اسمه الكامل : .. فهد بن فالح بن مساعد السبيعي…
ولد في الرمحيه.. التابعه لمدينه الرماح
اشتهر بقصيده المدينه والغريب في بيته االشهير…
( جا يشوف الحال كيفه ؟ بعد ماهزه حنينه وقبل سالني .. سالته “كيف حالك يالحبيب..”
قال “انا كني غريب ضيع دروب المدينه ” قلت “انا كني مدينه تتنتظر رجعه غريب”.. )
تاثر بشكل كبير بالشاعر متعب التركي
البدايات لاتنسى .. تعيش في الذاكرة مثل الاحلام .. يقف الزمن عاجزا امام كبرياءها وشموخها وجبروتها فيتركها تعيش كما يحلو لها .. يقول فهد المساعد عن بداياته : ” في مجلة فروسة وشعر وجدت نفسي اقرا اسمي لاول مرة على صفحات الجرائد والمجلات .. حدث هذا عام 1999 م عبر قصيدة ( دفتر اوجاعي ) .. شعرت انني اولد مرة اخرى .. شعرت اكثر بان نصف احلامي تحققت .. لا اتذكر بالضبط لماذا اخترت تلك المجلة .. الذي اعرفه فقط ان كبار وعمالقة الشعر كانوا يتواجدون فيها .. احتفلت بتلك القصيدة كما يحتفل الصغار بالحلوى وهدايا العيد ..
فرحت بها كما يفرح الاطفال اليتامى بالابتسامات الغريبة
……وبعد مراحل كثيره ……
..{ لايؤمن فهد بالاختصار .. يعتبره تجني على المستقبل .. يتفائل : “كيف تكون السيره الذاتيه مجرد تواريخ وارقام ليس لها اي علاقة باليوم وغدا جئنا لنعيش مرة واحدة .. مره واحده .. لو عرفنا معنى التجربة الوحيدة لانتهت كل الاسئله .. انها واحده فلماذا نضيعها بوقت ذهب مع الريح ؟! ..
لماذا نتحسر عليها ونبكي على اطلالها ؟! ..
لماذا لانتعامل معها على طريقة اكون او لا اكون ..
اذا سالني احد .. من انت ؟ ساقول له .. جئت لاعيش مرة واحده
دفتر او جاعي
اكتب واسلي خاطري ب(الكتابه)
كود التهي في نظم الابيات وانساه
واثر القصايد منه قامت تشابه
من وين اقلب دفتر اوجاعي القاه
هذي قصيده قلتها في عتابه
وهذي قصيده قلتها يوم فرقاه
وذيك القصيده قالها من عذابه
يكتب قصيد منكسر بس مااحلاه
ويقول: (( جابه كان تقدر تجابه))
واقول شعرك لعن ابو من تحداه
ويروح يضحك ما اقتنع في الاجابه
ويقول: (( شعرك زين بطل محاباه))
واقول: ((طبعا زين لانك زهابه
لاصرت روح البيت وش لون تبغاه))؟
واليوم ذاك الوقت جمع شبابه
واقفي ولاادري صاحبي وين وداه؟
رضيت مدري ذل ولا مهابه
ابعد واهل الدمع لايام ذكراه
الشعر والليل وبياض السحابه
والضحك والحظ الردي والمعاناه
كلش يذكرني بوقت غدابه
ياوين ابرمي هالجسد فيه وانساه
.
استماع
{ قصيده التفاصيل الصغيره }
ازعل عليك احيان
وازعل على نفسي قبل ماازعل عليك
و ارضى عليك احيان
وارضى على الدنيا وانا راضي عليك
وانت عمرك
مازعلت .. و ما عتبت … و ما رضيت
ازعل علي لو كذب
اعتب علي لو كذب
هذي التفاصيل الصغيره
اللي تخلينا نحب
ما احب انا ازعل عليك
ازعل انا لاني احب
***
يا ادفى من حروف الشعر
يا ارق من حلم السنين
اذا تركتك تنتظر
حسسني ان انتا حزين
مابي تقول مسامحك
قل : ماابيك
واذا رجعت اصالحك
ابعد يديك
انا انجرح قبل اجرحك
وابكي عليك
لكن ابي مره تحس
وشلون انا امووت فيك
هي التفاصيل الصغيره
اللي تخلينا نحب
مااحب انا اقسى عليك
اقسى انا لاني احب
***
ادري فيك تموت فيني
وانا ميت من برودك
لي متى وانتا تبيني
وماتحسسني بوجودك
ايه … حسسني بوجودك
لم صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك باعلى صوت
انا مليت السكوت
***
يا ابتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع ونغترب
ب….التفاصيل الصغيره
نقدر نعيش ونحب
…
{ قصيده طيبة قلب }
يا رفيف الماء .. وفجر العيد .. واحزان المواني
يا اكثر اهل الارض طيبة قلب .. واسرار دفينه
المكان اللي هنا .. مليان ضحكات ، واغاني
والكلام اللي بغيت اقول .. يحتاج ل سكينه !
شوفي الركن البعيد هناك .. كنه صدر حاني
هذا هو اللي يليق ب شاعر وبنت حزينه!
انسي الشارع ، وعتمات الزوايا، والمباني
هاتي يدينك نلف الغيم ونشكل مدينه !!
