شعر صباح الخير ياقلبي

صباح الخير ياقلبي ،، صباح الروح يا اغلا انسان
صباح الطيب والبسمه صباحك داخل عيوني

صباح المسك والعنبر .. صباح الشوق والتحنان
صباح الصبح للعالم … وصباح الناس للكوني

صباح القاف والمعنى .. صباح الخير والاوزان
صباحك شعر والحان ترنم دخل شجوني

ك قلبي شخبارك بعد ماجيب لك ولهان
حبيبي صدق بوجودك تعال وناظر جفوني

اناظر وجهك البارق واتوث بعالم النسيان
وربي بعد ما اشوفك تزايد عندي جنوني

لقيت بصبحك الدافئ جمال الرسم و الالوان
بصراحه .. يوم ترسملي تجمل رسمي وفنوني

سرحت بطيفك الرائع كاني ساكن بستان
وحولي ناس من ربعك حقيقة صدق حبوني

حبيبي والله احبك واذا ناوي على برهان
ابثبت لك مدى حبي .. وابيع الناس لا جوني

تعال وناظر اشواقي كان بداخلي انسان
ينادي للعرب ويصيح .. امانه لا تلومني

سخرته ببسمة شفاتك تدلع كنك الغزلان
تبختتر دايم قباله .. يصيح اليوم مفتوني

تلعثم يومك تنادي .. تقول اطربنا يافنان
نسى شعره نسى فنه تغير عنده اللوني

جريح جاي يصبح لك جريح جايلك عطشان
فقد صبره بعد ماشاف جمالك الف مليوني

ياعمري فدوت عيونك ملوك الصين واليابان
ومعاهم كل من قالوا تفضل .. ثم حيوني

ابيع الناس لعيونك .. وترى منهم عشر اخوان
وابيع الدنيا باكملها مادام انك ملك كوني

صباح الخير ياقلبي صباح المسك والريحان
صباح الطيب والبسمه صباحك داخل عيوني