ابيات شعرية قيلت في الهم و الغم و الضيقة التي قد تصيب ايا منا :
ضاق صدري وعيني بالدموع ذرفت ,, واتصبر واقول الصبر عيا يفيد
اجحد اجروح قلبي والدموع كشفت ,, كل مامسح دموعي المدامع تزيد
……….
يا ضايق الصدر بالله وسع الخاطر ,, دنياك يازين ما تستاهل الضيقه
الله على ما يفرج كربتك قادر ,, والله له الحكم في دبرة مخاليقه
……….
الصدر ضايق والجفن سد عالي ,, يحبس وراه اسرار واحزان ودموع
اجلس مع اخواني وكني لحالي ,, اتصنع البسمات والقلب موجوع
………
يالايمي غارات الايام قتاله ,, ولو تكثر من اللوم ماعاد يمديني
دخيلك تخلي ضايق الصدر في حاله ,, تراني على حد البكا لاتبكيني
………
لا ضاقت الدنيا عليك وتشاويت ,, خلق الله اللي في الرخا كان واجد
ومن العرب والصوت والثوب مليت ,, وقامت عليك اهموم بقعا تراجد
فارافع يديك لخالقك لا توضيت ,, وادعو تراك اقرب الى صرت ساجد
……..
يمر يوم وكل يوم يمر احس اني حزين ,, امسي على ضيقة صدر واصبح على ضيقة صدر
قالوا الفرج عقب الصبر قلت الصبر هم دفين ,, قالوا الوفي طبعه وفي قلت الزمن كله غدر
……..
ياصدري اللي من الضيقه تقوم وتطيح ,, تكفى اقهر العاذلين بضيقتك وابتسم
عطني طرب غصب عن كف الزمان الشحيح ,, وانا باواعدك واعاهدك واقسم قسم
لعطيك رجل ليا منه وقف ما يزيح ,, لو تقسم صفوف خلق الله ما ينقسم
قصيدة اخرى في الضيقة و الحزن :
تسولف لي عن الضيقه وانا كلي الم واحزان
وانا من وين ماناظر بعيني شفت ضيقاتي
تسولف لي عن الضيقه وانا عنوان للحرمان
دخيلك لا دخيل الجرح لا تكشف معاناتي
دخيلك لا تشجعني اسولف واكسر الكتمان
تعبت من السكوت اللي تعود يسكن بذاتي
عليم الله مافيني شبر يضحك فرح واشجان
وانا لو جيت ابضحك لك اجيك اضحك بدمعاتي
حياتي شعر(ن) وشاعر وجمهوري بقايا انسان
ونقادي زمن قاسي ولا يفهم كتاباتي
اناظر للبشر حولي احد يضحك احد طربان
وانا صعبن علي اضحك اسايرهم بضحكاتي
عجزت اكذب على نفسي بفرحه ما بها الوان
وحزني ما عجزعني بدا يرسم نهاياتي
طريقي صعب وجروحي كثير وداخلي ضميان
ابي لو يوم واحد احاول اجمع شتاتي
انا قصه تبعثرت وتطايرت بزمن خوان
تعلمت اخسر البسمه واداري عضة شفاتي
ابكتب لك وبالخط العريض وريشه الفنان
انا الخسران توقيعي وانا الخسران بصماتي
اكمل لك عن الضيقه اكمل لك عن الاحزان
تاكد لو بكمل لك تصيح وتطلب سكاتي
مماراقلي
- قصائد سبب سجني ضاق صدري
- قصايد عن الحزن والهم
