يابوي جعلك للبقا والمكاسيب
عمري بدونك يالذرا ويش ابي به
يابوي تسال عن شفاك المراقيب
طلعة سواتك للنوايف غريبه
ليه المرض مايعرف الزين والعيب
مايدري انك للمخاليق هيبه !!
ابسالك وش به غزا وجهك الشيب
والقلب لايع والنواظر شحيبه
وش بك تحاتي لانوى الموت تغريب
تخشى علينا بالليالي الكئيبه
خذ دلتك واركى على مسند الجيب
وعطني شماغك بلثمه واحتمي به
ونروح لارض بها العشب والطيب
وتسمع كلام يالغلا تحتفي به
يابوي بنتك لاانحكى بالتجاريب
كل يشق لهيبه الصيت جيبه
يابوي ماني من سوات المخاريب
اللي تجيب لعلية القوم خيبه
وماني من اللي لامشت حفها الريب
انا من اللي مايدنس حليبه
مرفوع شاني عن غرام المكاتيب
واكبر من انني ارتضي بالحبيبه
انا غرامي لاابتدوا بالتراحيب
نفوس الاوادم في وجودي رحيبه
وان كان زيني فتنة للمصاويب
احط وجهي بالحريق ولهيبه
زيني ابيعه واشتري سمعه الطيب
اسم ينومس بالصروح الذ هيبه
وان كان عندي ( بالحلا) شي اصعيب
عندي جدود مارضت بالغليبه
دموع القبايل في لقانا مساكيب
كن المقابر لاحضرنا قريبه
خضبت لك كفي من العز تخضيب
ورفعت راسي للنجوم الصعيبه
والله لاسدك بالفعول المصاليب
والله لاشيلك بالرخا والمصيبه
طلع المعالي ماانحكم للشواريب
بنت واناطح فارس القوم طيبه
وياشيخي ابشر لوتدور الدواليب
بنتك الا منه عوى الذيب ( ذيبه)
والله اني لو رخصت العمر كله في رضاك
مايوفي ربع حقك وانت حقك مايهون
يايبه ياتاج راسي يا عسى عمري فداك
ياغناتي والله انك لو تبي عيني تمون
خمسه وعشرين عام ماترددت بعطاك
ياشبيه الغيث لامن ساقته غر المزون
ترتجيني ياعسالله مايخيب لك رجاك
صاين عهدت الاهك باليدين وبالمتون
الحقيقه وانت تدري ما يعززني سواك
والسبب واضح على اللي يدركون و يفهمون
والشعر وان كنت بمدح بالشعر هذا وذاك
انت حقك فوق هامات القصايدواللحون
العفو واستغفر الله بس احس انك ملاك
ساع تجلس واتكلم يمتلي صدري سكون
واتطمن واملك الدنيا بجلساتي معاك
وان تنهض عز طرفك تنكسر كل العيون
والله اني لو كثر خيري فانا خيري ذراك
ويش اكون؟ شوفني رجال كامل بس دونك ..
ووش يكون العمر من دون اجتهادي في غلاك
ووش يكون العطف والرحمه بدونك وش تكون؟
يايبه تكفى لعاد تشيل هم في حشاك
يكفي انك قد تجرعت الليالي والغبون
يايبه يانور عيني شب عمري في هناك
والله انه ابرد امن الما على كبدالظعون
يايبه ياجعل روحي فدوه لموطى خطاك
حطني بينك وبين الوقت وكبار الطعون
يايبه ياجار كبدي انذبح ولا اعصاك
عقب اللي قولوا وقالوا وهم مايفعلون
العمر والنفس واللي املكه كله فداك
واعرف انه ربع حقك وانت حقك ما يهون
كلمة شكر يابوي ماتوفي الشعور..
واحساسي صوبك يابعدي اكبر كثير..
مهما شكرتك لازم اشعر ب القصور*
بنتك يابوي دايم تشوفك كبير …
غالي يابوي وقلتها بقلب فخور*
يا تاج احطه فوق راسي وين اسير ..
