اه لو تدرين وش صار بالناس
ساعة دخلتي وشافوا الناس زينك
منهم من اللي صابه مليون هوجاس
ومنهم من اللي صار حلمه بعينك
واللي تباهت بالجواهر والالماس
عافت جواهرها بشوفة جبينك
غيرك تباهت بعطرها وريح الانفاس
ومن عطرك انتي الورد ذاب بيدينك
واللي لحقها باسمها كم نوماس
شافت عذاريب اسمها عند زينك
اسمك ( اماسي ) والاسامي على ساس
اسمك يعكس للبشر نوع دينك
وشعرك مثل الليل والليل حساس
وخدك كما الجوري بين حنينك
ورموشك خدره … وعيونك السود نعاس
ومبسمك كالخاتم لزينك يعينك
كامله ومكمله وزينك بلا قياس
والعود يغار لاشاف جسمك ولينك
انتي ملاك الحفل بين الاجناس
لاواهني من هو اصبح ضنينك
ومعرسنا ( نواف ) على العين والراس
( نواف) والنعم ذحرك ويمينك
( نواف ) بين الناس كما طير قرناس
يشهد له بالمجد ماضي سنينك
وماقول غير ياليت تدرين بالناس
ساعة دخلتي وشافوا الناس زينك
منهم من اللي صابه مليون هوجاس
ومنهم من اللي صار حلمه بعينك
…..
خويه درب عمري ماخذاني دونها النسيان
وانا يااهل الملامه مارغبت العيش وحداني
ابي لي مهرةماعسفت صغيره وبنت حصان
ابوها اللى يفك المشكله ويزبن الجاني
واخوها لاتعزوى باسمها فزوالها العربان
يحق لها الفخر في قولة ال فلان جداني
ابيها فى بحر عشرين لازود ولانقصان
ابيها اقصر طويله والوصوف اشكال والواني
ابي الجبهه كما الصبح وكما القوس اسود الحجان
وابيها ناعسات ونرجسيه سود الاعياني
ابي رمش كما ريش يغطى الثلج فالاوجان
وابي جفن يشيل الرمش طربان وكسلاني
ابي خد كما ورد تتنمى فى طرف بستان
وابي خشم صغير ومثل حد السيف شاماني
ابي البسمه كما البرق وتناياها كما المرجان
شفاها جمرتين وفمها خاتم سليماني
ابي شعر مثل ذيل الفرس لاطبت الميدان
او الشلال لامن بات ليله بين الامتاني
ابي جيد سوات ابريق فضه ناتق مليان
وصدر كنه مرايه عليها طلع رماني
ابي ظهر كما الجدول وقد مثل غصن البان
وخاصر مثل مجدول الاعلان وجسم روياني
ابيها ناية ردف وبطن ظامر جوعان
ابيها مدمج ساق وقدما لسان ثعباني
ابيها بنت عز من رغدها ينعم البستان
ابي الرقه وابي الدقه لها باطرافها شاني
ابي المشية كما اللي طالع من المعركه كسبان
وابيها ترش مع خطواتها مسك وريحاني
ابي صوت اللي مني سمعته كن فيه الحان
يدغدغ مسمعي ويثير كل السحر فاشجاني
ابيها حب واخلاص وهواجيس وفرح واحزان
ابيها مثل مادكتوراهالى العشق وصاني
ابيها لوحة ماصورتها ريشة الفنان
ابيها جوهره ماجابها قاصى ولاداني
ابيهاتنتصرلي من زمان حطني نيشان
وتبشر بالغلا اللى مالفى به واحد ثاني
مهرها قلب وشعر يهز القلب والوجدان
والبسها القصيد وتصبح اوزاني وقيفاني
ابي اللي فات واللي فات صعب ومن لقى العنوان
يرد العلم ولاافضل ابقى اعيش وحداني
كلمات :: ناصر القحطاني
غناء:: خالد عبد الرحمن
اجمل قصيدة للعريس روعه حلوه جديدة مره eh_s(17).gif
صلوا على محمد ريح العطر والعود
من ليلة مايقدر يعيد الكون هدبها
هذه الليلة انور نورها زود
والسماء نجومها اضوت في ذهبها
كيف ماتضوي والكل حاضر وموجود
بشوق المحبة نلتقي من سعدها
عروسنا العروسة ياكل الحسن فيها موجود
يغار منها البدر من طلة هدبها
عروسنا العروسة يابنت الاصل يابنت الجود
فيك القصايد ماتوفي سببها
عريسنا العريس ياكل الشهامة بلا زود
ولد الرجال والمكارم هو اهلها
والله يجعل ايامكم حب وورود
وسعادة يحكي بها الكون ويعجب بها
___________________________________________
من صميم القلب قلت احلى القوافي
اتفنن في حروف اروع قصيده
للعروس اللي لابسه ثوب الزفافي
امل اللي بزينها صارت فريده
اسمها امل والاسم كافي
لو صاغها الصايغ ضيع نشيده
امل عليها من الحسن والعفافي
شيء كبير اكبر من اننا نجيده
كامله ومكمله بكل الاوصافي
مايزيدها الذهب لمعه هي تزيده
وجهها كالبدر منور وصافي
سبحان من خلا ملامحها فريده
بشوفها تحقق كل الاطيافي
والاحلام بشوفتها تصبح اكيده
فيها جمال الكون بكل الاصنافي
ياعسى ايامها دايم سعيده
من شافها قال رحماك يامعافي
اشهد انها بزينها صارت فريده
من زينها شابت حروف القوافي
مالوم قصيدي لو وقف وريده
امل بنت (( )) بنت الاشرافي
امل غلاها بين القلب ووريده
ومعرسنا خالد قدره عالي ووافي
خالد بالشجاعه نظرته بعيده
خالد مثل الذهب ومعدنه صافي
خالد الطيب بقلبه دايم ربي يزيده
خالد قدره فوق روس الاكتافي
الطيبه بقلب خالد وربي اكيده
وبختامها قلت احلى القوافي
اتفنن في حروف اروع قصيدة
للعروس اللي لابسه ثوب الزفافي
امل اللي بزينها صارت وحيده
- قصيدة مدح للمعرس
- معرسنا عبدالله
