للشاعر المتالق : محمد الشهري
اتمنى ان تنال اعجابكم كما نالت على اعجابي.
..
يعتريني حزن .. مدري حاله من الاكتئاب
سمه اللي ودك اصلا ما تهم التسميه
المهم اشعر بضيقة صدر ياخي .. واغتراب
لا ذكرت اني اعيش بعصر “لا .. للتضحيه”
عصر فيه من العجب ما لايريك اية عجاب
يعني فيه من الغرابه .. ما يثير السخريه
انا في حاجة بشر .. ماني بحاجة تقنيه
لا وصل يمه .. ولا فكرة رجوعه مجديه
عايش بروحي مع اني في نطاق التغطيه
بس ما للحظ شغل .. وحالتي مستعصيه
كم خسرني من حبيب وكم خسرت من القراب
والخساره واحده .. دام الوجيه مقفيه
ول .. ياسيف القطاعه والخصيمه والغياب
ليت ينفع فيك امر العفو او دفع الديه
كان يمديني دفعت اللي دفعت من الرقاب
ولا اطيح بقبضتك واموت موته مضنيه
والمرض احيان ناتج من تعاطي الادويه
بئس والله ما كلوا مني.. وبئس التغذيه
ناقص الا يصدر بحقي قرار التصفيه
خاطري من كل مستقبل وحلم وامنيه
في شعوري الداخلي بين الندا والتلبيه
ردني عن شرها .. ديني وحسن التربيه
يجبرونك ع الخطا واشياء ماهي مرضيه
بس انا مانيب “ابن حنبل ولا بن تيميه”
لازم اضعف يوم .. قدام الحياه المغريه
لو سالني احدهم وين الدروب موديه؟
بس مدري لي متى وانا اقترف لي معصيه؟
فز شيطاني على نظرة فتاه .. واغنيه
كان حالي ماغدت هالحين .. حاله مزريه
يعجبون بقدرتي عند اللهو والتسليه
يوم ما تنفع معاه الواسطه والتوصيه
وقتها تشوف الذنوب اكبر عوامل تعريه
من دموعي.. اوديه بتفيض وتسيل الشعاب
واه ياجدب الشعاب.. ويا جفاف الاوديه
فلا تسمي حالتي .. ياخوك حالة اكتئاب
هذا “تانيب الضمير” اذا تصح التسميه
كني من كثرة ذنوبي شايب وعمري ميه
- صور عن الضمير
- تعبير عن الضمير
- كلمات عن تأنيب الضمير
- شاعر عن ضمير
- صورالم ضمير
- شعر عن ضمير العربي
- تأنيب الضمير
- صورالضمير
- تانيب الضمير
- ماهو شكل الضمير
