روايات غرام تدري وش معني افقدك

((تدري وش معنى (افقدك) واتحلى بالسكوت اختنق ما اتنفس اتالم دون صوت ما اتكلم بس من داخل اموووت..!!!)))

((..لا احلل من يمسح اسمي من على روايتي..))
خربشات روح .. rooofa

تعريف بالعوائل:
عائلة ابو ناصر(الكبير):
ابو ناصر: عمره 50 اب حكيم طيييب وعلى نياته معرروووف بالحنكه والذكاء له هيبته بين المجالس طبعا كل الاخوان يشتغلون بشركة ابوهم ما عدا ابو احمد ابوهم مات وترك لهم ثروة طائلة…
ام ناصر: عمرها 42 ام طييبه ورحيمه مؤدبه وخلووقه وما لها في غيرها..
نورة: عمرها 30 سنه متزوجه وعندها بنتين راما: 5 سنين .. ريتاج:3 سنين..
ناصر:26 سنه يشتغل مع ابوه بالشركه درس هندسه بالجامعه مملوح اسمراني حلو امممم طول وجسم يعني حلوو هع..
نواف: 23 كمل دراسته بعد الثانوي بالخارج تزوج ب (روما) وما احد من اهله يدري لذا استقر بروما وبين فترة وفترة يزور اهله ولاحد الان ما احد يدري بزواجه..
نوف: 19 سنه احلى بنت بالعايلة مغرروووورة جدا وما تعطي احد وجه والكل يكرهها ما عدا ولد عمها وليد يعشقها لحد الثمااله..

عائلة ابو وليد: (المتوسط)
ابو وليد: عمره 48 شجع فلووس مريض فلووس ويكره اخوانه مع انهم كلهم شرااكه بالشركه بس هو يبيها لوحده ويستغل اي فرصه عشان ياخذها ..
ام وليد: عمرها 45 ما تخلي احد ما تتكلم فيه وتحب المشاكل ما ترتاح الين تسوي مشكله >>>سبحان الله مثل زوجها المهم انها ما تحب الخير لاحد..
وداد: عمرها 27 تحب الخير عكس امها وابوها تحب بنات عمها وما ترضى عليهم كلمه خلصت دراسه في الشريعه وحاليا متوظفه مدرسة…
وليد: عمره 23 يحب عمانه ودايم يحذرهم من ابوه عكس ابوه تماااامااا يحب بنت عمه نووف ويعشقها بس هي مطنشته>>> مغرورة من زينها..

عائلة ابو احمد: (الصغير)
ابو احمد:45 سنه امممم احلى واااحد مع انه شايب لكن كشخه ما شاء الله عليه ملامحه جنااااان احم احم شاطر بشغله شاف ان اخوانه بداووا يتفرقون من الشركه والميراث اخذ ورثه وفتح له شركة خااصه فيه بعيد عن المشاكل
ام احمد: 35 سنه زوجه تخاف الله ومطيعه حالها حال نفسها
احمد : عمره 23 تخرج وما درس جامعه توظف مع ابوة بالشركه
امال: 19 سنه اخر سنه اولى بالجامعه بنت طيووبه ونعوومه وتحب الخير للناس قبل لنفسها
عبد العزيز: 4 سنوااات دلوع امه وابوة
>>>طبعا هاذولي الاخوان وعائله وحده
عائلة ابو ولاء: عمره 50 سنه ربي ما رزقة الا بولاء من بعد طول عمر تزوج وعمره 25 وكان العيب فيه الحمد لله صبروا وجتهم ولاء
ام ولاء: طيوبه وحبوبه اممممم عمرها 48
ولاء: عمرها 19 سنه في الجامعه تعرفت على امال لانهم بنفس التخصص شطووورة
صاحبتها الروح بالروح مرام وهي معها ع الحلوة والمرة
عائله تركي:
ابو تركي : ميت له 5 سنين جراء حادث شديد
ام تركي: حرمه كبيره مقعده بسبب الحادث
جاسم: اخوه الكبير عمره 33 سنه متزوج
تركي: 25 سنه كان متزوج نوف وطلقها
حنان: 19 سنه اول سنه بالجامعه تدرس بنفس الجامعه لولاء بس ما يعرفون بعض
علاء: 7 سنين دلوووع الكل
وباقي شخصيات راح تدخل بوسط الاحداااث

