وعدى ع الغربة يا وعدى وحدى والعمر يعدى
يا مسافر مصر امانة خدنى وياك على بلدى
ده سنين الغربة بحالها ما تساوى ليلة فى بلدى
بلدى والنيل قدامى وحبايبى اللى وحشانى
بيزورنى فى عز منامى صبايا واحلى ايامى
تاخد الايام وتودى وزمن يسرقنا ويدى
وعدى ع الغربة الدمعة صاحبت خدى
بلدى والشوق ليها صاحى سارق منى افراحى
ناسية فى الغربة صباحى صاحية فى مسايا جراحى
تاخد الايام وتودى وزمن يسرقنا ويدى
وعدى ع الغربة الدمعة صاحبت خدى
بلدى تندهلى تعالى ارجعى للحب الغالى
وارتاحى فى حضن دافى غنى معايا موالى
تاخد الايام وتودى وزمن يسرقنا ويدى
وعدى ع الغربة الدمعة صاحبت خدى
يا مسافر مصر امانة خدنى وياك على بلدى
ده سنين الغربة بحالها ما تساوى ليلة فى بلدى
