها مصدوم..ما يدري شلي صار..يشوفهاا دافنه ويهها بجتفه وتصارخ وترجف وغارسه اظافرها بجلده من القوووه: يااارا ياااارا تسمعيني ياااااارا

عبدالمجيد وفيصل ومساعد حاولوا يبعدونهاا عنه..بس ما قدروا لانها تصارخ بقوووووه..

يارا فجاه سكتت وهي ترخي ايدينها عنه: ……………

مساعد بقلق: شوفهاا

زياد بعد ويهها عن صدره بخوف: يارووو شفيج؟؟

عبدالمجيد : قومي اوديج المستشفى..

يارا خذت نفس تهدي فيه وصارت تدلك راسهاا باصابعها: لاا لاا عاادي بس ما ادري حسيت بدوخه..

مساعد تنهد: اوووف خوفتينا عليج..

فيصل: انزين الحين شتسوين؟؟

يارا وهي مواصله التدليك: التدليك يريحني..

مساعد : لازم اخذج المستشفى اسويلج تحاليل..

يارا واخيرا رجعت طبيعيه: لاا مساعد عادي شفيك..دوخه وراحت..

عبدالمجيد: انزين وين رايحه؟؟ خليج شوي..

يارا : بروح لراكان..(والتفت لخالها) بتروح؟؟

زياد ابتسم لها: اذا تبيني اظل..

يارا بهدوء: لاا بروح وياك..

عبدالمجيد : وين؟؟

زياد وقف: يعني وين بتيي وياي..ولا عندك مانع..

عبدالمجيد ابتسم: لاا عادي..بس..

يارا قاطعته: بقعد بروحي شوي عشان افكر..

عبدالمجيد ابتسم لها: خلااص روحي..

يارا التفت لزياد: انطريني ابدل وايي..

زياد ابتسم: انزين نادي ضاااري وياااج..
…….
وفوق بغرفة راكان..

ضاري: احاجي روحي انا..

راكاان بملل: افففففف شتبي؟؟

ضاري : شنو شبي صار لي ساعه احاجيك وانت كلش مو يمي..

راكان انسدح بينام: خلااص روح عني بنااام..

ضاري ابتسم: كل هذا سوته امثال فيك..

راكان صارخ: براااااااااااااااااا
ضاري ضحك وهو يوقف: ههههههه انزين انزين برا برا بس لا تصارخ فضحتنا.

بهاللحظه دخلت يارا: يبيك زياد تحت..

ضاري ابتسم : يلاا نازل..

يارا صكت الباب وراحت قعدت عند راسه: راكااان..

راكان بدون نفس: طلعي برا وصكي الباب بناام

يارا رفعت الكمبل عن ويهه: راكان انا اسفه بس انا متوتره لاني من يومين مو نايمه عدل وتفكيري كله بالخطبه حتى بالمدرسه ما ركزت بدروسي عدل..

راكان مطنشهاا : …………………………………

يارا حست بدموعها تيمعت بعيونها..وقفت بهدوء: اوكي بكيفك

ولفت عنه وطلعت وصكت الباب..وراكان رفع راسه بيناديها بس تراجع باخر لحظه ورجع نااام..
…..

اما يارا راحت دارها..غسلت ويهها بمااي بارد ولبست برمودا جينز وبدي سماوي بابيض نص كم..مع صندل ابيض عالي وطلعت لخوالها..

*
*
*
*
بسيارة زياد..عقب ما ركبت يارا ورا وحركوا
زياد يطالعها من المرايه: كلمتيه؟؟
يارا تطالع الشباك: ما رضى يسمعني..

زياد شاف دموعها بعيونها وسكت: ………….

ضاري حب يغير الموضوع: صج يقولون دختي قبل شووي..

يارا بهدوء: عادي..من كان عمري سبع سنين وهالدوخه تيي وتروح..

ضاري: اوووف..انزين ما حللتي؟؟ ما عرفتي شنو اسبابهاا؟؟

يارا: لاااا امي كل ما اكلمها او اسالها تتهرب مني..

زياد: عيل لازم تروحين المغرب مع مساعد تحللين..

يارا رخت راسها ورا وغمضت عيونها: ما ادري اشووف
وبعد عشر دقاايق..وصلوا الفيلاا ونزل ضاري وشافها نايمه وشالها ودخل فيهاا: زيوووود تعال بطل الباب..