عندي الليلة كلام وصمت .. واخاف الثواني
تظلمه .. او تظلم اللي فيه كم ضاعت سنينه
بس لازم تسمعين اللي ابي ولا تراني
لو ب اعيده لك .. نسيت .. ورحت اقول اللي تبينه
شي واحد قبل ما ابدا .. ما ابي اي شي ثاني
يخطر ف بالك .. وانا اكشف لك شعور تجهلينه !
ان انا .. وبكل ما تحمله “احبك”من معاني
كنت،وراح ابقى احبك .. لين .. مدري وش هو لينه !!
بس والله ماقدرت انسى .. ولا همي نساني
لا ذكرت انسان .. فيه اسرار مابينك وبينه
كل ما تطري علي فكرة هواك الاولاني
اشعر اني انطعن مليون مره من يدينه!
اشعر ان عيونك.. الله ما خلقها الا عشاني
كيف كانت تبتسم له؟!.. قولي انك تخدعينه !!
صورة انه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت ادلله .. حظي رماني..
بنفس الاسم اللي يقول .. بذمتك ماهي غبينه !؟
وكني اللي .. كل ما اناديك بالاسم الفلاني
اطلب النسيان .. يترك منه شي تذكرينه !!
لا تظنيني اناني .. لا .. انا مانيب اناني
لو سلمت من الغرق . باموت في ظهر السفينه!
يا اني ما اكمل واعاني .. او اكمل ثم اعاني.
.كل ما اسمع طاري اسمه .. او تجي عيني في عينه!
اينا كان الضحيه ؟.. واينا اللي كان جاني ؟
مدري !.. ولكن قراري لازم انك تقبلينه:
مثل ما اكره فكرة انه واحد ياخذ مكاني
ما اقدر اجلس في مكان انسان.. كنتي تعشقينه
.
استماع
***
قصيدة ” رسالة لن تصل ”
يا صاحبي جيتك اشكي لك من احوالي … جيت وما دامك رفيقي ليه اطولها
العلم وما فيه يا اول واخر امالي … عندي رسالة ولا ادري كيف اوصلها
للي سبتني وانا من قبلها سالي … ابيك توقف معي وتروح تسالها
وش فيها تفتح علي ابواب عذالي … وتحمل النفس حاجة ما تحملها
وش فيها رغم الوفاا تتركني لحالي … وانا لجفاها تركت الدنيا باكملها
ان كان هذا زعل علمها يالغالي … وما كان قصدي ورب البيت ازعلها
علمها واللي يخلي قلبك الخالي … عن ضيقتي وين وصلت من تجاهلها
علمها كم لي وانا ماشلت جوالي … كله علشان ما اقلب رسايلها
وعلمها وشلون لا مرت على بالي … اروح واضم صورتها واقبلها
وعلمها وش لون انشغل عن كثرة اشغالي … واسرح و اغمض عيوني واتخيلها
علمها عني وعن همي وغربالي … علمها عن كل حاجة في تجهلها
وان شفتها دنقت تبكي على حالي … انسى الكلام وتذكر كلمة وقلها
قل شاعرك يعتذر ويعاهدك تالي … انه يرتب حساباته من اولها
ويقول حتى القصيد اللي على بالي … والله ما عاد اكتبه كانه يزعلها
.
.
قصيدة ” صالات المطار ”
قبل اسافر كنت جالس في زمان الانتظار ..
ارتشف هم المكان وكل همي حاجتين
كنت خايف من يباس وكنت خايف من خضار ..
كنت اخاف انك تجين وكنت خايف ما تجين
لين شفتك من ورا بيبان صالات المطار ..
مقبلة من كثر شوقك كنت اشوفك تركضين
مرة ركضك يمين ونظرة عيونك يسار ..
ومرة ركضك يسار ونظرة عيونك يمين
تايهه ما كنك الا ضحكة وسط انكسار ..
ساكتة ماكنك الا دمعة فيها حنين
خايفة..وجله..حزينة..يعني كنتي باختصار ..
تشرحين لكل عاشق معنى كلمة عاشقين
بعدها جيتك ولدت عينك ودار الحوار ..
من كفوفي دمعتين و من كفوفك دمعتين
كنت اصد وكنتي انتي ثايرة مثل الشرار ..
ما على لدغة لسانك غير كلمة ( وين؟ وين ؟ )
واذكر اني قبل ابديلك ايه اعتذار ..
رحت حتى قبل اطيب خاطرك في كلمتين
لكن انتي عارفتني زين واللي صار صار ..
سامحيني واذكريني قد ما انتي تقدرين
اذكريني لا انتهت للشمس رحلة مع نهار ..
واذكريني لا صحى للصبح ورد الياسمين
واذكريني لا لمحتي في ليالي البرد نار ..
واذكريني لا سمعتي للمطر صوت حزين
اذكريني واذكريني واذكريني .. باختصار ..