يا اللي غلاك ب قلبي باني له قصور*
قلبي بلادك و انت يابوي الامير
تتكحل عيوني و يغمرها السرور*
كل ما اشوفك مبتسم قلبي يطير
( يانور كل ماشفته زاد ب وجهي نور*
مدامك انت بخير هالدنيا بخير )
و ان جيت الف الكون ذا كله و ادور*
بلقاك شي ب هالزمن ماااله نظير ..
يعني ب اختصار اللي ب قوله من شعور
بنتك يا ضي عيونها تحبك كثير …
قصيدة في حب الاب الغالي
يابوي اكتب فيك من الشعرابيات ….. يحلى فيك اجمل واحلى قصيده
عساك دايم مني قريب المسافات ….. لاجلك تهون المسافه لوهي بعيده
لاغبت عني عسى ماطول الغيبات ….. ونشوفك كل يوم واعوام مديده
دوم على البال ياعزيز الصفات ….. كل خطوه فيك صح ورايك سديده
غيبتك تزيد من الحب عبرات ….. وانتظر كل يوم منك اخبار جديده
غالي ابن غالي من غير لفات ….. الله يديمك على المحبه ايام سعيده
اي والله احبها والعمر يفداها
تامر على راسي وتامر على دمي
الجنه الله خلقها تحت ماطاها
هذي هي امي عساني فدوة ل امي
:
امي .. غلا الدنيا ولو فيه غالين
يالله عساني بالعمر مااعدمها
ماقد حنيت الهامه الا ل ثنتين
عند السجود وعند بوسة قدمها”
:
انا احبك وحبك شي من ديني
وانتي اكثر انسان من لحمي ومن دمي!
يمة بليا حيا والله وحشتيني
ويالعنبو لايمي في حب حضن امي!
:
*قصيدة عن الام من حامد زيد ..
قصيدتي زاد بعيوني جمالها واخذت انقي بالمعاني جزالها
واكتب معانيها من الشوق والغلا لامي وانا اصغر شاعر من عيالها
كتبتها في غربتي يوم رحلتي لما طرالي بالسفر ماطرالها
امي وانا بوصف لها زود حبها وان ماحكيت لها قصيدي حكالها
امي لها بالجوف والقلب منزلة مكانة ما كل محبوب نالها
اقرب من ظلالي وانا وسط غربتي وانا تراي اقرب لها من ظلالها
ماشافت عيوني من الناس غيرها ولا خلق رب الخلايق مثالها
اغلى بشر في جملة الناس كلهم واكرم من يدين المزون وهمالها
اتبع رضاها وارتجي زود قربها واللي طلبته من حياتي وصالها
الصدق مرساها والاشواق بحرها والعطف واحساس الغلا راس مالها
اهيم فيها وابتسم يوم قلبها يسال وانا قلبي يجاوب سؤالها
وان اطلبتني شي فزيت مندفع اموت انا واحمل تعبها بدالها
واصبر على الدنيا والاحزان والتعب واحمل على متني فطاحل جبالها
ل قلبي ولساني | دعاء مايملون منه
ليت ليت ليت .. يستجيبه منهم ربي..
يارب : امي تكون من سيدات الجنه
وابوي مع زمرة اصحاب النبي..
:
امي وتظهر من يديني عروقي
واردها وتصير نبضي ودمي
اول واكبر ماعلى من حقوقي
امي وثم امي و امي وامي
:
خشوعها بالصلاة بخوف وبخلوة ،
دموعها صوتها … ريحة عبايتها !
ي رب … لاتردها لا جاتك بدعوة ،
اغفر خطاها .. ووصلها ل غايتها !
:
يارب زدني برها قبل لا اموت.
اللي تشيل من الصغر كل همي.
