اجمل شوربة كريمة

احلى شوربه كريمة

بصله متوسطة متقطعة و مش مبشورة

فص توم مهروس واحد بس

علبه مشروم صغار او نص علبه كبيرة

2 مكعب مرقه دجاج او شوربه اللى عندها

ملح و فلفل اسود

معلقه و نصف دقيق ابيض

كريمه لبانى او كريمه طبخ اني عن نفسي بستخدم الكريمه اللبانى و لانى مش بلاقيها في القاهره فبجيبها من اسكندريه لكن اللى مش عندة يمكن يستعمل كريمه طبخ او يجيبها من فتح الله

معلقتين سمنه التحضير:هتحطى معلقتين سمنه في حله تيفال على النار و يا ريت حله مش طاسة

و هتحطى البصل المقطع و التوم و تشوحية بسيط اوى لغايه ما يدبل بس

بعدين هتضيفى المشروم المقطع و تقلبي مدة دقيقتين

ضيفى الدقيق و بالتاكيد هتلاقية ابتدى يعمل كتلة

فتضيفى بقى الشوربه او مرقه الدجاج و الميه السخنه على طوول

و تقلبي كويس جدا جدا جدا

و بعدين توطى النار و تسيبى المزيج يغلى لغايه ما المكونات تستوى

اطفى بقى النار و سيبى المزيج يبرد خالص

بعدين فضى الخليط ده بقى في الخلاط و اضربيه

رجعى الخليط تانى للحله و و لعى النار عليه و قلبي و يمكن يحتاج شويه شوربه كمان لانه يمكن يطلع تقيل منك

ضيفى الملح و الفلفل و لما يبتدى يغلى ضيفى الكريمه تاخد غلوتين و اطفى و بالهنا و الشفا

790 views