غرزة السلسلة
والبعض يطلق عليها الغرزة الطايرة عندما تكون فى نصف العمل
تعرف بالانجليزية باسم chain stitch
واختصارها فى الباترون المكتوب ch
ورمزها فى الباترونات المرسومه صورة
وهذا الشكل يعنى اشتغلى 4 سلاسل صورة
تعتبر غرزة السلسلة هيا اساس اى عمل من الكروشيه
فيجب عمل اول سطر من غرزة السلسلة
وهيا اسهل واسرع غرزة فى شغل الكروشيه
تعالوا نشوف هنعملها ازاى
اولا لازم نعمل عقدة البدايه زى ماشرحنا فى الدرس ده
الدرس الثالث:طريقة عمل عقدة البدايه slip knot
هنلف الخيط حول ابرة الكروشيه عكس عقارب الساعة كما فى الرسم
هنجعل الخيط فوق ابرة الكروشيه من الخلف الى الامام
ثم اسحبى الخيط بالابرة من خلال فتحة البداية
وهكذا تتكون اول غرزة سلسلة
ولعمل غرزة سلسلة اخرى هنلف الخيط حول الابرة بنفس الطريقة ونسحبها من خلال اللفة الموجودة على الابرة وهكذا ونستمر فى عمل الغرز حسب العدد المطلوب فى الباترون
كما واضح فى الرسم السابق تم عد غرز السلسلة وتجاهلنا عقدة البداية واللفة اللى مازالت موجودة على الابرة
ده شكل غرزة السلسلة من الامام شكل الضفيرة
وواضح فى الصورة ان السلسلة من الامام تتكون من خيطين (علوى وهوا اللى ناحية راس الابرة ,واخر سفلى )
وده شكل الغرزة من الخلف هنلاحظ وجود خط فى منتصف السلاسل يسمى Back ridge or bump
اذن هنلاحظ ان كل غرزة سلسلة تتكون من 3خيوط =خيط امامى علوى(يسمى front loop)+خيط امامى سفلى+خيط خلفى(يسمىback loop)
طيب عاوزين نعرف اما نيجى نشتغل غرزة جديده فوق غرزة السلسلة هندخل الابرة فين بالضبط؟
عند عمل غرزة جديدة فوق السلسلة هندخل الابرة تحت الخيط الامامى العلوى (front loop)والخيط الخلفى(back loop)
كما واضح فى الرسم التالى
وقد يطلب منا فى الباترون ادخال الابرة فى front loop فقط
او فى back loop فقط
وهذا رسم يوضح الاماكن الثلاثة
.
وبكدا نبقا انتهينا من شرح غرزة السلسلة
والمطلوب للتطبيق العملى عمل سطر يتكون من 10 غرزة السلسلة
- صور تعلم غرزة العقدة
- صور غرزة العقدة الملتوية
- طريقة عمل غرزة العقدة
- غرزه العقدة