زياد صفط سيارته ونزل..بطل لهم الباب ودخل معاهم: انا بروح انام تعباان حدي..

ضاري وهو صاعد الدري: وانا بعد..بس بوديها دارها بالاول..

*
*
*
*
في فيلاا ابوعبداللطيف
الساعه خمس ونص العصر..

بالصاله..

غرام نزلت تركض: شوووقو شوووقو

ام عبداللطيف: علامج طايره..لاا تطيحين..

غرام طنشت: شووقو تدرين ان راكان خطب امثال..ومشاري خطب ياروو

شوق شهقت: هئئئئئئئ قولي والله..متى واشلوون ما دريناا؟؟

غرام : توني صاكته من ريموو تقول امس يا عمي فهد وخطب امثال لراكان وقام عمي خالد وخطب يارو لمشاري..

عبدالله نزل فنجانه وابتسم: يارا لمشاري..مو جنها صغيره عليه..

تغريد : اهو مو كبرك..

عبداللطيف ابتسم: انا اكبر منه بشهرين..

ام عبداللطيف ابتسمت: انا امس دريت من طيبه..

غرام بدهشه: تدرين وما قلتي لناا؟؟

رائد : ومنو انتي عشاان تقولج؟؟

غرام تخصرت: مالك شغل..محد كلمك انت..

ابوعبداللطيف: بس مو المفروض يخطب له ورود دامها الكبيره..

شوق بسرعه: عاادي يبه يمكن يحبهااا

عبدالله طق راسها: هيييي انتي شنوو يحبهاا عيب استحي على ويهج..

شوق مدت له لسانهاا: اممممم

عبدالله ضحك: هههههههههههههههه الحمدلله والشكر..(ووقف) انا طالع تبون شي؟؟

ام عبداللطيف: دير بالك على نفسك

غرام بسرعه: عبووود عبووود عفيه قطني على ريمو وروعه بطريجك..

عبدالله دزهاا: هيييي شنو عبوود اصغر عيالج قوولي عبدالله..

غرام كشت عليه: مالت عالويه..يعني مدلعتك..خلصنا بتوديني ولا لا؟؟

عبدالله فج عيونه: هههههههههههه انزين بسرعه بنطرج بالسياره..

شوق وقفت: لحظه بروووووح

غراام نطت: يااااااي ونااسه انطرني بس البس وايي..

تغريد تضحك: ههههههههه مو صج جنهم اول مره يروحون بيت عمي خالد

شوق وهي تلعب بخصلات شعرها الموفي: لا يالخبله اول مره يصير عندنا عرس..

الكل: هههههههههههههههههههههههههههههههههه
*
*
*
في فيلاا ابو مشااااري..
نفس الوقت..
بغرفة مشاري..

كان توه قاعد من النوم وطالع من الحمام لاف الفوطه على خصره..ولا يرن فونه
مساعد: قووه
مشاري: قوتين
مساعد ابتسم: وينك؟؟
مشاري: وين يعني؟؟ بالبيت..
مساعد : انزين تعال ي بستار بوكس اللي بكيفان
مشاري: ليش ما تروح العياده؟؟
مساعد: امبلا بس تعال انت
مشاري حس انه عنده شي: انزين مسافة الطريج بس
مساعد: اوكي باي
مشاري: باااي
سده وراح لبس جينز وتيشيرت موفي عليه كتابات فضيه وجوتي رياضي لونه ابيض بخيوط موفي..وتعطر ومشط شعره ونزل.

بالصاله..

مشاري وهو نازل الدري: يما انا طالع تبون شي؟؟

ام مشاري: لا يمه سلامتك..

مشاري: الله يسلمج..يلا فمان الله..

ام مشاري: فمان الكريم..

يت روعه من فوق لابسه جينز اسود سكني وبلوزه بيضا ساده ورافعه شعرها فوق بسير مطاط..: يمااا بيون غرام وشوق

ام مشاري: حياهم الله..

روعه: انزين نبي حلو

ام مشاري: شوفي فايز بالديوانيه قوليله يروح اييب لكم

روعه مشت: اوك..