حتى الرسول اللي له العلم مثبوت
ثلاث مرات يوصي على امي
:
*امي وليفة خاطري نور عيني
حتى وهي قربي لها احن واشتاق
كل مااضيق بهالزمن تحتويني
ياارب تشرح صدرها كل ماضااق
:
انتي وطن ، يستحق اللي يضحي لك
انتي فديتك ، ( تحت رجلينك الجنه )
لو اقضي العمر يا ( يمه ) البي لك ��
ماجيت خيرك ولا ربعه ولا منه
:
من يشبهك! انتي اظنك تشبهين
الطهر واحساس الكريم ف مدته !
يمه وانا مدري وش اقول بكلمتين
هاتي قدمك ابي رضا الله وجنته
:
ي جعل نغزات الوجع في عظامي
ي احن مخلوقه و ي اطهرهم !
عطيني الامك ي يمه و نامي !
واوعدك ب/ اضحك للوجع و اقهرهم
:
يمه وانا ادري كل ماقلت يمه
تصغين في كل الاحاسيس يمي
في ذمتي لوتطلبي العمر ذمه
لقول لك ياقرة العين سمي
:
يا يمه يا اغلى من حياتي و ذاتي
لو راح عمري في رجاكي قليله
اقطف يا يمه من صفاتك صفاتي
كل طيب فيكي ودي اقطف مثيله
:
يمه ولو نصفي من العمر قد ضاع
على كثر مافات ماينفع الصوت
لو العمر يمه يدين وينباع ..!
لا ابيع لك عمري وانا اسدد الموت
:
حبها مذخور لعيالي ؛ وراثه
لو بغت قلبي وروحي قلت سمي
ما عشقت من النساء الا ثلاثه
اعشق (( امي ثم امي ثم امي ))
شعر قصير عن الام والاب , اجمل ابيات الشعر عن الوالدين , شعر روعه عن الام 2024, شعر روعه عن الاب
2024 , اجمل ابيات الشعر عن الام , اروع ابيات عن الاب ,الام , شعر رائع عن الاب 2024 , اشعار عن الاب والام , شعر امي , شعر ابي , شعر قصير روعه 2024*
مافيه داعي ل الحزن والتوجاع
ولا شي دايم في حياة الزوالي
ابوي اغلى من وطت رجله القاع
خليته بقبر وحيش وخالي
:
ورب العيد ماله طعم هذا العيد
اشوف الحزن مخلف للفرح ظنه
امر المقبره .. واقول ب التحديد :
يبه : كل عام واعيادك هي الجنه
:
يبه مجرداسمك يزيدني فخر
وحنانك وطيبك جعلني اميره
وافعالك الي بالشدايد تسطر
تشهد عليها الارمله والفقيره
:
ماهي خساره طيبتي ف الرديين
محدن جبرني بالعطاء بس ودي
كن الكرم ديني وانا موفي الدين
هذي وصاة ابوي من بعد جدي
:
يابوي لا فترت اعظامك من الشيب
اخذ من اعظامي عظام بديلات
صوتك وصوت امي كبار المكاسيب*
لا يابعد صوتي وبعد كل الاصوات
:
*
*يابوي انا خادمك وخدمتك نوماس
ورضاي لامن صرت راضي علي
لو العمر يهدا من الناس ل الناس
عد ان عمري جاك مني هديه
؛
يابوي لو كثر البكاء يرجع الميت
لاقول ياعيني من الدمع جودي
عانيت من فرقاك جر التناهيت
جمر ن تقلقل منه صلف الكبودي
ابوي جعل الحزن ماهو ب يمك
وجعل الفرح دايم بدربك مخاويك
يابوي طيبك والله اكبر عيوبك
وانت الكرم والجود جعلي ماابكيك*
:
ماني بنت اممير ولا عندي : بنوك
ولا عندي قصر افتخر في وصوفہ
افتخر اذا قالوا العرب منهو ابوك
اقول ابوي اللي كريمہ .. كفوفہ
:
قصيدة عن الاب
الدار ما تنبني الا على الساس *** و انت اساس الدار وانت ضواها
بتم احب ايدك يا يبه والراس*** مهما كبرت ودارت الدنيا برحاها
دينك يبه في اعناقنا .. باقي ليوم الدين
حبك يبه في قلوبنا .. ما تبدله السنين
لولا الله ثم انت .. ما قط وصلنا اليوم
وياما تعبت انت .. وياما جفاك النوم
بديتنا عيالك .. حتى على نفسك
واتعبت احوالك .. في يومك وامسك
يا نهر فاض بحنانه .. وما بخل يوم علينا
غيمة وتظلل سمانا .. فيها عشنا وارتوينا
ما نسينا سجادتك .. وقت الصلاة تبلل دموعك بها من كثر الخشوع..
