شعر ضحكتها صباح الخير

اي والله دنيا !! .. عرفت شلون عيشتها

زادت حمول الحياه .. وشلها متني

حتى اللي حبيتها ؟ وحبيت ( ضحكتها )

باقسى طريقه ! ,, وباعمق جرح ( خانتني )

حسيت الارض اختفت من هول صدمتها !

كن الاماني ! بنتني ثم هدتني

الكلمه اللي ! قدرت اقول : حزتها

ليت الليالي ! .. في دنياها ماجابتني

كنت اهتوي (( نارها )) عشان !! (( جنتها ))

واحقق احلامها باللي تمنتني

لاجيت ابرقد .. تلحفني عبايتها

وانا ضلوعي .. تلحفها لا ضمتني

تبدل الحال بالدنيا ورمتها

حتى الخلايق مع ظروفي تحدتني ؟؟

دايم تحاول ! .. تضايقني باسائتها

ودها ! تبين لي انها اليوم .. عافتني

عزاي !! من عقب ماقفت بدنيتها

انا اللي خليتها ,, مو هي خلتني

واجهتها !! و ( الضياع ) يضم وجهتها

( تمشي ولا جيتها / وامشي ولاجتني )

في (( ضحكة عيونها )) .. اشوف دمعتها !

ويمكن ! لو اني ( ضحكت شوي ) !! لمتني

ادري انها .. تخفي الغبنه .. في بسمتها

وادري انها تموت بوصالي لا شافتني

اللي ذبحها ! وزود ظيم حالتها !

اني تجاهلتها ,,, وانها ماهمتني

( مسكينه ) تحبني ! وتجحد محبتها ؟

 

• شعر ضحكتها صباح الخير