طرق طهي النقانق

السجق الشرقى

نجيب نص كيلو سجق بلدى من عند الجزار ونقطعة مكعبات ونكون مجهزين معاه طماطتين كبار متقطعين مكعبات وكذلك فلفتين رومى على واحد احمر حامى وكله مكعبات

نجيب اربع فصوص ثوم مقطع صغير ونحطه فى شوية زيت ونشوحهم شوية وبعدين نضيف الفلفل الاحمر وبعدية الرومى وشوية ونضيف السجق ونقلب شوية لحد ما لونة يغير وبعدية مكعبات الطماطم والتوابل ( ملح وكمون وفلفل اسمر ) ونقلب على نار هادية عشان ما ينشفش وما نطرش نضيف مية..بس لو حسينا انه عاوز مية ممكن نضيف شوية صغننة جدا

ممكن للى بيحب البصل اكتر من الثوم ( دة مش تراجع عن مبداى ولكنة ارضاء لجميع الازواق ليس للا … ) يحط بصلة مقطعة مع فصين ثوم ..
كذلك ممكن نضيف ملعقة صلصة لو حنضيف مياة
وتعمليه في ساندويتشات بالطحينه

السجق الايطالى
المكونات:
قطع من السجق ساخن او بارد.
(4-5) فلفل اخضر، خالي من البذر ومقطع.
(2) بصل محلي، مقطع.
(2) ملعقة مائدة من زيت الزيتون.
ملح وفلفل .

الطريقة:
قومي بتسخين الفرن على درجة حرارة 350 درجة مئوية .
احضري صينية وادهني اسفلها بزيت الزيتون .
اضيفي الفلفل الاخضر والبصل والملح والفلفل.
اضيفي قطع السجق على سطح البصل والفلفل.
ضعي غطاء من الفويل على الصينية وضعيها فى الفرن واتركيها لمدة 45 دقيقة .
ازيلي غطاء الفويل واتركيها في الفرن من 7-8 دقائق .
اقلبي قطع السجق على الناحية الاخرى واتركيه فى الفرن من 7-8 دقائق

السحق البيتى
نص كيلو لحمة مفرومة _ملح _ فلفل _ قرفة _ جوزة الطيب _ نص كوب ماء
_شطة حسب الرغبة المصارين وطبعا مش حوصيكى على التنظيف .
(( و اهم حاجة القمع المخصوص بتاع حشو السجق ))

الطريقة :
نضع التوابل كلها على اللحمة
اضع الماء على اللحمة و اخلطهم كويس بايدى لحد اللحمة ما تطرى خالص علشان تنزل فى الامعاء بسهولة
اضع القمع فى اول طرف الامعاء و ايدء انزل فى اللحمة المفرومة و انا عمالة ابل صباعى اللى بزوء بيه اللحمة بالماء .لحد ما املى الطول اللى امامى و بعدين اروح ماشية علية بايدى مبططة مبططة مبططة علشان
فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعدة و اعقد و هكذا لحد ماحتلاقى حبل السجق اللى بتشوفية عند الجزار اتكون قدامك
تحطيهم فى اكياس نايلون و على الثلاجة و الف هنا وشفا

طريقة تسوية السجق

سجق _ 2 طماطماية كبيرة _ 2 فلفلة رومى _ فلفلة حامية ( حسب الرغبة )
ملح _فلفل _زيت او سمن

الطريقة :
بطرف السكينة اعمل شق صغير فى كل صابع سجق
اضع الزيت او السمن فى مقلاية على النار ثم اضع الفلفل رومى و الطماطم
تقليبة و بعدين احط وحدات السجق و اقلب اقلب ثم اضع شوية شوية ماء و اغطى المقلاية لحد ما يستوى اعلى النار واقلب السجق لحد ما يتحمر اروح طافية النار و نعمله سندوتشات بالمستردة او حسب الرغبة
ملحوظة :ممكن نعمل سندوتشات بيض بالسجق بتبقى حلوة جدا و من باب التغيير

• حشو سجق الجزار