مساكم الله بالخير
كيف حبيباتي عساكم طيبين:032::032:
بصراحه انا فكرت كتير اكتب عن ايه فى اول مواضيعي فى المدونه بس اكيد لازم ابدا بحبيبي زيت اللوز الحلو:032: لانه صحيح حلووو وعسل وسكر وكل المحليات 
كل المتابعيني بيعرفوا ان انا بموووت فى الزيت دا ونتائجه الفتاكه فى شعري لما اكون كسلانه ومش عايزة اعمل ماسك ولا خلطه بعمل مساج بزين اللوز وخلاص شعري مدلع على الااااااااااخر
انا عارفه انا نزلت عنه موضوع فى المنتدي وذكرت طريقه استخدامي ليه قبل الاستحمام وبعده كمان بس هنا ح اذكر خلطات بسيطه تعمليها مع زيت اللوز الحلو اختاري الطريقه البتعجبك اكتر:thumbs_up:
اتاكدي من انك بستخدمي زيت لوز اصلي بتعرفيه من الرائحه (جمليه جدااا وسويت خالص) قوامه خفيف ويمتصه الشعر بسرعه
1- ممكن لوحدة طبعا من غير اي اضافات ونتائج رووووعه
2- زيت لوز + زيت نعناع لتحفيز نمو الشعر
حمام الزيت الساخن للشعر الجاف
و الحمام دا يساعد على تنعيم الشعر الجاف واستعادة نضارته وحيويته ويمكن تنفيذه بخطوات بسيطه
امزجي معلقه كبيرة من زيت اللوز الحلو مع معلقه من زيت الخروع (يمكن الزيادة حسب طول وكثافه شعرك) ثم ضعيها فى اناء زجاجي واغمريه فى ماء سخن حتي يدفا الزيت قليلا اغمري قطعه قطن فى الزيت ومرريها على جزور الشعر . باطراف اصابعك دلكي فروة الراس بحركات دائرية خفيفه لتنشيط الدورة الدمويه ووزعي الزيت لباقي اطراف الشعر
لفي شعرك بمنشفه سخنه واتركيه من 20-30 دقيقه
ماسكات:-
3-زبادي + عسل + زيت لوز حلو لتنعيم وتطويل الشعر
معلقتين زبادي + معلقه عسل + ومعلقه زيت اللوز الحلو تخلط وتوزع علي الشعر لمدة ساعه او اكثر ثم تغسل بالشامبو والبلسم
4-ماسك زيت اللوز الحلو والبيض للشعر المتساقط
يحارب تساقط الشعر بدرجه كبيرة حيث يعمل على تنشيط بصيلات الشعر وتحفيز نموه اضافه الي تقويه خصلات الشعر نفسها طريقته
شويه من زيت اللوز الحلو + بيضه + قطرات من عصير الليمون لازاله رائحه البيض قطرات من زيت الافندر
تخلط كل المكونات وتدلك على فروة الراس ثم توزع على باقي الشعر اتركيه 15 دقيقه واغسلي شعرك
احلي فائدة لزيت اللوز فى رائي الشخصي انه يحمي من التقصف وتكسر الشعر وبالتالي شعرك يطول فى اسرع
وقت ويكون شكلو صحي وجميل
النتائج تظهر بعد اسابيع قليلة من الاستخدام المتواصل…
جربوا وانا منتظرة رائكم
تحياااااااااااااتي