اذكري فهد المساعد قد ماانتي تقدرين
***
قصيدة ” تعال ”
من عز نومي صحيت وشفت في عيني
دمع تهادى على جفني وانا غافي
سترت دمعي ب كمي قبل يغريني
واخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا اوصافي هي اوصافي
امشي واقول ل طريقي لا توديني
ل عيون ناس تبي تدري عن الخافي
امانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث ابوي و اسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
الين ما اوحيت لي صوت يناديني
صوت اعرفه مثل ما اجهل وش خلافي
قمت اتلفت و انادي لا تخليني
ما غيره.. الصوت هذا صوته الدافي
ولمحت زوله من اقصى الدرب لافيني
مدري وش اقول لكن حي ها اللافي
تعال.. شف غيبتك كيف اثرت فيني
تعال.. شفني وانا اغرق عقب مجدافي
تعال.. خذني ورحبي من عناويني
تعبت اعدي على جمرك وانا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الظافي
تعال وشفيك خايف؟ انت ناسيني؟
قطعت صوتي عليك وطال ميقافي
حتى بديت اشعر ان الحب معميني
وان انت حلم عثى فيني وانا غافي
لكن امانة ترى اللي في كافيني
ان رحت منك كذا ما رحت متعافي
بصدق الحلم واحذر لا تصحيني
في خاطري كلمتين ان قلتها كافي
امانة الله عليك ان غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي
.
.
قصيدة ” 19 عام ”
19 عام .. وبقى لك بعد عام
ويصير عمرك مثل ماانتي تحبين
عقبال ماتمضي الليالي والايام
ويمر يوم فيه اشوفك تقولين
ياشاعري قل للدفاتر والاحلام
مرت سنه واليوم كملت عشرين
قلي كبرتي .. قل كبرتي .. من العام ..
وانا احتريها .. وانت ساكت لهالحين ؟!
واقول هذي كلها حسبة ارقام
هو للسحابه عمر !
ردي ؟!
وبعدين ..
مهما تكبرك الليالي والايام
تبقين طفلة قلبي اللي تحبين
.
.
قصيدة ” سالفة عشاق ”
من بغى الفرقا .. لقى له عذر واسباب ودليل
خل عنك العذر والاسباب دام الحب ضاع
كان ودك بالفراق ابشر عسى عمرك طويل
لاتردد وانت لك كلمه ولك امر مطاع
لي عليك انك تبت بكلمه تشفي الغليل
ولك علي اني لاوقف وقفة الرجل الشجاع
لاتجاملني مخافة قال مدري خوف قيل
عمر هرج الناس مايسمن ولا يغني جياع
كان قصدك سر حبك اوعدك لاصبح بخيل
واحمل اسرارك معي للموت قدر المستطاع
بس قلها .. قل ما احبك .. وابشر بصبر جميل
لاتحسب اني مثل من طبعهم لوي الذراع
صاحبك ماهو كذا .. ياصاحب القد النحيل
صاحبك طبعه غريب وغربته غربة اطباع
فالهوى مايقبل الحل الوسط ولا القليل
مثل ماهو لا شرا يشري اليامن باع باااااع
ثابت لو هي تميل الارض حدره مايميل
يدري ان الفقر ماهو عيب والدنيا متاع
ماعشق لذة حياته كثر عشق المستحيل
ولا كره حتى مماته كثر كره الانصياع
كم تعلمت من شديد البدو وش معنى الرحيل
وكم تعلمت من غروب الشمس وش معنى الوداع
وكم تعلمت من سحاب الصيف وش معنى الحصيل
وكم تعلمت من ليال البرد وش معنى الضياع
ايه .. انا هذا .. طريقي موحش وصعب وطويل
وانت لامنك تعبت العالم فجوجه وساع
اعتبرني في بداية سكتك عابر سبيل
ورح وانا قلبي معك من وين وجهت الشراع
يكفي اني لاذكرت بسالفة عشاق قيل
عاشر احبابه شجاع وفارق احبابه شجاع
.
قصيدة ” اسرار ”
يا رفيف الماء .. وفجر العيد .. واحزان المواني
يا اكثر اهل الارض طيبة قلب .. واسرار دفينه
المكان اللي هنا .. مليان ضحكات ، واغاني
والكلام اللي بغيت اقول .. يحتاج ل سكينه !
شوفي الركن البعيد هناك .. كنه صدر حاني
هذا هو اللي يليق ب شاعر وبنت حزينه!
انسي الشارع ، وعتمات الزوايا، والمباني
هاتي يدينك نلف الغيم ونشكل مدينه !!
عندي الليلة كلام وصمت .. واخاف الثواني
تظلمه .. او تظلم اللي فيه كم ضاعت سنينه
بس لازم تسمعين اللي ابي ولا تراني
لو ب اعيده لك .. نسيت .. ورحت اقول اللي تبينه
شي واحد قبل ما ابدا .. ما ابي اي شي ثاني
يخطر ف بالك .. وانا اكشف لك شعور تجهلينه !
ان انا .. وبكل ما تحمله “احبك” من معاني
كنت،وراح ابقى احبك .. لين .. مدري وش هو لينه !!
بس والله ماقدرت انسى .. ولا همي نساني
لا ذكرت انسان .. فيه اسرار مابينك وبينه
كل ما تطري علي فكرة هواك الاولاني
اشعر اني انطعن مليون مره من يدينه!
اشعر ان عيونك.. الله ما خلقها الا عشاني
كيف كانت تبتسم له؟!.. قولي انك تخدعينه !!
صورة انه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت ادلله .. حظي رماني..
بنفس الاسم اللي يقول .. بذمتك ماهي غبينه !؟
وكني اللي .. كل ما اناديك بالاسم الفلاني
اطلب النسيان .. يترك منه شي تذكرينه !!
لا تظنيني اناني .. لا .. انا مانيب اناني
لو سلمت من الغرق . ب اموت في ظهر السفينه!
يا اني ما اكمل واعاني .. او اكمل ثم اعاني..
كل ما اسمع طاري اسمه .. او تجي عيني في عينه!