اممممممم مثل ما قلت ما احلل اللي يمسح اسمي من على الروايه
الروايه احداثها حقيقيه وواقعيه
طبعا هاذي الاعمار كلها قبل الاحداث وقبل سنتين يعني دوام الحال من المحال
اتمنى انكم تستمتعوا بقراءتها
انا قريت روايات كثيره وكلها احداث متشابهه فقررت اكتب روايه من قلب الحدث
خربشات روح .. rooofa
*الفصل الاول*
اعترف,
اننى قد ادرت ظهرى ل الكثير من الاشياء المحببة لدي ,
فقط !
تجنبا ل المزيد من الالم ,,
************
في ارض المطار…
احمد: اووه واخيرا وصلت تعبت من اللف والدوران بارض باريس بس والله فترة نقاهه ريحت راسي من المشاكل…
هذا … هذا .. صدمه …….
الا والله هو صديق عمري اللي اختفى من بعد الثانوي …
فراس .. فراس
التفت فراس وهو مو مصدق عيونه معقوله هذا احمد يالله كيف كبرنا وتغير ..
احمد: وينك يا رجال اختفيت من بعد الدراسه لا حس ولا خبر خفت تكون مت والا شي مو مصدق عيوني اخيرا لقيت اخوي اللي ما جابته امي ..
فراس: الناس تسلم وتتحمد بالسلامه بعدين عاتب حتى انت والله من زماان عنك الحمد لله اني شفتك ..
بس والله يا احمد مستعجل نادوا ع الرحلة اخاف تروح علي ..
احمد باستعجال: طيب عطني رقمك ؟؟؟ ومتى رااجع السعوديه؟؟
فارس مستعجل: اوكي هذا رقمي بالسعوديه 055******* والله راجع بعد شهر يلا اشوفك على خير وراح ..
احمد: في امان الله …
يوووه والله مو مصدق الحمد لله..
ركب السيارة احمد وتوجه على بيته عشان يرتاح من تعب السفر ومو مداري عن التعب اللي مخفيته عنه الايام….
بيت ابو ناصر:
نوف: يوووه يا يبه ابي ارووح الكوفي مع صديقتي لجين وناصر ما له دخل بطلعاتي وروحاتي انت الامر الناهي..
ابو ناصر: طيب روحي ولا جا ناصر انا اعرف شغلي معه اوك؟؟
>>> طبعا ابو ناصر يتكلم انجليش لانه درس برا مثل ولده نواف..
باست نوف راس ابوها وطارت من الفرحه لغرفتها..
غرفه نوف:
نوف: هلا حبيبي
تركي: هلا حياتي مساء الورد يا احلى ورده بحياتي
نوف: احم احم مساء النور خلاص ترا استحي من هالكلام
>>>طبعا هي تخرفن عليه وتلعب وتتسلى مو شايله هم احد وهو من جد يحبها >>>حزني تركي اهئ اهئ
تركي: اه ما ادري متى يجي اليوم اللي ننجمع فيه تحت سقف واحد
نوف: تقول بقلبها( مسكين مصدق نفسه) اي والله متى هاليوم متشوقه عليه الا اقول حياتي؟؟
تركي: امري حبيبي
نوف: ودي اشوفك اليوم بعد العشا
تركي طار من الفرحه: اكيد حياتي بنفس المكان؟؟؟
نوف: اي بنفس المكان يلا تامرني بشي؟؟
تركي: لا سلامتك باي حبي
نوف: باي حياتي (ما تنكر نوف انها معجبه فيه وبشخصيته لكن معانده نفسها تبي تكون هي البنت اللي الشباب يطيحوا عندها)
تركي: عمره 25 طيب وحبوب ويخاف على بنات الناس مثل ما يخاف على خواته ويحب نوف ويعشقها تعرف عليها من خلال الفيس بوك…
صحى احمد من نومه وهو مرتااح ع الاخير وقرر يخرج يتعشى بره
دخل الحمام تحمم ولبس ملابسه وتعطر وخرج وهو باخر اناقته دخل المطعم وطلب المنيو
في هاذي الاثناء…….
ص د مه الجمت فمه
معقوله هاذي نوف بنت عمي لا لا لا مو معقوله انا اتوهم الا هي نفس المشيه ونفس الضحكه
ما تمالك اعصابه قام من على طاولته جرها من يدها وخرج ولا حتى التفت للي كان معها
وصار يسووق بسرعه جنونيه وهي صارت خايفه وتتوسل فيه انه يهدي السرعه ومو سامعها
وصل لبيت عمه والشرار يتطاير من عيونه….
وهو داخل ونوف جارها وراه لقى بوجهه ناصر وصرخ فيه
احمد: اختك يالمحترم خارجه مع واحد وانتوا ولا داريين عنها تبي تشوه سمعت العائلة ولا احد داري
ناصر: انصدم ما عرف وش يقول
احمد: شفتها بعيني خارجه مع واحد ولا جالسه معه وتضحك ولا كانه زوجها
ناصر ما تحمل كلام احمد ولد عمه وضربها كف وطااح فيها ضرب قدام احمد وما وقف ضربه الا على صوت ابوه لما طاح من صدمه اللي سمعه
نقلوا ابو ناصر ع المستشفى مع احمد اما ناصر اخذ اخته وحبسها بالغرفه ويكمل حسابه معها اذا انتهى وتطمن على ابوه
جات ام ناصر وبنتها الكبيره نورة للمستشفى معهم احمد وناصر ينتظرون الدكتور يخرج ويطمنهم على ابو ناصر
خرج الدكتور وراح له ناصر اول ما شافه
ناصر: ها بشر كيف ابوي عساه بخير؟؟؟
الدكتور وهو مستبشر: لا الحمد لله تطمن ابوك ما فيه الا العافيه مجرد ارتفاع في الضغط بسيط واستقرت حالته بعد دقايق بنخرجه لغرفته وتقدروا تشوفونه
ناصر: الحمد لله الله يبشرك بالخير
بعد ربع ساعه خرج ابو ناصر للغرفته يرتاح 24 ساعه وخرج ناصر مع امه واخته يستكمل الاجراءات ويرجعهم البيت
في السياره::
ناصر: هاذي نهايه دلعك يمه لبنتك كانت بتفضحنا لولا الله ثم احمد لو ما شافها كان فضيحتنا على كل لسان انتي وابوي تتركونها على راحتها لكن خلني اوصل البيت ان ما ذبحتها ما اكون انا ناصر
ام ناصر: تعوذ من ابليس يا ولدي بالاول ابوك يخرج من المستشفى وبنشوف وش بيصير معه بعدين نشووف نوف وش بنسوي فيها
ناصر وهو يزيد بالسرعه: يصير خير يصير خير
بعد يومين خرج ابو ناصر من المستشفى والحمد لله على سلامته وهو غضبان على نوف مع انها دلوعته بس ما يبي يشوف رقعه وجهها.
في اليومين هاذي تركي حاول يتصل عليها ويرسل لها رسايل ومطنشه مع انه شاريها
بعد مرور شهر رجع فارس من سفرته وسمع احمد بهذا الخبر طبعا احمد ما يعرف وين ساكن او هو وينه فقرر يتصل عليه…
ترن ترن ترن ترن
….: بكل صوت نعوم ودلوع >>>الوو
احمد باستغراب: طالع شاشه الجوال متاكد ان هذا رقم فارس اللي عطاه اياه بالمطار معقوله يكون غيره
احمد بكل برود: الو هذا جوال فارس؟؟
….: لا مو جوال فارس واتركنا من هالحركات البايخه حقت الشباب يدق على اساس انه غلطان .. خلصني وش تبي؟؟
احمد: الحمد لله والشكر مين قال اني باتعرف عليك انا سالت سؤال وجاوبني بادب هذا جوال فارس والا لا؟؟؟
….: لا مو جوال فارس ولا تتصل مرة ثانيه ..
قفلت الخط بوجهه واحمد تنرفز من حركتها البايخه واتصل مرة ثانيه..
كانت حاطة صدى >>>
اصعب سؤال اللي جاوبه للاسف مثله سؤال
ما هو تفلسف الا موق…..
….: نعم خير ليش متصل مرة ثانيه
احمد: عجبني الصدى وبسمعه كيفي وكل ما ابي اسمعه باتصل واتركي اللقافه ولا تردي
….: اوك عجبك اسمعه بمكان ثاني عالم فاضيه من جد
وقفلت الخط بوجهه للمرة الثانيه
اتصل عليها مرة واثنين وثلاث وما ترد طنشها احمد وفكر بصاحبه معقوله متعمد يعطيه رقمه خطا شال الافكار من راسه وفكر انه يتمشى لبس وتعطر وخرج…