نزلت وراها امثال مرتبكه وشكلها توها قايمه من النوم ونازله ببيجامتها الصفرا التويتي: يمااا

ام مشاري ابتسمت: هلا يمه

امثال بتوتر وحيا: اممم يما انا فكرت بالخطبه واستخرت

ام مشاري بفرحه: صج وشنو رايج؟؟

امثال نزلت راسها: موافقه يماا

ام مشاري لمتها : صج..الف الف مبروووك يايمه والله راكان خوش ريال وبيسعدج..
(ووقفت)خل اروح ابشرج ابوج وعمتج طيبه

امثال ابتسمت لامهاا وحست بحيا وصعدت دارهاا تتروش وتريح

*
*
*
في فيلا زياد وضاري..
الساعه ست وربع المغرب..
بالصاله..

نزل زياد لابس تريننغ اصفر وشعره مبلل ومبين توه متروش: انت هني؟؟

ضاري ابتسم واهو يقلب القنوات وبيده نسكافيه: اممم ئي تعال..سمعت باخر الاخبار

زياد سحب منه النسكافيه وقعد وحط ريل على ريل: اممم قوول

ضاري ابتسم: صج انك شايب عيزان تييب لنفسك يعني..

زياد ضحك: ههههههه ئي والله تصدق..

ضاري ضحك: هههههههههه اسمع زين..توها من شوي دقت طيبه وتقول ان امثال وافقت على راكان

زياد ابتسم: من صجك..

ضاري : ئي والله..بس تقول ان ابوعبدالمجيد يبي يارا عشان يسمع رايهاا

زياد ترك النسكافيه: صج اهي وينهاا للحين نايمه؟؟

بهاللحظه نزلت يارا وللحين بلبسها اللي يت فيه بس غسلت ويههاا ورتبت شعرها : كاني.

ضاري ابتسم: ابوج يبيج

يارا : ماني رايحه؟؟

زياد بهدوء: امثال وافقت على راكان واهو يبيج عشان يسمع رايج

يارا بحده: وانا مو موافقه..مو مرتاحه..بيني وبينه ستعش او سبعتش سنه..واايد..وااايد وما راح اقدر افهمه ولا اهو بيفهمني..وبعدين ترى تعبت من امس وماكو غير هالسالفه..مساعد وامي وورود وريمااس ورياان ومنتهى وريماا بالمدرسه وراكان وكلكم موافقين عليه وتحنون على راسي..والحين انتوا..خلاااص فكوووني..

زياد استغرب انفعالها: انزين شفيج معصبه؟؟

يارا دمعت عيونها ومسكت راسهاا: ما ادري ما ادري..

ضاري حن عليها ورفع راسها ومسح دمعتها: خلااص يارو قومي غسلي ويهج خن نروح لابوج وقوليله انج رافضه..خو الزواج مو بالغصب..

يارا ما ردت بس وقفت وراحت صوب المغسله بالمطبخ وغسلت ويههاا وطلعت معاهم وراحو بيت ابوهاا

*
*
*
*
وبكافيه ستار بوكس اللي بكيفان..عند نادي الكويت
نفس الوقت..

مشاري واهو يقعد: قووووه
مساعد ابتسم: هلا..شتشرب؟؟
مشاري ابتسم: موكا
مساعد : اوكي وانا بعد

(ونادى الجرسون وطلب وراح)

مساعد: مشاري انت ليش خطبت يارا بالذات؟؟

مشاري انصدم من سؤاله: بذمتك يايبني هني عشان تسالني هالسؤال

مساعد : واللي يرحم لي والديك رد علي..

مشاري باستغراب: شفيك مساعد انت تدري اني احبها ليش تسال

مساعد ابتسم: ولا شي بس بصراحه يارو خايفه من فرق العمر بينكم

مشاري ابتسم: شي طبيعي اي وحده بعمرها بتخاف من هالخطوه..اهي شقالت؟؟

مساعد : ما قالت..للحين تفكر..

مشاري سكت شوي وبعدين قال: انزين قوم تاخرنا عالعياده..

مساعد ابتسم: والموكا

مشاري وقف: قووم ناخذه وياانا

قام مساعد وخذوا الموكا وحاسبوا وطلعوا

*
*
*
في فيلا ابو عبدالمجيد
الساعه سبع وربع..

بالصاله..وكان الكل قاعد بطلب من ابوهم ما عدا مساعد اللي بالشغل..