ما نسينا ننظرك وقت المساء .. نتحرى جيتك وقت الرجوع ….
كلمة شكر يابوي ماتوفي الشعور..
واحساسي صوبك يابعدي اكبر كثير..
مهما شكرتك لازم اشعر ب القصور*
بنتك يابوي دايم تشوفك كبير …
غالي يابوي وقلتها بقلب فخور*
يا تاج احطه فوق راسي وين اسير ..
يا اللي غلاك ب قلبي باني له قصور*
قلبي بلادك و انت يابوي الامير
تتكحل عيوني و يغمرها السرور*
كل ما اشوفك مبتسم قلبي يطير
( يانور كل ماشفته زاد ب وجهي نور*
مدامك انت بخير هالدنيا بخير )
و ان جيت الف الكون ذا كله و ادور*
بلقاك شي ب هالزمن ماااله نظير ..
يعني ب اختصار اللي ب قوله من شعور
بنتك يا ضي عيونها تحبك كثير …
يابوي اكتب فيك من الشعرابيات ….. يحلى فيك اجمل واحلى قصيده
عساك دايم مني قريب المسافات ….. لاجلك تهون المسافه لوهي بعيده
لاغبت عني عسى ماطول الغيبات ….. ونشوفك كل يوم واعوام مديده
دوم على البال ياعزيز الصفات ….. كل خطوه فيك صح ورايك سديده
غيبتك تزيد من الحب عبرات ….. وانتظر كل يوم منك اخبار جديده
غالي ابن غالي من غير لفات ….. الله يديمك على المحبه ايام سعيده
ارجوك لا تبتعد وتزيل كل زلات ….. عن الغالي الي احبه ويامر وازيده
علمتني يابوي معنى السعاده
واهديتني من طيب قلبك قلاده
فيك الوفاء يلقى وطنه وبلاده
وانت الوطن ل عشت له رافع الراس
***********
*
يايبه ياتاج راسي يا عسى عمري فداك*
. ياغناتي والله انك لو تبي عيني تمون*
مابعد حب #امي *الا حب #ابوي
وبعدهم اعشق تفاصيلي انا
ثم احب اختي واحب اكثر اخوي
يعني ماعندي حبيب ولا عنا
:
الوالدين ( اثنين ) .. فيهم تشابه
يهمهم .. فرحي ، وحزني ، وهمي
يارب .. لو لي دعوة ( مستجابه )
ارضى علي وارضى عن ابوي وامي
عبارات للوالدين
الى التي راني قلبها قبل عينيها..
و حضنتني احشاءها قبل يديها…
اهدي سلامي و محبتي اليها
الى ابي
ذلك النبع الصافي
الي شجرتي التي لا تذبل
الى الظل الذي اوي اليه في كل حين
ابي …
ربما لم ابرك تمام البر.. لكني اعلم ان قلبك اكبر من اي بر..
رعاك المولى..
وجزاك من الثواب اجزاه
ابي
يا منبع الامال
يا وجدي..
اليك ابث شوقي
وحنيني..
يا اعظم قلب
في الوجود..
لمثلك
يكتب الشعر والقصيد
للام الغالية..الى الحب الذي اوليه حبي..ومصباح اضاء سناه دربي..الى القلب الذي ان حن يوما”..على بعد المزار.. لمست جنبي..الى عين سقتني اذ رعتني ..ببذل لست اوفيه وربي..اقبل كفك الغالي..وابكي ..وادعوا الله غفرانا” لذنبي ..فيا اماه انك لي دواء”..فان ترضي علي فذاك حسبي.
