…..وانا لازلت ادور لك كلام يستر اوراقي
ادور في مجاهيم القصايد مايثير البال
….عساني لاوصفت اوصف حلاك واكسر وثاقي
انا لاشفت هالكحل بطرف عينك ازيد هبال
…. وازيد من الجنون اكثر جنون وانثر اشواقي
دخيلك لا تناظرني ترى بعض العيون خبال
…. دخيلك لاتزيد الطين بله وانت ف اعماقي
دخيل اجمل عيون اللي شقاوتها تهد جبال
…… دخيلك لاتجنني بها ثم تنوي فراقي
دخيل احلى عيون اللي بها سحر وشموخ عال
… تخليني معاها ارحل بعيد وتوسع افاقي
دخيل اجمل جديل طاح من عالي مثل شلال
…..على خصر نحيل وعجز وصدر كمل الباقي
دخيلك والهوى لامن تحرك ثم جديلك مال
… يميل القد مع ميل الجديل ومعه خفاقي
دخيل اجمل حرير اسود سواده فاق اسود شال
….تخليني على زندك انام واغمض احداقي
دخيل الجيد والعاتق دخيل النحر والسلسال
..دخيل الشفتين اللي تضيع هقوة الهاقي
دخيل الخال في صدرك دخيل اجمل صدر به خال
….. دخيل الضمتين ورجفة الخفاق وعناقي
دخيل السلسبيل اللي بصدرك والعرق لاسال
….تخليني وسطه اغرق الين اوصل لترياقي
وانا لاقلت بغرق بك ابغرق ماعليها جدال
….ابغرق لين يذبحني ضماك ويطفش الساقي
دخيلك يوم انا جيتك وجيت بشيطنة اطفال
…. تخليني على الفطره كذا لاتنوي اغراقي
دخيلك لا طفح كيل القصايد مانتهى الموال
…. تخليني ادور لك كلام يفضح اوراقي
