الاخوات العاملات جبت لكم كيفية للطبخ سهلة و مريحة تسهل لكم شغلكم
فى المطبخ اذا كنتى ترجعين من الدوام و ما لك خلق على الطهي اعملي
استعدادك من الليل ك:
* اذا تبغين تسوين ايدام بامية حمسى البصل و الثوم و حطى الطماط
والصلصة و قلبيها زين و حطى المفروم و البهاروالملح و اتركية لين يتسبك
وقفلى النار عليها و اتركيها الين تبرد و ضيفى البامية و غطيها بالقصدير
وحطيها بالثلاجة و اذا رديتى من الدوام دخليها الفرن على ما تبدلين
ملابسك و تغسلين و تريحين شوى تكون استوت ….
وبالعافيه
* يمكن تسوين ايدام بطاطس او محشى بنفس الكيفية و راح تحسي
بالفرق و تغدى زوجك و اولادك و انتي مرتاحة .
* ايدام كور اللحمة المفرومة بالصلصة نتبل اللحمة بالبهار و الملح
والبصل و الكزبرة و البقدونس الخضراء المقطعة ناعم و نعجنها كلها
ونكورها صغيرة .
نحمس البصل و الثوم و نضيف الصلصة و الطماطم
والبهار و نتركها تتسبك يمكن نضيف جزر او بازلاء او بطاطس او اي
نوع خضار تحبية و نحطة فصينية و يغطي بالقصدير و يوضع بالثلاجه
واذا رجعتى من الدوام حطية بالفرن حوالى 20 دقائق و بالهناء و العافية .
واذا كان عندك شغالة تحط لك ياة بالفرن قبل ما ترجعين للمنزل بنص ساعه
* يمكن بعد تبهرين الدجاجة بالبهار و الملح و تضيفين قطع بصل
وخضار و قطع طماطم و توضع فالكيس الخاص بالشوى فالفرن
تحطية بالثلاجة و بعد ما تجين المنزل تقصين طرف الكيس و يوضع في
الصينية و يوضع بالفرن .
وصحتين و عافيه