مفارش المطبخ_ترتيب المطبخ

ترتيب المطبخ
اولا وقبل اي حاجة تشتري مفارش بلاستيك علشان تفرشيها علي الارفف والادراج ودي اسمها مفارش بلاستيك دانتيل وبتبقي بالمتر او لفة علي بعضها

لما تيجي تشتري المفارش دي هتلاقي منها شكل مقسم مربعات صغيرة بلاش منه لانه عند الغسيل بيتقطع بسرعه جدا هاتي اللي هي حتة واحدة وكمان هاتيه بيج او ابيض لان الذهبي الوانه مع مرور الوقت بيروح
نبتدي بقي
1-تقصي المفارش دي علي قد مقاس الرف والادراج بالضبط وتفرشيها كلها مرة واحده علشان متتلخبطيش وتنسي حاجة
2-تجيبي اكياس بلاستيك من بتاع البدل اللي بيجي فيه البدل من المغسله وتقصيه من الجناب دا علشان تحطيه علي المطبخ من فوق وعلي التلاجة كمان وبالشكل دا لما تيجي تنضفي كل اللي هاتعمليه انك تشيلي الكيس دا وتنضفي مكانة وتحطي واحد جديد هايحمي المطبخ والتلاجة من التراب وصدقيني هاينفعك اوي
3-اول حاجة ابتدي بالادراج لانها هاتشيلك حاجات كتيره جدا قسميها كده:-
1-الملاعق والشوك للاستعمال وبيبقي فيه حاجة للدرج بلاستيك او خشب متقسمه علشان الملاعق والشوك
2-ادوات المطبخ اللي هي مثلا قشارة او فتاحة او قطاعة الحجات دي يعني
3-فوط المطبخ
4- لو معندكيش حامل السكاكين اللي بيتحط علي الرخامة يبقي خلي تاني درج للسكاكين
5- رتبي صواني الفرن مع بعض يعني حطي الصواني الصغير جوا الكبير وحطيهم جنب بعض في رف واحد التيفال جنب الالمونيوم كده يعني ودا علشان لما تيجي تختاري صينيه تلاقي كل الانواع والمقاسات قدامك وتقرري هاتعملي في ايه
6- والحلل نفس الموضوع المقاس الاصغر حطيه جوة الاكبر وكده يعني
7- حطي كل الحلل والصواني والحجات التقيله اللي عندك في المطبخ من تحت علشان متكونش تقيله علي علقات المطبخ
8- حطي كل نوع عندك مع بعض يعني حطي علب التلاجة مع بعض حاجات التوابل مع بعض حاجات الخزين مع بعض
9- حطي حاجات الخزين التقيلة تحت يعني لوعندك اكياس مكرونة حطي كل نوع علي بعضة وحطي اكياس السكر بع بعضها العدس الدقيق كدة يعني
10- حطي حاجة التنضيف المسحوق والكلور والصابون السائل مع بعض في ضلفه واحدة ياتحت الحوض او اقرب ضلفة للحوض ولو فوق الضلفه فيه درج ممكن تحطي فيه الليفه والسلك والجوانتي البلاستيك بتاع التظيف
11- لو حاجتك التقيلة ملت رفوف المطبخ اللي تحت ومش لاقيه مكان للخزين ممكن تجيبي التربو اللي هي بتاعة الهلال والنجمة وترص فيه الرز والمكرونة والحجات دي
12- الرفوف اللي فوق
خلي رف للكاسات ورف لكوبيات الشاي ورف لفناجين القهوة
خلي حاجة التوابل في رف لوحدها علشان الريحة ومتحطيش معاها لا شاي ولا سكر
حاجة المشروبات في رف لوحدها
السمن والزيت مع بعض
المعلبات زي الكيكه والجلي مع بعض
حاولي تحطي فوق اخف الحاجات في مطبخ
13- حطي علي الرخامة الحجات اللي بتستعمليها دايمازي طقم التوزيع وحامل السكاكين حامل للمجات
لو هتحطي الخلاط علي الرخامة يكون دايما قريب من الفيشة
حاولي تجيبي اي علبه كبيرة مفتوحة من فوق وحطي فيها المعلاق الخشب والحاجات اللي بتسخدميها في الطبيخ وحطيها في اقرب مكان من البوتجاز

14اي حاجة عندك ممكن تتعلق ماتتردديش وعلقيها فورا لان دا هيوفرلك مساحات في المطبخ ممكن تستغليها في حاجات تانيه.

اتفضلى اتفرجى يا عروسه