السلام عليكن يا احلى بنوتات في الدنيا
بناء عن رغبتكم في المواضيع بتاعتي
طلبتو تعرفو بعمل حواجبي ازاي
بس للاسف انا كنت لسه عاملاهم
فاضطريت اجيب بنوته جارتنا اجرب فيها المواهب
ههههههههههه
البنت كانت بتصوت يا عيني
المشكله انها مش بتحب الحواجب العريضه بتحبها رفيعه جدا وانا شفتها اتنرفزت
قولتلها لا وراكي وراكي
المهم هوريكم بقى الخطوات
وهي طبعا بالصبغه
هنزل الصور الاول وبعدين في التعديل هكتب الخطوات لحسن خايفه النت يفصل مني في النص واصوت انا
بس بلاش ردود لغايه ما اخلص
بلييييييييييز
اولا الادوات
صبغة عاديه انا بستعمل بايجن درجة البني الغامق
اي شادو بني
سلاكه اسنان وسلاكة اذن
فرشه اي شادو
وعاء صغير
وبودر تشقير واكسوجين
بالنسبه للمبتدئين ممكن يستعملو قالب الحواجب وده بيتباع كده وفيه اشكال تختاري منها
دي حواجب البنوته قبل ما اعملها لها
علما بانها طلبته برده رفيع فمخدتش راحتي فيه
بطلع القالب واحطه على العين بالشكل ده
بعدين بجيب اي شادو بني وبالفرشه بوزعه على الحاجب
علشان يديني الشكل الي عايزه امشي عليه
بجيب شويه من بودر الصبغه واحطه في الاناء الصغير ده
واضيف لها قطرات من الماء لحد ما احس انها بقت سايله ومعجونها كويس كده
بستعمل سلاكه الاسنان وابدء امشي على الحاجب الي رسمته بالاي شادو
بس اهم حاجه ابدء بيها اول الحاجب اظبطه بالسلاكه يبدء من عند العضمه
زي الصوره كده
بعدين امشي بالصبغه على الشادو الي انا عاملاه
طبعا باستخدام السلاكه
ولو طلع منك صبغه بره المكان الي بترسميه
امسحيها بقطنه الودان
ده الحاجب بعد ما صبغته
بعدين تسيبي الصبغه على الحاجب اطول فتره ممكنه
يعني ساعه او ساعه ونص
كل ما سبتيه بيثبت اللون اكتر
وبعدها تغسليه بميه فاتره
وده شكل الحاجب النهائي ليها
انا عارفه انه مش مظبوط اوي بس مكنتش قادره اعرضه لها اكتر من كده
ولو فيه شعر زايد عن الحاجب
ده بنستخدم له التشقير ب بودرة التشقير الي هيا بودره الاكسوجين والاكسوجين السايل
اكيد طبعا مستنيه رئيكو
- سبغ الحواجب
- طريقه عمل تاتوه حواجب بني بالصور
- يوتوب سبغ الحواجب
- يوتيوب طريقه صبغ الحواجب