في نظر العالم انت ابي وفى نظري انت العالم
ابي تعال ما بقي بعدك احباب…………..مات الامل في وسط قلبي وعيني
ذابت حنايا الجوف والهم ما ذاب…………..متقاسم لوجاع بينة وبيني
يا امي حياتي موحشة كلها غياب…………..وينك فرح دنياي بعدك سنيني
وجهك اشوفة حلم والحلم كذاب……………يا اطهر وجوة الخلق لوتنصفيني
يا امي تعالي ما بقي بعدك احباب…………اما تروح الروح والاتجيني
ابي يا اول حب عشته في دنياي
يا اول اسم تنطق شفاي طاريه
انتي هوى روحي وبعروقي الماي
عمري بدونك عمر ما عشت انا فيه
يا ما لقيتك في شتاء وقتي دفاي
حضنك يدفيني بحنانه وادفيه
ويا ما مسكتي من على الوقت يمناي
خوفا علي من الزمان وبلاويه
انتي نظر عيني وبسمة شفاي
وانت هوى قلبي وحبه وغاليه
وانت صبرك اللي تعدى عطاياي
لو عشت كل العمر ما اقدر اوفيه
تدعين ربي لي يسدد خطاي
وارفع انا كفي لله وادعيه
ياربي تمنحني رضاها في دنياي
وان مارضت عني ترى العيش ما بيه
ابي الحبيب..
انت النور الذي يضيء حياتي والنبع الذي ارتوي منه حبا وحنانا، انت الاب الذي يشار اليه بالبنان ويفتخر به بين الانام، فهنيئا لي بك ايها الاب العظيم، فمهما قلت ومهما كتبت يعجز لساني عن ان يجد كلمات تعبر عما في قلبي لاوفيك حقك، فما في قلبي لك اكبر من ان اوفيه بالكتابة وما اكنه لك من حب واحترام يفوق كل وصف، لذا فانني لن استطيع ان اصف ما بداخلي من مشاعر نحوك فانت خير اب ربيتني فاحسنت تربيتي.. علمتني كيف احب الحياة واعيشها.. فانت خير قدوة لي اقتدي بك واسير على نهجك، ان هذه السطور التي ادونها يا ابي قليل من كثير احمله لك في قلبي الذي يحبك كثيرا.
اليكما ..
الى امي الحنون ..
الى ابي الرؤوم ..
يا مدرسة الايمان ..
وبر الامان ..
ووصية الرحمن ..
الى رمز الحب ومنبعه .. وصوته وصداه .. وروحه ومعناه .. برونقه وغلاه ..
الى تلك الدوحة المزهرة .. فيها الرياحين العطرة .. التي طالما استقيت تحت ظلالها .. تفيء علي حبا وحنانا .. حتى انستني همومي واحزاني ..
الجا اليهما ..
اشكو همي وحزني بعد الله ..
الى من دفعاني الى قمة المجد ..
اليكما ..
قطرة من الخليج ..
وزهرة من بستان الاريج ..
وكلمات حب من قلبي البهيج ..
الى الصابرين في زمن نفاذ الصبر ..
الى الاغنياء بالقيم في زمن المعوزين الى القيم ..
اليكما يعجز اللسان عن الكلام ..
والعقل عن التفكير ..
والقلب عن التعبير ..
ولكن ارجو ان تقبلوا مني هذه الكلمة ..
(( ربي ارحمهما كما ربياني صغيرا ))
ابنتكم ..
