شعر عن الفراق لبدر بن عبدالمحسن

العمر احبك – الشاعر بدر بن عبدالمحسن

لليل احبك .. مابقى في السما نور
والى ضواني الليل .. للصبح احبك
واللحظة اللي كلها صد وغرور
اشوف قبري بين عينك وقلبك
في صدري اسراج حزين ومكسور
رغم المطر والريح … شلته افدربك
والله مابه غير لوعاتي قصور
وخوفي عليك الله ربي ..وربك
الى متى ببني على صمتك جسور
لاحيرتني اسباب سلمك وحربك
العمر احبك… مابقي فينى شعور
ومتى جفاني العمر … وشلون احبك

المصدر : http://www.al-zin.com/vb/

الا الهوى – ابعتذر – الشاعر بدر بن عبدالمحسن

ابعتذر .. عن كل شئ ..
الا الهوى ..ماللهوى عندى عذر..
ابعتذر ..عن اي شي ..
الا الجراح ..ماللجراح الاالصبر ..
ان ضايقك انى على بابك اكر ..
ليلة الم.. واني على دربك مشيت عمري وانا
قلبي القدم …
ابعتذر ..ابعتذر …كلي ندم …
عن كل شئ .. الا الهوى ..
ماللهوى عندي عذر …
اتصدقي …ماخترت انا احبك ..
ما احد يحب اللي يبي ..
سكنتي جروحي غصب ..
ياحبي المر..العذب …
ليت الهوى وانتى …كذب
كان اعتذرلك عن هواى ..
ومااقول انا كوني معاي ..
ان ضايقك انى على بابك امر..
ليله الم …
وانى على دربك مشيت عمري وانا ..
قلبي القدم …
ابعتذر ..ابعتذر .. كلي ندم ..
عن كل شئ .. الا الهوى ..
ماللهوى عندي عذر ..
الله كريم ..حبك ..يكون..
همي القديم ..
وجرحي القديم …
والله عليم .. يا احلي العيون ..
ان الفراق .. جزا الفراق ..
ابوعدك ..كان الطريق بيبعدك ..
بامشي بطريق ..
وكان الحجود بيسعدك …
مالي رفيق ..
ابجمع اوراق السنين ..واودعك..
كان الفراق اللي تبين … الله معك

المصدر : http://www.al-zin.com/vb/

المصدر : http://www.al-zin.com/vb/

المصدر : http://www.al-zin.com/vb/

سلمى – الشاعر بدر بن عبدالمحسن

اللي طعني بين الاضلاع وادمى

هذاك ند لي ونعمين فارس

ومن ينطح الوقت الردي قلبه اعمى

كم عامر خلاه بالقاع دارس

يابنت مالي قلب بالحب يرمى

كفي سهام الفاترات النواعس

الما عيوني اظهريني من الما

وانا غريق الدمع والريق يابس

ظميان من مثلي من الناس يظما؟

وانا على احلى الينابيع حارس

والله يالولا فية عيون سلمى

ماشوف كل الناس ضاحك وعابس

من طاب لي بالنور ماني بظلمة

ومن جادلي بالغيث ماني بحابس

المصدر : http://www.al-zin.com/vb/

نجمه ونهر – الشاعر بدر بن عبدالمحسن

لو حبت النجمه نهر .. وطاحت على صدره سنا

ان مرت الغيمة قهر .. وان هبت النسمة قهر
والى رمى طفل حجر .. عكر مواعيد الهوى
انتي وانا نجمه ونهر .. وطالت مشاوير السهر
بينك وبيني الغيم ….
والشمس .. واغصان الشجر ..
وحكي العواذل والحذر ..
ولو رمي طفل حجر .. عكر مواعيد الهوى
يابنت للنجمه سما .. وانا لي الوادي
ماختار في قربك ولا … اختار في بعادي
امشي .. ولاودي .. لوتمسكي يدي
لااضيع ف امواج البحر .. ويفوت ميعادي
ان مرت الغيمه قهر .. وان هبت النسمه قهر
لو حبت النجمه نهر

المصدر : http://www.al-zin.com/vb/

يسعد صباحك – الشاعر بدر بن عبدالمحسن

يسعد صباحك .. ليلنا تو ماجا
الشمس غابت واشرقت عندكم … شمس
هى شمسنا اللي في جبينك تلاجا
والا قمرنا اللي فقدناه من امس
لليل السما برد وسحاب وعجاجا
يامن يشب النور .. في الخاطر العمس
انتى وانا لو كنا نتناجا
لاماطفت في خاطري .. شمعه الهمس
يالى جرحتك … مالجرحي علاجا
ادري الجروح النازفه تكره .. اللمس
بقول احبك .. وان عقدتى الحجاجا
!!اقولها ثنتين واربع مع خمس ..؟
ويسعد صباحك يابعد كل ماجا
ماراح من عمري .. وانا في رجا الشمس

المصدر : http://www.al-zin.com/vb/

رسالة – الشاعر بدر بن عبدالمحسن

الى من .. يهمها امرى .. الى من ..
رجاء .. الى متى صبري .. رجاء
انا لن .. اشتكي .. همي لغيرك ..
ياروحي ..اشتكي روحي على من
رساله .. حبرها ..دمي ..
رساله ..تصرخ ابهمي ..الى من ..
سالت الرمل .. في دروب القوافل ..
سالت الجدب .. عن لون السنابل ..
سالت الناس عن وجهك حبيبي …
عن الشمس .. ومتى تشرق مساء
احبك ..يالصحاري اللي ..
ف هجيرك .. احترق كلي..وفاء
كتبت لواحة عيونك رسايل …
بسراب الدمع … وانفاس القوايل ..
كتبت وذي ترى .. اخر رسالة
احبك .. وان نسيتيني .. وداعا

