شامبو دونا - اجمل جديد

1- جونسون

ميزته الوحيده انه مشهور و متوافر فى اى حته يعنى شم بتلفى عليه لكن بينشف الشعر جداااااااااااا
ماديهوش اكثر من 5/10
السعر:تقريبا 17-18 مش فاكره قوى

2- sanson

احسن من جونسون شويتين يعنى لو كان اول حاجة اجربها بعد جونسون يمكن كنت رضيت بيه بس جربته بعد حاجات احسن منه
اديه 7.5/10

السعر:مش فاكره خالص لو حد استعمله قريب يقولى سعره

3-corine de fame

ده فرنسى و كويس كثير
يعنى ياخذ 8.5/10
السعر:ده ب 33 بس علبه كبيرة

4- شامبو لوريال للاطفال

برده فرنسى و شركة لوريال معروفة طبعا
ده حلو بجد عيبه انك هتلفى عليه كثير و فى منه التقليد وحش جدا و قريب فى الشكل فممكن تتخمى فيه
ده ياخذ 9/10
السعر:فى اخر العشرينات او اول ال 30

5- شامبو ديزنى

ناس كثير لقيتهم بيتكلموا عنه و هيصة و غالى و بصراحة اى كلام خالص و نشف شعر بنتى جدا
بس للامانه فى ناس بيقولوا كويس معاهم

بالنسبة لى انا مش اكثر من 7.5/10
السعر:فى اماكن حاجة و عشرين و اماكن بيعدى ال 30

6- شامبو كامينا

كويس على فكرة و سعره رخيص و متوافر يعنى 8.5/10

السعر:تقريبا ب 13-14 العلبة الكبيرة
نيجى باه لحبيب قلبى اللى مافيش زيه

7- شامبو اوريفليم بس مش اى واحد فى واحد بينزل فى المناسبات فقط ده

ده ماتقوليش لعدوك عليه (سويسرى )
انا شعر بنتى اتغير و اتضبط و باه حاجة ثانية من يوم ما استعملته لا ولا الرائحة بنتك كانها شيكولاتايه هو بالشيكولاته بس بشياكه كده و خرافى عيبه الوحيد انه بينزل فى المواسم بس غالبا فى راس السنه فبيخلينى الف على بديل له لو مش عاينه منه طبعا 10/10 و لو فى درجات مستوى رفيع تخليه 11-12 كنت حطيتهم
السعر:حاجة و عشرين فى العرض و 54 من غير عرض (علشان كده مايتشراش من غير عرض و ممكن اصلا ماتلاقيهوش فى غير العروض)

8- Dolin Kids

ده اخر واحد جربت علشان طبعا اللى قبله خلص و مش لاقياه استعملته مرة واحده بس غالبا حلو قوى ان شاء الله
هو تركى حتى الان ياخذ 9.5/10 و احسن حاجة بعد اوريفليم
و على فكره رائحته تحفه جدااااااااا

السعر: حاجة و عشرين بس مش فاكره كام بالضبط