اينا كان الضحيه ؟.. واينا اللي كان جاني ؟
مدري !.. ولكن قراري لازم انك تقبلينه:
مثل ما اكره فكرة انه واحد ياخذ مكاني
ما اقدر اجلس في مكان انسان.. كنتي تعشقينه!
.
.
قصيدة ” المدينه والغريب ”
جا يشوف الحال كيفه بعد ما هزه حنينه … وقبل يسالني سالته كيف حالك يالحبيب
قال انا كني غريب ضيع دروب المدينه … قلت انا كني مدينة تنتظر رجعة غريب
قال اجل وش فيك تكره سيرة الحب وسنينه … قلت اجل وشلون ما اكره سيرته دامك تغيب
انت لامن غبت حتى مرايتك صارت حزينة … كيف ماتبغاني احزن وانت لي حظ ونصيب
الهدايا والرسايل والمكاتيب الثمينه … والليالي والقمر والريح والكون الرحيب
كل ماتبعد تجيب الشعر ليه من يدينه … وتقعد جروحي تودي في الطواريق وتجيب
يابعد كل القصيد ونزوة احداه وانينه … لاذكرتك لاح بيت وطاح ورد وفاح طيب
وان نسيتك ما نساني صوتك المبحوح لينه … ياخذ لجرحي بثاره من خطاياك ويطيب
وبعد هذا جاي ترمي ذنبك بوجه المدينه … ما دريت ان المدينة كلها شمعة غريب
.***
قصيدة ” تحت الارض احبك ”
مي هذي مثل طل الصبح لاغصان الحدايق
يبتسم قطر الندى لاباسته او باسها
مي هذي بنت لامن شفت صدر الليل ضايق ..
ادري ان عيون مي اليوم طال نعاسها !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكه ناسها
يسعد الله قلب مي اللي كثر ماهوب بايق ..
..من قلوب الخلق..ماذكر مر يوم وداسها
لان مي ارق بنت..ولو قست ماهوب لايق
حيرتني مي..الاجمل : هي..والا احساسها !؟
بالها لاضاق زانت..كيف لامن صار رايق!؟
في انتباهتها براءه..كيف اجل هوجاسها !؟
العمر لو كان ضحكه مي تكفيني دقايق
بس اخاف ان مت..تحني مي فوقي راسها
مي لو تبكي لموتي مالي الا افز فايق
من قبل لاموت اكثر..من نشيج انفاسها
مي .. لاتعطين بال لمن يقول الموت عايق
الجسد موته يفك الروح من حراسها
مااحبك فوق الارض وبس ياكل الخلايق
حتى تحت الارض احبك يابعد من داسها
مي لو ماقلت فيها بيت واحد ماتضايق
لان مالي شعر ينشر لو رفض كراسها
.
.
قصيدة ” اللي تركني ”
اللي تركني وانا في عز غربالي
بعد الشدايد وش اللي ذكره فيني
يبغى زمانه يعود ويرجع الغالي
وش لون يرجع بعد ماطاح من عيني
لاالوقت وقته ولاله شي في بالي
انا نسيته مثل ماكان ناسيني
ياما تمنيت نظرة منه في حالي
ياما تمنيت صوته لويناديني
واقول لااظلم علي الليل بلحالي
الله يجيبه يشتت غربة سنيني
من كثر ماكان طيفه دايم قبالي
احيان احسه معي وتضمه ايديني
ولامن تنبهت لين وجيه عذالي
كل على ماطرى باله يسميني
ليته تركني بعد هذا على فالي
زي ماتركته بعدقتله بساتيني
من بعد ماصار جاب بلسانه الحالي
يبغى يرجع زمان بينه وبيني
قولوا له اني مااحبه كثر ترحالي
او لا حرام يتضايق والا يبكيني
قولوا له اني احبه بس من تالي
ان راح والا رجع ماعاد يعنيني
.
قصيدة ” المراسيل ”
اقول : يمكن تنفرج في المقابيل=و لا ادري الا الارض تحتي تهايل
وبعد التعب والهم والحط والشيل=توي عرفت ان البخت كان مايل
مع ذاك ابو ذيك الرموش المظاليل=ذاك الغريب اللي عمل بي عمايل
جتني مراسيله تشب القناديل=و معها سؤال جاوبته النحايل
يقول : ( كيف الحال بعد المراسيل ؟ )=و نقول ( مثل الحال قبل الرسايل )
عمر الكتابه ما تجيب المواصيل= ريح مكاتيبك ترى الشك زايل
ان ما حصل همس وحنان وتعاليل=واعاتبك لين المح الدمع سايل
و اجلس اسولف عن زمان البهاذيل=و انسى السوالف لا نسفت الجدايل
كذا يصير الحب والوصل والليل=وكذا ادري انك ما نسيت الجمايل
اما كذا والا اترك الحظ للميل=واتركني فوق الارض تحتي تهايل
.
.
قصيدة ” انت زعلان ”
اسمعك ياللي تناديني يابو قلب خلي …
بس انا ماني خلي القلب لجل اسكت واجيك
الخلي ماهو بقلب من هيامك ممتلي …
الخلي قلب ادمي شافك ولا هام فيك
انت زعلان لجفاي وما دريت ان زعلي ….
