نكات سريعة
مسطول قابل واحد صاحبه متغاظ من امريكا، المسطول حب يهدي صاحبه، قاله شوف امريكا من غضب ربنا عليها خلاها هناك فى اخر الدنيا لكن مصر يادوبك ساعتين بالبيجو
عريس مسطول على الاخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
اتنين محششين بيتفرجو على ماتش فالمزيع بيقول ‘دربكه فى الدفاع، دربكه فى خط الوسط، دربكه فى الهجوم، اوبااااا جوة الجون’ فالمحشش قال لزميله ‘الظاهر ان دربكه ده لعيب ميه ميه’
لغز لمحشش: قطار يمشي 60 كلم في الساعة فكم عصفور في الشجرة اذا كان الببسي ب75 قرش؟
مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله ايه يا عم انت مسطول؟ ده انا
واحد مسطول اشتغل سواق تاكسي، شاورتله واحده، وقف وسالها ‘رايحه فين؟’ قالتله ‘المهندسين’ قالها ‘روحي بس ما تتاخريش
اتنين مساطيل طالعين في الاسانسير واحد بيقول للتانى ‘هو الاسانسير بطىء كده ليه؟’ قاله ‘يمكن طالع على السلم’
محشش قالو له ايه رايك في الزواج المبكر قال يعني الساعه كام
نمله ماتت على الشط فبيسالو مسطول تعتقد ليه ماتت؟ قال ضحايا تايتنك
مسطول بيسال واحدة اسمك ايه قالت له اسماء قالها ما فيش اسم محدد
جماعه قاعدين فى غرزه فالبوليس هجم عليهم وكان معاهم عيل صغير فدخل الظابط وحب يستظرف شويه فبيسال الواد الصغير’و الشمام الصغير اسمه اييييييه؟’ قاله’كانتلوب’
-النمر كان كل ما يشوف الارنب يضربه و يقول له انت ودانك طويلة كده ليه فالارنب راح اشتكى للاسد فالاسد طلب النمر و قاله لما تعوز تضربه قول له هاتلي جزر لو جابلك جزر اصفر قوله هات جزر احمر و لو جاب جزر احمر قوله هات اصفر ، النمر قال للارنب عاوز جزر الارنب ساله احمر ولا اصفر قام النمر ضربه و قال له انت ودانك طويله كده ليه
خروف بيسال خروف ‘مر عيدين ومذبوحكش ليه؟’ قال اصل انا متسجل في شهاده الميلاد حمار
مره صرصار طلع من الخلاط قال يخرب بيت اللى يدخل الملاهى تانى
حمار شاف حصان قال اخ لو اني مخلص الثانوية
حمار بيقول لخطيبته امتى هنتجوز ياحمارة قالت له لما تحسن الفاظك ياحيوان
واحد ركب اتوبيس.. جاله الكمسرى بيقول له تذاكر … قال له امين شرطه….. سابه وراح للى جانبه قال له: تذاكر … قال له: ابراهيم شرطه
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لا غرور ايه ده كدة يبقى عمى
مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلا وقاله لما ‘بكون واقف فى المحل مع ابويا ينابيع يا ابويا يبيع’
واحد راح مطعم في فرنسا.كان عايز يطلب شوربه قال للجرسون(جارسوه عايز واحد شوربوه) فالجرسون قاله باردون؟ قال الراجل لا سوخنوه