عند ولاء…
وش قله الحياء هاذي اوووف طفشت من كل هذا ما عندي لا اخت ولا اخو اشكيلهم اللي يصير معي
امممممممم خليني ادق على مرام واقولها على كل شي صار
ترن ترن ترن
مرام: ارحبووو يا هلا والله
ولاء: مرحبتين حبيبتي هع هع هع
مرام: اخبارش علومش
ولاء: مالت عليك انتي وهاللهجه اقول غيريها احسن
مرام: ذاكرتي زين
ولاء: كنت اذاكر وصار لي موقف غبي ومحمس في نفس الوقت
مرام: يا سلالام انا طفشانه من اول قولي وش صار؟؟؟
ولاء: كنت اذاكر وفجاه ………………………………………….. ………………………………………….. ………………………………………….. ……………………………… وهذا اللي صار
مرام: يا عيني يا عيني طيب ليش ما استرسلتي معاه في الكلام مالت عليك
ولاء: لا والله عشان يقول علي مخفه وراعيه هالحركات وااااو لو تسمعين صووته جوووناااااااااان بس ثقلت نفسي
عليه هههههههههههههه
مرام: طيب عطيني رقمه وانا اضبطه لك
ولاء: اقول وش رايك ترجعي تذاكري مو يكون احسن؟؟
مرام: هههههههههههههههه طيب يلا تشاو
ولاء: مع السلامه يا مسلمه ههههههههه
مرام: مع السلامه

…………………………………………..

• تدري وش معنى افقدك
• تعرف معنى افقدك واتحلى بالسكوت