يوم قلبك مايبيني قد ما قلبي يبيك
حتى لو عيت همومك في غيابي تنجلي …
كل هذا ما يساوي لهفتي يوم احتريك
وكان ما صدقت هرجي .. طيب اسمع ما يلي …
ياحبيبي ياعسى ربي يحفظك ويهديك
جايز انك في غيابي تقلب الدنيا علي …
بس انا من قبل اعرفك قالب الدنيا عليك
***
قصيدة ” اعز انسان ”
صوت حبيبي وقبل اقول ياعونك …
شكا جروحه ورحت اشكي له اطعوني
يقول ما اقدر اعيش اليوم من دونك …
واقول حتى ولو ماعشت من دوني
يمكن انا اكون اعز انسان فعيونك …
بس انت والله كل الناس فعيوني
لاصرت ربعي .. وداري فية اجفونك …
وش دخل الناس خل الناس يجفوني
يكفيني ان انت لامن قلت وشلونك …
تطيب كل الجروح ويختلف لوني
وان كان منت بمصدقني على هونك …
تعال طالع ادروبك وين ودوني
اصبحت اجامل اعداي اللي يحبونك …
واكره مشاهد اعداك اللي يحبوني
ومن كثر ما احب واكره عنك واصونك …
اصبحت دفتر مشاعر وانت مضموني
ان غبت عني شعرت بلذة طعونك …
وان شفت زولك شعرت بقيمة عيوني
***
قصيدة ” وحده ب وحده ”
يا غايبه و ان كان فيها جماله
تجملي يا ام الحلا و الظفاير
بالله شوفي صاحبك كيف حاله
شوفيه في غيبتك وشلون صاير
صارت حياته ضيق خلقه و بطاله
هم و سهر و اوراق شعر وزقاير ..!!
يعني حبيبك صارت حالته حاله
ما باقي الا انه يدن العباير
الله لا منه ذكر ما مضا له
قبل الدواير ما تجر الدواير
يوم الطفوله و الشقا و الجهاله
يوم الكباير في عيونه صغاير
ايام كان معانده راس ماله
و يسوق لهبال الشقاوه بشاير
يا ما امتلى بالحب و الطيش باله
و ياما امتلت من شخبطته العواير
يكتب عليها: [ عاشقك للثماله ] ..!!
و يخط توقيعه: [ جريح الضماير ] ..!!
ياما اشتكاه ابوه في بيت خاله
و ياما تحصل من هواك العزاير
مره حلف ب انه يبطل هباله
و قبل يكمل .. فك اخوه الستاير
ثم طالع الشباك .. لينك قباله
و ف اقل من لمح البصر جاك طاير
على صغر سنه مميل عقاله
كاشخ و ناسي لا يصك الزراير
لا شافك يتمتم لحاله بحاله:
لعيون هالشوفه تهون الخساير
و لا شاف زول ابوه حذف نعاله
الحب جاير … لكن العود جاير
طفل يتيم ورغم الاحزان داله
ما يدري ان حظه مع الوقت باير
كنتي طموحه كنتي اغلى حلاله
كنتي و صرتي .. بس يا ام الظفاير
طفل زرع من ضحكتك في خياله
لين اثمرت شعر هزاله حراير
لا تتركينه في غيابك لحاله
بالله شوفي كيف هالطفل صاير
ووحده بوحده كان عندك عداله
اتبطلي غيبه و ابطل زقاير
.
.
من قصيدة ” هدية عيد ميلادك ”
حبيبي جيت اقدم لك هدية عيد ميلادك
وانا متاكد اني لو نسيتك مانقص قدري
ولكن قلت ادور اي شي يناسب اعيادك
تفحصت الهدايا لين ضاق بشوفها صدري
ابي شي يجملني معك لافاح رينادك
ما ابي شي امده والخجل من فوقي وحدري
وقلت اشوف بعض الناس قبل يحل ميعادك
وش اللي من هداياهم يليق بوجهك البدري
بعضهم جاب ورد وشفت كل الورد مافادك
وانا اصلا اعتبر من جاب ذاك الورد ما يدري
لان الورد لو ما زاد بين ايديك ما زادك
تركت الورد واعجبت بثلاث جوك من بدري
هديتهم قفص وطيور .. قلت فعيد ميلادك
اسوي مثلهم واهديك طير في قفص صدري
.
.
من قصيدة ” ياصغير السن ( الجرح ) ”
الناس كل على دربه ومنهاجه
وانا عن الناس مابه شي يفرقني
الا اني دايم احب الصدق واواجه
مخلوق .. و الله على هالوضع خالقني
حتى رفيقي ضماد الجرح وعلاجه
على كثر ما اتمسك فيه .. صدقني ..
لو ادري انه مرافقني على حاجه
لامسكه حاجته.. واقول : فارقني
.
.
قصيدة ” الدكاتر ”
حاولت اذاكر بس مااقدر اذاكر / اقرا ووجهك في الكتب ينرسم لي
عذرا عميد الجامعه والدكاتر /هذا نصيبي والله اللي قسم لي
يعني وش تسون لو غبت باكر؟! / ورجعت لديار ترد النسم لي
يحسم على؟ كانه على الحسم شاكر / معدلي فدوه لها لا انحسم لي
ياقلبي التعبان قص التذاكر / مشتاق اشوف عيونها تبتسم لي
***
قصيده { ياصغير السن }
يا صغير السن قدرك طاحت ابراجه … الجرح خلى الصخر ينطق ونطقني
خلاص ما عاد تعني لي ولا حاجة … رح جعل ربي يوفقك ويوفقني
من بعد ما كنت نور العمر وسراجه … اليوم صرت الظلام اللي يطوقني
عطيتك اكثر من اللي كنت تحتاجه … اسرفت فالحب لين الحب وهقني
خلاص مالي ومال الحب وازعاجه … مالي ومال الدروب اللي تضايقني
تعبت اضم البحر واهدي امواجه … تعبت اجامل و اشوف الوقت يسرقني
شكواي للي عليه الضيق وافراجه … اللي اذا شاء يرحمني ويرزقني
اما انت يا بو جبين عقد حجاجه … لا عاد تسال علامك منت طايقني ؟!
