اهل الهوى يا ليل فاتوا مضاجعهم
واتجمعوا يا ليل صحبه وانا معهم
يطولوك يا ليل من اللي بيهم
وانت يا ليل بس اللي عالم بيهم
فيهم كسير القلب
و المتالم واللي كتم شكواه
و لم يتكلم
واللي قعد بعد الحبايب وحده
وبات حزين بشكي هيامه ووجده
يشكوا ولا مخلوق سمع شكواهم
الا الكواكب في السماء سمعاهم
يطولوك يا ليل بالسهد والافكار
والشمس بعد الليل تطلع عليهم نار
وبعد طول الويل تطلع لهم يا ليل
ويقصروك يا ليل في صحبه هنيه
على وتر رنان للصبحية
فيهم يا ليل خل عطف خله
ويقول له لحن الشوق وخله يقول له
يا ليل .. .يا ليل … ياليل … ياليل
ويقصروك ياليل على هنا وسرور
والشمس بعد الليل تطلع عليهم نار نور
ويسالوك يا ليل امتى تعود يا ليل
ناس من قلوبها تقول يا ليل
وناس على الارغول تقول يا ليل
واحنا معانا بدر طالع في ليلة قدر
فيها حبيب القلب وافى و وافى النذر
هو يقول يا ليل واحنا نقول يا ليل
وكلنا بنقول يا ليل يا ليل
