** انتي جافية **
انتي جافية واني جفيتك ديمه ——- خسارة التعب في حب ماله قيمه
*********
انتي جافية ونسايه ——– وقلبي وفي للحب شوق الغايه
تسهر عيوني بالدموع ملايه ——- عيونك يجيها النوم م التظليمه
انتي هانيه واني قليل هنايه ——- امندم عل عشرة سنين قديمه
امقدر عليا بالشقا مولايه ——- وكانت سبايب بلوتي تسليمه
عيني هوت والقلب عادم رايه ——- امتبع شهاوى العين ديمه ديمه
اللي يعرفوك وعارفين وفايه —— قالوا تخونك بالخداع عليمه
ما سمعت ناصح لا قبلت وصايه —— حامل صغى حبك وراضى ضيمه
نحساب قلبك بالحنين معايه ——- لقيتك مثيل الريح في التبريمه
في الوجه مرشه وفي القفا برايه —— يومين تصفى وعامين كيف الغيمه
لحقني الندم قلبي على شواية ——- وقلبك تهنى بجنته ونعيمه
دورت مالقيتش دواء لدايه ——– بننساك لو نقدر اندير عزيمه
(( انتي جافية واني جفيتك ديمه ))
- شعر ليبي
- صور شعر ليبي
- شعر ليبي صح
- شعرليبي
- صور شعر شعبي ليبي
- شعرليبي على صور
- صورشعر ليبي
- شعر صح ليبي
- احلى شعر ليبي
- اجمل شعر ليبي في صور