الناس كل على دربه ومنهاجه … و انا عن الناس ما به شئ يفرقني
الا اني دايم احب الصدق واواجه … مخلوق والله على هالوضع خالقني
حتى رفيقي ضماد القلب وعلاجه … على كثر ما اتمسك فيه صدقني
لو ادري انه مرافقني على حاجه … لامسكه حاجته و اقول فارقني
***
قصيده { ثلاث سنين }
ياعين هلي دموع الوجد وانهمري … محتاج لي دمعتين تعيد ترتيبي
نويت دمر الزمان اللي نوى دمري … بايعك يا طيبتي شاريك يا طيبي
و الدانة التي تغنج كنها القمري … امنتكم بلغوها يا مناديبي
لا عاد تشفق على نخلي وعلى تمري … ولا عاد تشره علي في قل ترحيبي
ان كان ربي عطاها لونها الخمري … الله بنفسي معوضني فقر جيبي
امنتكم بلغوها تحتري جمري … ومادام ما فاد معها حسن تهذيبي
ان عشت والله لامشيها تحت امري … واحس فيها تعذب كثر تعذيبي
هذريت فيها ثلاث سنين من عمري … وان قالها الله لخليها تهذريبي
***
قصيده { لاتسافر }
قلبي له اليوم ثالث اليوم موجعني … وعيني لها اليوم ثالث تجمع طيوفك
والبال كنه على دربك يوزعني … ولساني ما كنه الا خلق لحروفك
لا النوم نافع ولا التفكير نافعني … انام واصحى على الباقي من وصوفوك
بالله قلي شعوري هذا وش يعني … طمني الله يطمن همك وخوفك
بيني وبينك ترى اللي صدق ضيعني … ان انت فاخر لقا شارح لي ضروفك
مدري وش اقول لكن تدري ؟ اسمعني … خابرك وافي وابيك اتم معروفك
ان كنت ناوي تسافر لا تودعني … بس انت لا تسافر قبل ما اشوفك
.
.
قصيده { الدلوعه }
اعرفك بنت عز وكلمتك مسموعه
وادري انك من خلقتي في ظلال وفيه
مالعب فيك الزمان ولا قرفتي جوعه
ولا وقفتي من همومك وقفة محنيه
ادري ورب اليتيم اللي يهل دموعه
مابعد هلت دموعك في ضحى عيديه
بين حضن امك وابوك وردة مزروعه
طول عمرك مافقدتي لمسة الحنيه
ايه اعرفك واعرف ان الناس لك متبوعه
وادري ان امرك مجاب وحاجتك مقضيه
بس انا من فضل ربي هامتي مرفوعه
ورث ابوي وراس مالي عزوة جبريه
ما انحنيت الا لمخافة ربي المشروعه
ولا بعد دفقت دم الوجه امد ايديه
بدوي ماعرفت الضحكه المصنوعه
احمد الله من خلقت وطيبتي فطريه
قانع في حكمة الله ماشي في طوعه
ماحسبت حساب دنيا ناسها طرقيه
ايه انا يا ام الترف قلبي اذا موضوعه
الفراق اللي بلا رجعه وطاري جيه
بس روحي سايري قلبك وهدي روعه
واعذريني .. والا .. عادي ازعلي عليه
دامها وصلت لذل النفس يالدلوعه
والله ان يعيش راسي ما انحنى لبنيه
قصيده { الناس }
ياصاحبي لاتجي وتقول لي قالوا
لو قلت .. ماقلت غير الله يجازيهم
لاشفت بعض الاوادم للردى مالوا
نفضتهم من عيوني قبل اخليهم
يكفيني القدر نلته يوم ما نالوا
الا .. او اقول .. ما ابغى اجيب طاريهم
ما اقول غير انت لامن حطوا وشالوا
تعوذ برحمة الله من اساميهم
وذكرهم ان الاعمار ان طالت وطالوا
الخالد الذكر والا الموت قافيهم
اما انت ياقلب ان صالوا بك وجالوا
خلك مثل ما انت لاتشره على ايديهم
الناس من خلقة الدنيا ومازالوا
عيال رجال لكن فيهم وفيهم
ذولاك من عرض ناس مالي ان مالوا
الا اني اسكت واقول الله يجازيهم
قصيده { الدمعه }
تطيح دمعه واسلم للفضا موقي
وارفع يدين الذنوب وتظلم اعماقي
اشوف قبري يمر بوحشته فوقي
وتصير كل الحياة اضيق من اخلاقي
يانفس طالت ليالي غينا فوقي
كم قلت يالله وقلتي تونا باقي
ياالمزنه اللي تحن لغيها نوقي
تعبت اخيلك واقول نياقي نياقي
تعبت ياما تعبت وضاعت احقوقي
ياما ندمت وردمت الذنب فاوراقي
ياما سكت وتركت البوح لعروقي
اخاف اسولف واخيب هقوة الهاقي
اخاف ابوح ويخون الصمت منطوقي
واقول شي يحث الناس لفراقي
يالله وانت الملاذ ان مس بي عوقي
وانا ذنوبي جهت من راسي لساقي
يالله تغفر خطاي وترحم وتوفي
عظمي نهار الحساب وتقبل اعتاقي
قصيده { يبه = في والده }
