م دخل..! }
انا عزاي ان الوفا محتوني
وان خان غيري
بعت دمي ولا خنت
…………………………….
ياصدمتي في اكثر احبابي .. وياخيبة ظنوني
ياضيق صدري .. لاذكرت اني عليهم ما كذبت
ياطعنة خلتني انسى من سبايبها .. طعوني
ياجرح ماله طب .. حتى لو اقول: اليوم طبت
البارحه .. والله يكون بعون احاسيسي .. وعوني
احاول اهرب من عمايلهم ولكن ماهربت
ماكنت احس اني انا .. وهذا الكون كوني
امر في حالة ضياع . .وشبه غيبوبه .. وكبت
احباب .. اي احباب ذولا اللي على موتي خذوني
الظاهر اني شبت .. ياعالم .. وانا مابعد شبت
اللي لهم مده وهم في داخلي .. واستغفلوني
ياما استغلوا طيبتي معهم وكل اللي وهبت
وهبتهم قلبي .. وشعري .. وكل ماحولي .. ودوني
تعبت معهم بس ماكني رغم هذا .. تعبت
شعرت فعلا بالعذاب .. وغصة الدمع بعيوني
قربتهم مني .. وانا اللي كنت احسبني قربت
عشانهم قررت ابيع اللي من العالم .. شروني
لو ادري اخرها كذا .. من اول الدرب انسحبت
احبابهم واجد .. ولا ادري ليه بالذات اخدعوني؟
مع ان عمري ماخدعت انسان اوحتى قبلت
يا قوها صدمه .. وانا لون الغدر ماهوب لوني
مصدوم خلقه .. لين مات الحب فيني وانعطبت
الله يجازيهم على استنزافي .. وحرقة جفوني
ما كنت حاسب يبيعون الغلا .. يومي حسبت
ما عاد لي رغبه اجدد في علاقتهم طعوني
خسرت في هذا الطريق اضعاف ضعف اللي كسبت
احسن لي ابعد واشتري نفسي ولا خيبة ظنوني
ان طبت من جرحي .. والا .. جعلني ما يوم طبت
ஜღ ][ مخرج ][ ღஜ
خسرت اغلى سنين العمر ادور بعضي ” المفقود “
بقى لي حلمي المسكين وبعض اجمل عباراتي
- شعر عن الصدمة
- شعر عن الصدمه
- كلمات عن الصدمة