اليك ابي الحبيب 000
الى قدوتي الاولى 00 ونبراسي الذي ينير دربي 00
الى من علمني ان اصمد امام امواج البحر الثائرة 00
الى من اعطاني ولم يزل يعطيني بلا حدود 00
الى من رفعت راسي عاليا افتخارا به 000
اليك يامن افديك بروحي 00 ابعث لك باقات حبي واحترامي وعبارات نابعه من قلبي 00
وان كان حبر قلمي لا يستطيع التعبير عن مشاعري نحوك 00 فمشاعري اكبر من اسطرها على الورق 00 ولكني لا املك الا ان ادعو الله عزوجل ان يبقيك ذخرا لنا 00 ولايحرمنا ينابيع حبك وحنانك 00
ابنتك المحبه /
اليك يا ابي 00 يا نبع الحنان 00
فانت بلسمي .. انت حياتي والهوى 00 وتبسمي 00
انت ظلال العطف 00 يملؤه الحنان 00
انت ديار الحب 00 والحنان 00
اجهدت نفسك بلا ضجر 00
فرحك 000ان تريني باسما ..
ترجين ان اعلو المنابر 00
واعانق العلياء دوما 00
قلبا عظيما تملكين 00 ياملاكي تملكين 00
فلا يجازيك دمي 000
ابنتك المحبه /
اليك يا اغلى الناس00
ابي الحبيب :
هذه كلمات اكتبها اليك بمداد قلبي , وابعثها اليك مع عبير الورد واريج الفل والياسمين …
يا قمرا اضاء ظلام عقلي , واضاء لي طريقي في الحياة..
ويا شمسا اذابت جمود قلبي , وفجرت ينابيع الامل..
يا من غرست حب الله في فؤادي , ورسخت عقيدة التوحيد في اعماقي ..
يا من كنت لي اما في الحنان, ومعلمة في الاخلاق, واختا في النصح والارشاد..
نصائحك نور اسير عليه في حياتي , وابتسامتك ثلج يطفئ خوفي والمي..
بحر قلبي الواسع انت , وموج عقلي الدافئ انت , وبياض قلبك بدر في سماء نفسي 0
ومهما وصفتك فلن استطيع ان اكمل… ليس تهاونا ,
ولكن شيء اعمق من ذلك
والدي الحبيب:
اليك اهدي هذه الكلمات0000
يا من انت اغلى من نفسي التي بين جوانحي..
واحب الي من روحي التي تسري في جسدي..
واعز علي من قلبي الذي يخفق بين ضلوعي بحب لك.
.يا من اجد عنده سعة الصدر ولين الجانب.
اشعر بحرصك وخوفك علي,.. واحسانك وحبك لي..
تغمرني بحنانك, فتزرعني في حدائق قلبك..
تحرسني بعيونك, وتحميني من نوائب الدهر واوجاعه.
ومهما وصفتك فان استطيع, فالحروف والمعاني عن وصفك عاجزة, والحياء منك والتقدير
لك والتعظيم لحقك يمنعني من كثير القول ويثنيني عن وفير الكلام00 ولايسعني الا ان
اقول:
وفقك الله ورعاك وسدد للخير خطاك00
ابي الغالي :- يا اولى نظراتي في الحياة .يا بلسم قلبي الشافي
يامن وجدت في الحياة لابرك بعد عبادة ربي ياقلبي النابض……..
امي:-
لا تزال ذاكرتي مملوئة بمواقف وحكايات وطرائف ونصائح وتوجيهات ل انساها ولن انساها….
ولا تزال لمسات حنانك الدافئة في مخيلتي يا غالية .
ولا تزال ضحكتك الجميلة في عيني……
امي ….مهما مرت الايام والاشهر والسنين ستبقين انت انت..((ماما الغالية الحنونة الضحوكة))
كم اتمنى من الله ان ابرك.
وكم اتلهف واتشوق لان اسمع دعوة من دعواتك على شفتيك موجهة لي وليست علي.((ياماما يا غالية))
امي الغالية…. لا اخفي عنك اني دائما انظر او اتطلع الى ان اصبح مثلك الام الحبيبة الغالية.
اتطلع الى ان اصبح مثلك في تصرفاتك في اخلاقك في معاملتك مع الاخرين ..في تدينك وعبادتك لربك….
امي الغالية :لو كتبت كل صفحات الدنيا رسالة لك لان اعبر لك عن حبي وتقديري واحترامي لك لما استطعت ان اوصل مشاعري اليك……
امي لن تعلمي ولن تعلمي قدر دعواتي الموجهة اليك…..