ابوعبدالمجيد: دريتي ان امثال وافقت على اخوج

يارا طالعت راكان: دريت من شوي..الف مبروك

راكان طالعها بنظره يعني لا ترفضين: الله يبارك فيج

ام عبدالمجيد: وانتي يمه ما فكرتي..ترى مشاري ولد عمج ودكتور وخوش ريال واخوانج وخوالج يمدحونه..شقلتي؟؟

يارا : فكرت وايد وتعبت من التفكير بعد..بس مشاري ما يصلح لي..اهو اكبر مني بكل عمري يعني سبعتش سنه..وانا توني صغيره وبكمل درستي..

راكان عصب: نلعب احنااااا

عبدالمجيد بحده: رااااااااكاااان

ابوعبدالمجيد بحزم: بس انت وياه انا قاعد بينكم احترموني..

وبعد كلمته الكل سكت : ……………………….
منتهى: يلا يارو شقلتي؟؟ ترى والله شي تتزوجين قبلناا..معنج اصغر وحده..

ورود ضحكت وهي تلعب بشعرها الشوكلت: ههههههه معنه انا احلى منج..

يارا ساكته: ……………………….

ابوعبدالمجيد طالعها: شفيج ساكته؟؟

يارا ببرود: All roeds lead to Rome..لان
(كل الطرق تؤدي الى روماا) انا قلت رايي وما راح اعيده..اصلا شالفايده اني اقوله وبالنهايه تسوي اللي تبي..

ابوعبدالمجيد عصب: يعني شنوووو؟؟

يارا وقفت بثقه: مو موافقه..الزواج مو غصب

ابوعبدالمجيد وقف معاها وعطاها طراق خلاها تطيح عالارض من قوته: وشرايج انج بتتزوجينه وريلج فوق رقبتج وغصبا عليج بعد

الكل شهق ما عدا راكان كان مستانس: هئئئئئئئئئئئئئئئئئئئئئئئئئئئئئئ

عبدالمجيد مسك ابوه : يبه شفيك الله يهداك هد اعصابك

ابوعبدالمجيد معصب: ما تسمعها شتقول..اخر عمري بتفشلني مع اخوووي..والله عشان شنوو..اكبر مني..

يارا رفعت راسها عن الارض وهي تحس بالاهانه انه طقها جدام الكل..ومسحت شفايفها اللي نزفت: ماني موافقه يعني ماني موافقه..وسو اللي تبيه..

ابوعبدالمجيد ين وبعد عن عياله وراح لها وصار يرفسها على بطنها ويطقها ويشد شعرها: وتردين بويهي بعد..انا اوريج ياللي ما تستحتين اذا ما ربيتج من يديد مثل ما ربيت امج من قبل..وبعدين شدعوه انا راد عليج اصلا انا قتله انج موافقه ورايج الحين ما يهمني سمعتي..

فيصل وعبدالمجيد يحاولون يبعدونه : يبه يبه..

زياد معنه كان يحاول يقوم يارا الا انه انتبه لكلامه..مثل ما ربيت امج..وسكت: قومي يارا قومي..

ام عبدالمجيد ارتبكت من كلمته وصار ويهها مية لون : يارا قومي يمه قوومي..

يارا وهي متسنده على خالها وشفايفها تنزف ويهها احمر: من زمان كنت حاسه انج مو امي..

ام عبدالمجيد ارتبكت: يارا يمه شفيج..انا امج طيبه اللي ربيتج..روحي داخل انتي تعبانه..

يارا بحده: ماني رايحه داخل..ما تسمعينه شيقول..مثل ما ربيت امج..يعني انا مو بنتج..اصلا ما اشبهكم..ملامحي تقول ان امي مو انتي..

ورود بصدمه: صج يمااا

منتهى باستغراب: يمااا ردي قولي شي..يارا مو اختنا

ريمااس: يماا يبه شفيكم سكتوا..الكلام اللي تقوله يارا صح..

ريان ضحكت: هههههه هيييي شفيكم جذبتوا الجذبه وصدقتوهاا..اشلون مو اختنا

• رواية يارا و مشاري
• اعترف مجنون بحبك رغم عقلي الكبير كامله
• روايه (اعترف مجنون في حبك رغم عقلي الكبير)