قصيده علاقه حب مجنونه 2024 , قصيده علاقه حب 2024
اليوم جبتلكم قصيده علاقه حب مجنونه
تصدق والا ما تصدق .. انا عاجز عن التفكير
تعال وشوف في عينك غيابك وش عمل فيني
حبيبي ما بقى عندي صبر .. يتحمل التاخير
رحلت .. وعقبك الدنيا غلاها طاح من عيني
اجاوب اللي يسالني عن اخباري واقول بخير
وانا لا خير بغيابك .. ولا حاجه .. تهنيني
على طاريك كل لحظه .. . ولا احتاج للتذكير
حريص القلب ما ينسى عيونك , لا توصيني
محد يقدر يعوضني لانك .. في عيوني غير
ومهما شفت انا الفرحه .. بدونك ما تسليني
انا خنتك .. وهالغلطه حبيبي ما لها تبرير
علاقة حب مجنونه .. ما بين احزاني وبيني
وكيف الحال وشلوني .. جواب ما يبي تفسير
بدونك انت , ما تضحك حياتي وترمش سنيني
مثل شاعر عجز يوصف شعوره وخانه التعبير
انا ضايع .. ولا ادري من فراقك .. انا ويني
مثل طير كسر بعدك جناحه وما قدرت اطير
احاول ابتسم وانسى ولكن وش ينسيني..؟!
اشوفك في صباحي انت معنى يا صباح الخير
واشوفك في مسائي حلم وردي .. لا تصحيني
تصدق .. السهر يرسم عيوني ويتقن التصوير
ويشق النور في صفحة حياتي .. وما الاقيني
انام شلون ؟ ومشكلتي عجزت القى لها تدبير
طلبت النوم .. لحظاته و عيى النوم , يعطيني
تغير وجهي .. من اول غيابك وابتدى التاثير
حبيبي .. من التعب كافي خذيت اللي يكفيني
يا اغلى من رحل عني يا كل الحب والتقدير
تعال: ان كان لي عندك معزه وكان تغليني
تعال: ان كنت تعشقني واذا فعلا تبي لي خير
تعال: ومد لي .. كف الوصل .. وامد كفيني
اذا كان الجفا واجب بدى من قلبي التقصير
ابيك الحين .. ترجع لي ولا ترجع تخليني
انا ما اقول اللي صار فيني , ما هقيته يصير
لاني كنت .. ( متاكد ) .. بان البعد ينهيني
- ابتدا مشوار عمرى واضيع ف صور
