| من بعد ما كنت احسبنى نسيتك | مدرى اشجابك على البال و ذكرتك ؟ ؟ |
| ولا و عيت الا و انا قدام بيتك ! ! |
ماتقول انني قبل لمدة هجرتك ؟ ! |
| ذا مكانى . . لاغفي الليل و سريتك |
شف كم لى . . ما سريت و لا سهرتك ؟ |
| وذا مكانك . . لا تضايقت و جفيتك |
وشف كم لك . . ماترجيت و عذرتك ؟ |
| وذا مكان قلوبنا . . لحظه هويتك |
فية عمري اختصرتة و اختصرتك |
| واقف . . وكنى من احزانى بنيتك |
(جسر) . . مابين الزمانين و عبرتك ! ! |
| اتذكر . . وش خذيت و وش عطيتك |
يوم كنت انقاض و بحبى عمرتك |
| واتذكر . . ساعة انهوك و بديتك |
كيف بجروحى عن جروحى سترتك ! ! |
| وكيف بعت احلام عمري و اشتريتك | وكيف كنت اشنع هزيمه و انتصرتك |
| وكيف كنت الملح . .لكنى رويتك ! ! |
وكيف كنت الزيف . . لكنى ذخرتك ! ! |
| ادرى انني جد . . من قلبي بغيتك |
وادرى انني رغم جميع ذلك خسرتك |
| انتظرتك . . ( عمر ) حتي انني لقيتك |
والقهر مدرى على و يش . . انتظرتك ! ! |
| كنت احبك . . كنت ! ! لكنى سليتك |
وما بقي سلمتة الريح و نثرتك |
| وانت لاا تزعل اليا منى رثيتك | بعد ما خنت و توفيت و قبرتك ! ! |
| والله انني . . لاحزنت و لا بكيتك |
مثل ما عمرتك بقلبي دمرتك |
| بس تدرى ليش عقب غياب جيتك ؟ |
واهتدت رجلي على بيتك و زرتك؟؟ |
| بشكرك . . علي احدث طعونك فديتك |
ليلة فراقك . . نسيت ! ! وما شكرتك ! ! |
- شعر محمد جار الله السهلي mp3
- صور شعر محمد السهلي
- صور محمد جارالله مكتوب عليها
