الاخوات العاملات جبت لكم طريقه للطبخ سهلة ومريحه تسهل لكم شغلكم
في المطبخ اذا كنتي ترجعين من الدوام ومالك خلق على الطبخ اعملي
استعدادك من الليل مثل :
* اذا تبغين تسوين ايدام باميه حمسي البصل والثوم وحطي الطماط
والصلصه وقلبيها زين وحطي المفروم والبهاروالملح واتركيه لين يتسبك
وقفلي النار عليها واتركيها الين تبرد وضيفي الباميه وغطيها بالقصدير
وحطيها بالثلاجه واذا رديتي من الدوام دخليها الفرن على ماتبدلين
ملابسك وتغسلين وتريحين شوي تكون استوت …. وبالعافيه
* ممكن تسوين ايدام بطاطس او محشي بنفس الطريقه وراح تحسي
بالفرق وتغدي زوجك واولادك وانتي مرتاحه .
* ايدام كور اللحمه المفرومه بالصلصه نتبل اللحمه بالبهار والملح
والبصل والكزبره والبقدونس الخضراء المقطعه ناعم ونعجنها كلها
ونكورها صغار . نحمس البصل والثوم ونضيف الصلصه والطماطم
والبهار ونتركها تتسبك ممكن نضيف جزر او بازلاء او بطاطس او اي
نوع خضار تحبيه ونحطه في صينيه ويغطى بالقصدير ويوضع بالثلاجه
واذا رجعتي من الدوام حطيه بالفرن حوالي 20 دقيقه وبالهناء والعافيه .
واذا كان عندك شغاله تحط لك ياه بالفرن قبل ماترجعين للبيت بنص ساعه
* ممكن بعد تبهرين الدجاجه بالبهار والملح وتضيفين قطع بصل
وخضار وقطع طماطم وتوضع في الكيس الخاص بالشوي في الفرن
تحطيه بالثلاجه وبعد ماتجين البيت تقصين طرف الكيس ويوضع في
الصينيه ويوضع بالفرن .وصحتين وعافيه
