فهد المساعد شاعر سعودي ولد في العاصمة السعودية الرياض عام 1398 وعاش فيها اربع سنوات ثم انتقل الى مدينة الرمحية التي درس فيها المرحلة الابتدائية و درس ادارة عامة في جامعه الملك سعود
وعمل في شركة الاتصالات السعودية بدا فهد بكتابة الشعر وكان عمره حينها الثانية عشر التي امتازت قصائده بالغزل التي اخترنا لكم احد قصائده الشعرية الجميلة وهما قصيدة بنت الشعر وقصيدة تعال
بنت الشعر
ياقصيدي شد حيلك واخذ من جورك عداله وانفض غبارك وطوح باللحون السامريه
ابشر بعلم تسر البال رشفه من زلاله ابشر بعلم يجيب اقصاك ويردك عليه
ابشر ب ( ريف الضلوع العوج ) جت منها رسالة رجعتني للحياة وذكرتني بالمنيه
اكتبت فيها : (( من سهول الشمال ومن جباله لارض الاحباب وبلاد الحب _ الى نجد العذيه
من صبيه عاث فيها الوقت واعياها احتماله للحبيب اللي يطيح ف غيبته دمع الصبية
يالحبيب ان مرك اسمي في الرسالة وانت داله اعتبر هاك الرسالة طيش بنت نرجسيه
وان قريت اسمي وطاحت دمعتك قبل الكماله كمل السطر الاخير وبلغ الشعر الوصية ))
واكتبت لي ف اخر سطور الغلا سطر لحاله بشرت في القصيد وجت تسوق الشعر ليه
ياقصيدي وانت عم القلب وجروحي خواله لاتردى ماخبرتك ياولد راعي رديه
اقدح الشعر وتولم مانبي ل احد جماله مالها غير المساري والحروف الابجدية
دامها لعيون بنت الشعر والحسن ودلاله والله ان يقال فيها الشعر وتسوقه حميه
العنود اللي تذكر واحد ماغاب باله بالقصايد والرسايل واسمها والمقدريه
كيف تسالني عن اسم هز له غصن وحدا له شاعر من طول صمته ماهقيت القاه فيه
ليتها تسال جنوب القلب عن صحراء شماله كم بقت رغم الهبايب في قفاريه الخليه
وان بغت تسال قصيدي جعل يفداها خياله تقلط هنيا وتبشر بالسعد والشاعريه
القصيد ان كان ماانصف شاعره لاجا مجاله وش نبي به يوم نكتب فيه ونحطه قضيه
تعال
من عز نومي صحيت وشفت في عيني
دمع تهادى على جفني وانا غافي
سترت دمعي ب كمي قبل يغريني
واخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا اوصافي هي اوصافي
امشي واقول ل طريقي لا توديني
ل عيون ناس تبي تدري عن الخافي
امانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث ابوي و اسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
الين ما اوحيت لي صوت يناديني
صوت اعرفه مثل ما اجهل وش خلافي
قمت اتلفت و انادي لا تخليني
ما غيره.. الصوت هذا صوته الدافي
ولمحت زوله من اقصى الدرب لافيني
مدري وش اقول لكن حي ها اللافي
تعال.. شف غيبتك كيف اثرت فيني
تعال.. شفني وانا اغرق عقب مجدافي
تعال.. خذني ورحبي من عناويني
تعبت اعدي على جمرك وانا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الظافي
تعال وشفيك خايف؟ انت ناسيني؟
قطعت صوتي عليك وطال ميقافي
حتى بديت اشعر ان الحب معميني
وان انت حلم عثى فيني وانا غافي
لكن امانة ترى اللي في كافيني
ان رحت منك كذا ما رحت متعافي
بصدق الحلم واحذر لا تصحيني
في خاطري كلمتين ان قلتها كافي
امانة الله عليك ان غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبيالوافي
