،؛، .. سولفوا .. ،؛،
سولفوا تكفون لا عاد تسكتون ..
.. قبل لا اهوجس وياتيني بلاي
السكات يزود طعوني طعون ..
.. وتنكسر لا جا على راسي عصاي
سولفوا لو ما بغيتوا اتسولفون ..
.. قبل لا اقعد في الحزن رايح .. وجاي
واضحكوا لو بالعماله تضحكون ..
.. وجاملوني لو يضايقكم حكاي
لي وليف راح جعله ما يهون ..
.. هو دواي وداي .. او داي ودواي
راح لكن طيف زوله في العيون ..
.. مرة قدامي ومرة وراي
وان سكتوا جا وهو طيفه يمون ..
.. رحت اهوجس له وابين له ولاي
مكسب عيوني من الفرقا مزووون ..
.. تمطر لطاريه .. والبرق ؟ اصدقاي
كل ما طروه لو هم يمزحون ..
.. احرموني من غداي ومن عشاي
ادري انه ما تناسى الود كون ..
.. تسمع اذنه في قفاي اللسن عداي
وكانهم قالوا نسيته يكذبون ..
.. والا انا فيه امتلك نظرة وراي
كان حبه لي على خبري مصون ..
.. والله ان كني بقدري .. وبغلاي
ذي بقايا الحب واطلال الجنون ..
.. والله اعلم في ضميره وش بقاي
غير طيعوني ولا عاد تسكتون ..
.. ولا والله ان اسمعكم بكاااي
،؛، شطر حفظته ،؛،
ماني بمن ياتي ولا يدري به ..
.. شطر حفظته ما اعرف كتابه
شطر يناسبني لمثل الليله ..
.. واشوفني في ذا المكان اولى به
ابا اتكل بالله ونعم بالله ..
.. اللي ما يوصد دون خلقه بابه
باقول واللجنه تقيم قولي ..
.. ومن كثرة الشعار ماني ابه
الحمد لله واثق من روحي ..
.. وان كنت ذيب فالرجال ذيابه
ما اقول انا اشعر واحد في العالم..
.. لكن قصيدي كفو وانا ادرى به
الشعر جمعنا لو تفرقنا ..
.. حدودنا وظروفنا الغلابة
الله يبيض وجه راعي الفكرة ..
.. عز الله انها تنحسب لحسابه
والله يبيض وجه من يرعاها ..
.. محمد الله يحفظه لاحبابه
محمد ولد زايد عريب المجنى ..
.. ولي عهد الديرة الخلابة
الشعر تاريخ لنا من مبطي ..
.. واعلامنا يوم السنين نهابه
الشعر بيت والوزن عمدانه ..
.. معناه طنب وقافيته حجابه
الشعر واد فيه صيد واجد ..
.. وكل على الوادي يهج ركابه
والافكار صيد وكل شاعر قانص ..
.. وكل يدسم شاربه مخلابه
احد خياله حر .. واحد وكري ..
.. واحد خياله كوبج بقطابه
وانا خيالي كل ما هديته ..
.. حول على الوادي وصاد عقابه
شاركت امثل ديرتي وربوعي ..
.. وكل يمثل ديرته واقرابه
والله الى الله راد والله قاله ..
.. اني لا اسلمها الفخر وكتابه
داري قطر .. وانا هنا امثلها ..
.. المجد مطلوبي وانا طلابه
عهد علي اني لا اشرف داري ..
.. ترك صبي ما يعز ترابه
شوفوا دمي من حبها عنابي ..
.. وحماستي من ضوها شبابه
شاعر خليجي والعروبة بيتي ..
.. والبيت ما ياقف بدون اطنابه
وان عودت بين القبايل فزعه ..
.. انا اشهد اني في اللوازم لابه
لي في القبايل ربع .. واقدرهم ..
.. ماني بمن يجهل مقام اصحابه
وان عودت لاصلي .. فانا اصلي مري ..
.. من صلب يام اهد القنا وخضابه
قوم لنا فوق المعالي بيرق ..
.. والسيف قوة سلته بنصابه
الشعر طوقني وانا طوقته ..
.. قمت اتمشى به وافك ابوابه
يا بنت ياللي تفرقين بعودج ..
.. ما الومهم لو كثروا الخطابه
لامر بج دربج على خلق الله ..
.. قالوا كذا بالاصبع السبابه
زينج يزينه فعل ابيج وجدج ..
.. وانتي بدورج للنقى كسابه
قومي تباهي بي .. وفلي راسج ..
.. عليج من ستر الشرف جلبابه
وان ما سترتج بالفعول وباسمي ..
.. فعقبني الفنجال يا صبابه
،؛، .. يا قو قلبك .. ،؛،
ياقو قلبك على الصده ويا صبرك
وياوسع صدري على صدك ويا صبري
وياطول عمرك بذاكرتي وياكبرك
وياشيب عيني بشيب عاد ذا كبري
والله لون حمل صبري فوقك..ان تبرك
والله ولو تعتذر منت بعلى خبري
ان ما جبرك الغلا ما اقدر على جبرك
ياللي على ارض الوفا ما شبرك بشبري
تزعل وترجع وتلقاني على خبرك
وانا انكسر لك واجيك ادور لجبري
طيفك وذكراك طيلة غيبتك سبرك
وشوقي لشوفتك طيلة غيبتك سبري
امحق وليف ومحبه والا اقول ابرك
حسبي عليك اعشقك وانت اتحفر قبري
،؛، .. في شاعر المليون .. ،؛،
في شاعر المليون للشعر مضمار ..
.. والسابقة في الشوط تظهر بيدها
امضمرين ابكار الافكار شعار ..
.. وكلن يحضربكرته في وعدها
واللي تردت لا يدور لها اعذار ..
.. معذورة ما دام قد ذا جهدها
واللي تعوص وتضرب الحاجز يسار ..
.. تشل ف الدنة وترجع بلدها
وانا ذلولي بنت صوغان الاشعار ..
.. من حبها عندي تفحم وحدها
ان جاره الله من تصاريف الاقدار ..
.. جاتك وجاك الجيش كله بعدها
الله عليها من مقاريد الانظار ..
.. وصلت تحست ما غشاها زبدها
وتلقوفها بالعلم رمز واشعار ..
.. وصفق لها منهو بعينه شهدها
ومن روبها اول ما تنصخ تمطار ..
.. ياللي تزعفرها من الطاس زدها
شبهت بالهجن الاصيلات الاشعار ..
.. وقصيدتي تراث اهلنا مددها
اعتزبه واقبله اجلال واكبار ..
.. واحة شرف يا سعد منهو وردها
اغلبنا في موجب الضيف والجار ..
.. يحلب لبنها قبل يذبح ولدها
وتراثنا من دونه نبيع الاعمار ..
.. وبافعالنا روس المعالي صعدها
واليوم ضاق الجو من كثر الاقمار ..
.. تبث حقد لي لحقده رفدها
غزا الشعر قبل امس غازين الافكار ..
.. قومن على الساحة دفعها حقدها
تلفقوا ثم جاؤوا من كل الاقطار ..
.. هذا يصبحها والاخر هجدها
هذا يحرف في الاسف سر واجهار ..
.. وهذاك يذبح موهبة في مهدها
وقفوا علم للشعر في وقت الاسحار ..
.. غاروا على الساحة وعروا جسدها
وصاحت بعد ما شافت سترها طار ..
.. ووقف ولد زايد محمد ساعدها
قال ابشري بالستر وبردة الثار ..
.. واضفى عليها سترها ما نشدها
واستل سيف في المواجيب بتار ..
.. واطلب وردن في العلا من فقدها
على خطى زايد خطاويه ما بار ..
.. والحاجة اللي في خياله وجدها
اغنى العرب من شوف اكاديمي ستار ..
.. ومن شوف امر من السخافات وادهى
شفت الشعر بستان وابوابه ازهار ..
.. وقطفت ما يسقي المشاعر شهدها
قطفتها من ديرة تنبت احرار ..
.. من دار بو مشعل ذراي وسندها
؛، .. يوم المزايين .. ،؛،من لابتي مره الى جدي افطيس ..
.. ربعي مطوعة الصعب بالصمايلناموس ياللي تكسبون النواميس ..
.. ياهل العلوم الغانمه والجمايلاهل السموت وفي الملاقا فواعيس ..
.. يقطعك ياهرج بليا دلايلانتو خيارين على الخيل فريس ..
.. اسم ينومس بين كل القبايليامقلطين شذرة السيف والكيس ..
.. قد قالها ابن حميد ضمن المثايلمنصا الرجال اللي على ضمر العيس ..
.. وفالحرب نطاحة شبا كل عايلهواجر لاجات قدهي مقاويس ..
.. ركب الضيوف امن السرا والقوايلتنصا رباع امتعبين المحاميس ..
.. مروين حد المرهفات الصقايليردون غصبا والعزاوي متاريس ..
.. لاجا نهار فيه عدل ومايلوامسيسين اسياسة الفوز تسييس ..
.. باللبل وبالهجن السباق الاصايلتفوز في يوم المزاين وفالريس ..
.. من كل منعوته تسمى وحايلولو حصل للبل من الناس تفليس ..
.. يكفيكم انك فالعرب من لاوايلتلبس من العناب زين الملابيس ..
.. يوم المزاين مع ارجال الحمايليزها بها لون العلم تتبع افنيس ..
.. ابل لها عادات كسب النفايلومدحي لبو زايد محمد بلا قيس ..
.. مدح لو يقارن بفعله .. قلايلالله يمهل به ويخزي لاباليس ..
.. وايدوم ذكره فوق كل الطوايل،؛، .. لا ضاقت الدنيا .. ،؛،
لا ضاقت الدنيا عليك وتشاويت ..
.. خلق الله اللي فالرخا كان واجدومن العرب والصوت والثوب مليت ..
.. وقامت عليك هموم باقعا تراجدفارفع يديك لخالقك لا توضيت ..
.. وادعو تراك اقرب اليا صرت ساجدووقت من اوقاتك للاوقات توقيت ..
.. وسجل لنفسك في المساجد تواجدوابشر بفزعة حامي الدين والبيت ..
.. اليا هجدك من الهواجيس هاجداللي يميت الحي ثم يحيي الميت ..
.. لرضاه شف كثر البشر بالمساجدالبارحة ..،؛،
البارحة ربي كتب لي ومريت ..
..درب عليه بروق الاحباب لاحتجيت المكان اللي جمعنا وخفيت ..
.. وقامت جروحي للجوارح وصاحتياليتني في لفة الدرب زليت ..
.. كان العيون من الدموع استباحتالتم غيم الدمع من يوم لفيت ..
.. وورقا القصيد لشوفة الغيم ناحتوضحكت ماابغي الناس تدري يبالفيت ..
.. لكنها غصب على العين ساحتحارت دموعي في عيوني وصديت ..
.. وارمشت مابيها تبين .. وطاحتوعقبه برق في العين براق .. واسقيت ..
.. خدي ووناتي بصدري تلاحتوانا احسب اني في فراقه تشافيت ..
.. وان عبرتي من مدخل الزاد زاحتاللي يحسب اني على البعد سجيت ..
.. والا ان عيوني للرقاد استباحتياليتني من قبل لا احبه اقفيت ..
.. والا ان دروبي عن دروبه تناحتاهون علي من البكا والتناهيت ..
.. واشلا من سدود على الناس باحتعرفت كيف الحي يفرق عن الميت ..
.. وعرفت قيمة نعمتي يوم راحتقولوله اني عقب بعده تدانيت ..
.. ورجلي عن دروب المعافين شاحتالبعد نار وطاعة العذل كبريت ..
.. يقصر على بعده .. ترى الكبد فاحت،؛،.. انا جيت كلي ..،؛،
ماهو بكيفك عقب شي حصلي ..
.. من ذوق المحتاج يصبر الى احرجهخليتني من حلو حاليك احلي ..
.. واصبحت مدمن حب والقلب روجهبين العروق وصار مافيه ” ملي ” ..
.. الا وله جره تمره وتسهجهوذود الغلا في عشب قلبي تفلي ..
.. وتراب صدري للمطر منك ما احوجهيمحل الى صديت ويموت يا اللي ..
.. صديت عنه والله احياه واخرجهولي خاطر يسالك من لي ياخلي؟ ..
.. غيبتك تلعب به وشوفتك تبهجهولي عين حالي دمعها لك يهلي ..
.. وان رحت راحت مالح الدمع تزعجهغالي ولا يحتاج بسك تغلي ..
.. غلاك اخذ قلبي وروضه واسرجهولو قلت ياعيني بصدره تملي ..
.. شافت خفوق حبك الذرب توجهوماهو على كيفك عقب ما حصلي ..
.. من ذوق المحتاج يصبر الى ازعجه(عطيتني وجهك وانا جيت كلي ..
.. محروم والمحروم ما ينعطا وجه)،؛،.. في كفها خاتم ..،؛،
في كفها خاتم وفي خدها خال ..
.. وفي عينها غيم وعمارات وبيوتالخال شفته واضح من ورى الشال ..
.. والخاتم الماس مرصع بياقوتوالعمر في العشرين كني مانيب زال ..
.. والجسم كنه من جبل ثلج منحوتجبل ولكن لا طرقه الهوى مال ..
.. وخطواتها ماهي بالامتار بالفوتماهي تشوف الشمس من ظل الاظلال ..
.. ومصيافها ما بين لندن وبيروتالشمس لو تشرق على جسمها سال ..
.. كنها مجسم محلبيه وبسكوتومن صغر مبسمها شقى حالها الحال ..
.. ما تاكل الا اللوز والخوخ والتوتماهي تشوف الناس تمشي وتختال ..
.. ومر على جاكور ومر على حوتوخدامتين وهي بلا زوج وعيال ..
.. وسمعتها تدعي الدريول يياقوتوثلاث جوالات ماهو جوال ..
.. ومن يوم خلقت كل شي بريموتلكن قلبي مالها فيه مثقال ..
.. وش قرب البشت الحساوي من الكوتياجعلها للي خذت قلبي نعال ..
.. اللي غلاها عندي الشرب والقوتحورية من فوقها الليل شلال ..
.. كنها صبح فوقها الليل مكتوتقلبي لها من كثرة الشوق مشخال ..
.. وللسر عن كل المخاليق تابوتتنحت لي من الحب في القلب تمثال ..
.. وحبي لها ينحت على الساحه بيوتفي عينها ماكل رجال رجال ..
.. واقصى حدود الوصل في سلمها الصوتزود على القلب وعلى الحسن من ال ..
.. روس لهم روس على متونها بشووتالى رضت موتوا يا اهل روس الاموال ..
.. والى زعلت جربت وش سكرة الموتمن دونها رجلي وراكب وخيال ..
.. والسيف والامواج والبحر والحوت
- اقصى حدود الوصل صوت ابن فطيس