يبه وانا بعد (( 12 )) عام حسيت
اني قدرت اقول شي كتمته
ابطى قصيدي ما انكتب فيك وابطيت
اجر صوتي وارجع اجر صمته
ما ودي اكتب بيت واندم على بيت
ماهو بشعر .. الشعر كاني زهمته
الشعر كانه ما انحنى لي ما جيت
ان ماعزم مرثيتك ما عزمته
ان ماكتبته بازرق الدمع وابكيت
كل الجروح المبطيه ما رحمته
يبه وانا من بعدك ابو التناهيت
ما مر طعم للحزن مانهمته
يبه .. (يبه) كلمه وانا كل ما اوحيت
كلمة يبه ((صديت والوقت لمته))
يبه .. (يبه) كلمه وانا كم تمنيت
اهدم بها وابني بها اللي هدمته
يبه وانا لاضقت رحت وتهجيت
ركون بيت ضم حلم حلمته
يومك تعلمني ولامن تحاكيت
درس الحياه اللي كبرت وفهمته
هناك كانت دلتك لاتقهويت
وهناك كان يساق طيب حشمته
وهناك ايه اذكرني .. هناك خليت
طفل ملى بالدمع درب رسمته
هناك جاني علمك انك توفيت
وهناك خاويت الشقا واحتزمته
واليوم قلت اليوم يومي ومديت
كف القصيد وطاح شعر ونظمته
لكن بعد صمت (( 12)) عام حسيت
اني عجزت اقول شي كتمت
***
قصيده { ماودي الناس تدري وش يبكيني}
من عز نومي صحيت وشفت في عيني
دمع تهادى على جفني وانا غافي
سترت دمعي بكمي قبل يغريني
واخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا اوصافي هي اوصافي
امشي واقول لطريقي لاتوديني
لعيون ناس تبي تدري عن الخافي
امانتك .. خلها مابينك وبيني
خابرك يالدرب خوة عمر وسنافي
ماودي الناس تدري وش يبكيني
كرامة النفس ورث ابوي واسلافي
امشي واحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
الين مااوحيت لي صوت يناديني
صوت اعرفه مثل ما اجهل وش خلافي
قمت اتلفت وانادي … لاتخليني
ماغيره الصوت .. هذا صوته الدافي
ولمحت زوله من اقصى الدرب لافيني
مدري وش اقول لكن حي ها اللافي
تعال .. شف غيبتك كيف اثرت فيني
تعال .. شفني وانا اغرق عقب مجدافي
تعال.. خذني ورحبي من عناويني
تعبت اعدي على جمرك وانا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين احس بليلك الظافي
تعال وش فيك خايف ؟ انت ناسيني
قطعت صوتي عليك وطال ميقافي
حتى بديت اشعر ان الحب معميني
وان انت حلم عثى فيني وانا غافي
لكن امانه ترى اللي فيني كافيني
ان رحت منك كذا مارحت متعافي
بصدق الحلم واحذر لا تصحيني
في خاطري كلمتين وان قلتها كافي
امانة الله عليك ان غبت عن عيني
لا يكون قلبك مثل قلب الزمن جافي
مع كل دمعه تذكر رعشة يديني
ومع كل ضحكه تذكر قلبي الوافي
***
قصيده { سكه الذكرى }
مرني طيفك .. وطيفك صاحبي مدري عدوي
جايب صوتك .. وصوتك سكة الذكرى الحزينة
قال انا جوي تكدر .. قلت : ماهو كثر جوي
قال فرقانا غبينة .. قلت : واكثر من غبينة
قال : انا ب اموت من غيبتك قل لي ويش اسوي؟
قلت : انا ابغى الموت في غيبتك .. قل لي بس وينه؟!
قبل ترحل .. كنت اقول بيسرح ايام و يضوي
مثل ماعودني اليا اشتقت له جابه حنينه
بس ه المرة ثمان شهور وضلوعي تدوي
كل يوم اشتاق لك .. يلعن ابو الشوق وسنينه
كل ماعشمت قلبي .. قال يااا ضلوعي تقوي
ورحت انا وياه نرقب رجعة اللي فاقدينه
نوب اقول اليا رجع بكون في قمة هدوي
ونوب اقول الا ابزعل واتلى مابيني وبينه
كل يوم اجلس على جال البحر واقول توي ..
.. لاسالني : مافقدت الحلم في لمسة يدينه ؟!
مادريت ان البحر ماقال لامواجه تروي !
و مادريت ان الغرق هو حجة غياب السفينة
مادريت .. او مابغيت ادري .. ولاادري وش بسوي
لو رجعت .. وشفت طيفك في الممرات الحزينة
وين ابنسى وانت طيفك صاحبي مدري عدوي
مارضى يترك ل غيره شبر واحد في المدينة!
***
قصيده { العذر}
يعني كذا يا ام الوفا والمحبه
كذا المحبة والوفاء ياوفيه
اغيب عنك ايام ولا اتنبه
الا وانا اشوفك زعلتي عليه
وش زعلك ؟ وش هز قلبك وشبه ؟
يعني عشاني غبت صارت قضيه !