فانا ادعو ربي ليل نهار ان يديم صحتك وعافيتك وان يجزيك عني وعن اخواني خير الجزاء.
واخيرا….يا اغلى من في الوجود ….يا امي…..اتمنى لك دوام الصحة والعافية
اتمنى ان تكوني راضية عني……..غير ساخطة…..
ابي انت لي نور وضياء
وفي قلبي الحياة
انت في الارض الربيع
وفي الينبوع ماء
واسمعي دقات قلبي وستعلمي
كيف القيود تكسرت
كيف الورود تعطرت
كيف الليالي اقمرت
كيف الغيوم امطرت
وانت يا اميرتي صبح يضيء غربتي
ومصدر ابتسامتي
ادامك الله لي ياامي
ليتها الايام تهدى والسنين ….مثل ماتهدى الهدايا بالتمام
كان يمه كل ماتتقدمين ….ثانيه بالعمر اهديك عام
الى الاب :
ياوردة احلامي, وينبوع حناني
وياشمس الاماني واحلى من في الانام .
تهنئه بالعيد
والدينا الغاليين
نستثمر فرحة العيد لنشكركما على كل مابذلتماه لننعم بحياتنا
سهرتما لننام ملء الجفون،،، وتعبتما لنرفل باثواب الراحة
فتقبلا منا قبلات الشكر على جبينيكما
وكل عام وانتما بخير
ابنائنا الاحبة
بركم لون العيد بالوان عيونكم .. ووجوهكم البريئة
واشاع فى قلبينا سعادة نقية ، فانتم حلم مستقبلنا
وفيكم نبع طموحاتنا وامالنا 0
وكل عام وانتم بخير
والداكم المحبان
كلمات اهداء من العروس لوالديها..للعضوه المرتحله
في ليلة زفافي … تذكرت مشوار حياتي … اراه امام عيني كشريط سينمائي … فماذا وجدت
اجدك يا امي الغالية … واجدك يا ابي العزيز تملان شريط حياتي باروع الذكريات واجمل اللحظات
فماذا عساي ان اقول … وماذا عساي ان اكتب لكما
كل الكلمات لا تفي ولو بحق من حقوقكما علي … ولا تصف ولو جزء من جميلكم طيلة حياتي
ولكن هذه الحياة من الله علي فيها بكما وبتواجدكما الى جواري
فاحمد الله واشكر فضله على ان رزقني ام حنون واب عطوف
وهذه اللحظة هي التي كنتما تحلمان بها وتنتظرانها بفارغ الصبر فقد اقتربت وها انا اغادر جزيرتكما التي عشت على شاطئها اجمل الاوقات ولكن يبقى لكما داخلي كل الحب والمشاعر الصادقة … فانتما سر وجودي ومنبع الحنان لي … فساظل بحاجة لكما ما بقيت في هذه الحياة
قبلاتي اطبعها على جبينك يا والدي … وعلى خدك يا والدتي
انحنى واقبل قدميكما وانهض لاقبل يديكما
كيف لا وهما من حملتا السعادة الابدية لي
والدي الحبيب … والدتي الحبيبة
سوف اشتاق اليكما في كل يوم … بل في كل ساعة … بل في كل دقيقة … بل في كل ثانية … وساظل في شوق لكما ابد الدهر
دعواتي الصادقة لكما بان يجزيكما خير الجزاء
اللهم ارزقني برهما يا ارحم الرحمين
ابنتكم المحبة
التاريخ
واللي تمر عليه اي مناسبه يقول لا يخبي
واحنا معاكم في افراحكم واحزانكم
- شعر عن الوالد
- ابوي اللي كل ماحل طاريه كن الدعاء صاحب
- أببات شعر في فقد الوالد
- ابيات شعر للوالد في المكشات
- اجمل شعر عن الاب
- شعر عن الاب جديد
- شعر عن الوالد احبه
- شعر عن دعوة الوالد