المصدر : http://www.al-zin.com/vb/

ارفع جروحك – الشاعر بدر بن عبدالمحسن

ارفع جروحك عن وصال الخناجر

نزفك عزيز ومثلك النجم لاطاح

ولاتنحني للريح والذل فاجر

والخوف ساس الذل والغبن ذباح

مادام لك عن خفضة الهام زاجر

اما انكسر ولا تعداك الارياح

مانته بعشب نابت وسط حاجر

ولا انت بشراع التيه والوقت ملاح

انت الذي باسمك تضيق الحناجر

لو انطقوا بك همس سمعوا بك صياح

تقفي وكن الحرف للحرف هاجر

وتقبل وقلب الصخر بالشعر بواح

ولا من رمى صبحك عباة الدياجر

ثم انتهى ظماه شع بالنور مصباح

ارفع جروحك عن تراب الخناجر

نزفك عزيز ومثلك النجم لاطاح

المصدر : http://www.al-zin.com/vb/

المصدر : http://www.al-zin.com/vb/

مالي ابل – الشاعر بدر بن عبدالمحسن

صوت شبيه الريح

..مشقق باعواد شيح

مرتق بالدم معتق بالهم زافر

صوت مثل خضر العروق اللي على ظهر الكفوف المبطيه نافر

صوت ذبيح يصرخ يصيح وابلك خذوه القوم

بين الفزع والنوم

اسرجت ابلي الف

وسليت سيفي الف

وظهرت تحت الشلف

ماكان في الشارع غير الرصيف والفجر

وبواب جيراني من هالمدى راجع

يحمل رغيف حار

..زاد لثلاث صغار

للمدرسه صحيوا ولبسوا مرايلهم

سنين سنين هالصوت الجارح الزاجر

يصيح بي وينك

..قطفت بساتينك

وابلك خذته القوم..خذته القوم هالابل

افز وفي انفي عجاجة الغاره

واصحى وفي كفي ساعه ونظاره

مالي ابل ارجوك مالي نخيل

..لانصل ولا حافر

تعبت من صوت العروق المبطيه

..ومن صمتي الفاجر

وانا اخر الفريس ظنك

انا اخر الفريس

حسبك ياحادي العيس

هذا الزمن عاري ..لاردن ولا جوخه

يصهل مهر راكان

وينادي ابن مهيد

يوقف شعر هالبيد

هذا الزمن اصمخ..مايسمع شيوخه

شد الرحال ..سافر

دور ياحادي العيس

..روض وزهر ماديس

ولذنوبنا

..لذنوبنا غافر

وداع يا خضر العروق اللي على ظهر الكفوف المبطيه

ويالماضي الحاضر

المصدر : http://www.al-zin.com/vb/

المصدر : http://www.al-zin.com/vb/

المصدر : http://www.al-zin.com/vb/

سوالف ليل – الشاعر بدر بن عبدالمحسن

سوالف ليل ..
بجنب المنقد الغافي ..
على حد السهاد ..
تحدثنا في تالي ليل ..
زرعنا سرنا الخافي ..
على شفاه الجمر معنى ..
وخفنا الناس تسمعنى ..
يا انتي

.. لاتوادعنا…
في تالي ليل لاتخافي ..
بنلقى اللي بقي معنا ..
سوالف ليل ..
او حفنة رماد …

المصدر : http://www.al-zin.com/vb/

صعب السؤال – الشاعر بدر بن عبدالمحسن

صعب السؤال … ليه نفترق
صعب السؤال … وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
… صعب السؤال
ياللي اجمل من كلامي عنك واقرب من سكوتي
اه ياطول المسافه بين احساسي وصوتي
ماهو غريب … انى اسالك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويدلني
قصيدتي .. وين الحروف .. جف القلم
ياضايعه .. ببرد الكفوف .. رعشه الم
قصيدتي … الا الندم …الاالندم
بتسافرين .. وانتى معي
قصيدتي ..لاتسمعي .. غيري قصيد
ياساكنه اف ورق الحشا .. وحبر الوريد

المصدر : http://www.al-zin.com/vb/

موت وميلاد – الشاعر بدر بن عبدالمحسن

ف عيني تغيب الشمس .. وتشرق اف عيني
في ناظري للشمس ..موت وميلاد
لليل في دمعي سنا .. نجمتيني
وللصبح في جفني شفق هم وسهاد
كن السهر درب عليه اب تجيني
ولاودي اقطع درب لاماك برقاد
ياللي جميع الناس بينك وبيني
وكل لحظة انا انتظر منك ميعاد
عذري لياسي منك..انك تبيني
خنت الرجا..وان صنت لي عهد ووداد
البسمتك ترخص غوالي سنيني
جرحي يهون وجاير الشوق يزداد
ولمصافحك ربي خلق لي يميني
امدها لك وصل وامدها ابعاد
انسي عذاب العمر وجروحك اجداد

المصدر :

http://www.al-zin.com/vb/

زمان الصمت – الشاعر بدر بن عبدالمحسن

وترحل .. صرختي تذبل …
في وادي… لاصدى يوصل ..
ولاباقي انين ..
زمان الصمت ..
ياعمر الحزن والشكوى ..
ياخطوه ماغدت تقوى…
على الخطوه.. على هم السنين ..
حبيبي .. كتبت اسمك على صوتي ..
كتبته في جدار الوقت ..
على لون السما الهادي ..
على الوادي..
على موتي .. وميلادي..
حبيبي .. لو ايادي الصمت ..
خذتني .. لو ملتني ليل ..
اناعمري ..انتظاري لك …
لاتحرمنى … حياتي لك …