ياام القوام اللي من ادناه هبه
يميل كن الخيزران ادميه
وام الجديل اللي من يخاف ربه
يذكر عليه الله ويذكر نبيه
ان كنت مخطي فالخطا مايجبه
الا العذر وانا اعترف بالخطيه
وهذي بعد من فوق الاعذار حبه
لا تزعلين الله يخليك ليا
***
قصيده { اخر الدروبي }
يا بشر تكفون حلو عن سمايه
ما يصيب الهرج لو الهرج صوبي
كم سكت لكم بما فيه الكفاية
اشتموني لو زعلتوا واشمتوا بي
عيبوني واتركوني في عمايه
واتركوا لي واحد يرضى عيوبي
اتركوا لي واحد يمسح شقايه
كل ما حط الزمن دوبه و دوبي
ذاك والله لو ذكرت انه ورايه
اشعر ان الكون كله وسط ثوبي
يكفي انه لو يسولف للمرايه
كن صوته يهمس ل صورته.. ذوبي
كيف انا ما اذوب ما دامه معايه
اسمعه و اسهر معه لاخر دروبي
كل ما قال السهر درب الغواية
قلت كله من عيونك هبلوا بي
وكل ما قال الخطا ماهو خطايه
قلت له قل للعيون السود توبي
ضيعتني واسال الله الهداية
وين اجيب العقل.. اجيبه من جيوبي
من يعرفك ما يدل العقل راية
يا شروق العمر.. مدري يا غروبي
اذكر انك كنت لي مثل الهواية
لو تروح ولو تجي يبقى شحوبي
بس مدري كيف صرت اليوم غاية
وصرت اجي و اروح مدري عن دروبي
يا بعد عمر الكتابة و القراية
يا الشمالي يابو الملح الجنوبي
لا قريت اللي كتبته يا رجايه
رح وبلغ ربعي اللي جننوا بي
قلهم يمكن يخلون الوشاية
و ان تمادوا خلهم مهما حكوا بي
انت خلك بس في الدنيا عزايه
لا تفكر في العواذل وانت صوبي
ادري ان كل درب وله نهاية
بس انا باقي معك لاخر دروبي
****
قصيده { سحابه}جف الكلام ومدت يدينها فوق : ..
.. اخترت هذي .. وانت شف لك سحابه
قلت .. ويديني تحتضنها مثل طوق .. :
اخترت هذي هذي اكثر رحابه
هذي دفا صوت من البرد مخنوق
هذي سؤال نصف عمري جوابه
هذي هي اللي عرفتني على الشوق
هذي قدر .. ماكنت حاسب حسابه
قطعة حزن في جيب بالي ومشقوق
ومضة فرح في عيون ناس غلابه
ان سولفت في ثغرها لمعة بروق
وان سرحت في عيونها صمت غابه
واليا اضحكت نور من الفجر مسروق
واليا بكت تحزن عليها الكابه
حبي لها لوادري ان فيه مخلوق
قد حب مثله .. قلت : “ياللغرابه”
ه الادمي من وين له قلب و عروق؟!
والصبر ه المسكين من وين جابه؟
وانا اتكلم .. ردت عيونها فوق
ثم تمتمت : من هي ه الاكثر رحابه؟؟
قلت ويديني تحتضنها مثل طوق
في ذمتي ما شفت غيرك سحابه
***
قصيده { تمنيت موتك}
اللي بقا لي في غيابك .. سكوتك
واللي فقدته من غيابك .. حنانك
عذرك معك لوخبروني بموتك
وحقي عليك ان كان عذرك زمانك
ماكان موعد .. واعذرك لو يفوتك
انا انتظرت العمر كله عشانك
غبت ورضيت .. وبعدها .. غاب صوتك
وابطيت اكذب .. من يقولون : خانك
بالله كيف تحس في طعم قوتك
لامن ذكرت انسان .. خنته .. وصانك
ماكن قلبه واحد من بيوتك
من تحت سقفه كم شعرت بامانك؟
وراك خليته .. لعتمة سكوتك؟
وانا ما غير اعشمه في حنانك
في غيبتك ياكم تمنيت موتك
اقل شي .. ارتاح واعرف مكانك
***
قصيده { صلاه وعناقيد }
عدى عمر .. ياليت الاعمار تنعاد
وارجع بلا شيب وبليا تجاعيد
ارجع واضم ابوي واقول: لا عاد
تموت وتتركني مثل ليلة العيد
يوم اسالوا عنك الصبايا والاولاد
وقلت:امي تقول انه مسافر بعيد
بكيت ليلتها وناديت..ما فاد
وظليت اصوت لك .. واناديك واعيد
عود يا بوي وجب لي ثياب جداد
يا كثر ما تنسى يا بوي المواعيد
بكيتك لحالي وانا كنت معتاد
تكف دمعي بايد وتضمني بايد
كم كنت محتاجك تجي كنك رقاد
تمطر من كفوفك صلاة وعناقيد
احتجت لك طفل كسر قلب الاعياد
واحتجت لك طيش وشباب وتناهيد
واحتجت لك شاعر له احباب واضداد
واحتجت لك رجال يخشى المناقيد
احتجت لك .. واحتاج لك ظل وسناد
العمر ينقص واحتياجي لك يزيد
- قصايد فهد المساعد
- من قصايد فهد المساعد
