ياطير ياللي بالخضيراء لمحناك
ابيك لي ياطير ساعي بريدي
خذ الكتاب وسلمه صاحبي ذاك
راع الفخر والطيب ولد الصعيدي
ياجيت له باحلى الكلام يتمعناك
عده يعرفك من زمان مديدي
تقول له عشرين عام يتمناك
باسلوب لبق مثل نقد المجيدي
قل هذ كتاب اللي على طيبك اغلاك
وصلح جميلك ياكعام الضديدي
يا سعود خذ خط ابو فيصل بيمناك
يحمل بطياته سلام وحميدي
ياسعود بن صالح قديم عرفناك
ياللي ببنك الطيب تملك رصيدي
كم مرة ياطير شلوى نصيناك
وقضيت لازمنا مثل ما نريدي
المدح يزها رجل مثلك وشرواك
ياطير شلوى اللي علومك بعيدي
كم مرة دفعت يمي هداياك
ومنافعك وصلت لناس بعيدي
حتى جهينه شرفتهم عطاياك
وشمر وعناز وتميم ورشيدي
ياشمري نومستنا في سواياك
جماعتك كل بعلمك سعيدي
انته زهيت المدح والمدح يزهاك
تنكة ولد فلجا لقولي شهيدي
- صور الرجل الصعيدى
