اشعل قيام احد اعضاء تنظيم داعش ويدعى “ابو عبيدة” – مصرى الجنسية – بسرقة اموال بيت الزكاة المسئول عنه وتقدر ب 25 مليون ليرة.، مواقع التواصل الاجتماعي.
وسخر مستخدمو مواقع التواصل الاجتماعي، من سرقة اموال “داعش”، حيث قالت :dodo_ghoneem ابوعبيده اللي سرق بيت زكاه داعش طلع مصري يالهوي على الفجر
وقال @mohamedelkhesh2 : داعش اعلنت ان امير بيت الزكاه (ابوعبيده) سرق 25 مليونا وهرب ده لو قفشوا هيتنفخ.
وعلقت @Rababoush بقولها: طيب انا قابلت ابو عبيدة في ٦ اكتوبر من اسبوعين، وكان بيحكي سوري..يكونش هو!
@mrmr25Jan : لو دورتو ع ابو عبيدة حاتلاقوا كان شغال مع ريهام سعيد 
@7agog : ابو عبيدة الهوى عمل واحد امبلية مع الدواعش
@Shokeir : ابو عبيدة بيفكرني بالحاج نادي في فيلم كراكون في الشارع بتاع كيس البلح .. عادل امام من غيظه ساعتها قال : بس لعيب وانا باشجع اللعبة الحلوة.
@25194_Ahmed : احناااا علمنا ع #داعش من غير حرب او اي اكشن ,, البركة في ” ابو عبيدة ”
@SemSemCPA : المصري حايفضل مصري، النيل رواه و داعش كفرانين معاه
@_SalesMan : ابو عبيدة اول مصري يعلم على داعش عذرا ايها اليابانيون ف المصريون قادمون.
@welly_Elmasry : امير داعش :اين اموال الزكاة يا ابا عبيدة؟ ابو عبيدة :اقول لك ولا تزعلش .
@daliadav : الى ابو عبيدة امير ديوان الزكاة…عود الى اتون… قبل غروب الشمس
@ibrahimzaher : ابو عبيدة خد فلوس الزكاة عشان يقدم لعبيدة في المدرسة.
@Zikophrenia : ابو عبيدة هو الاساس وداعش شنط واكياس 
@HaithamRefaie : ابو عبيدة قائد لواء النشالين
@MoneLoky هوب نلاقي ابو عبيدة بيكلم احمد موسى ولا خيري رمضان و بيقولهم قررت اتبرع بفلوس بيت الزكاة لصندوق تحيا مصر .. ويتحول من حرامي لبطل قومي.
@samantousha : الليلة على صدى البلد #احمد_موسي يستضيف ابو عبيدة…. تفاصيل عن حياته خلف خطوط العدو
@Ahmed_Saleh9991 : ابو عبيدة منين من مصر صحيح ؟ 90% هيطلع منوفي.
@mahmoudEissaa : فلوسك عند ابو عبيدة يا لمبى
@welly_Elmasry : ابو عبيدة دلوقتى زمانه فى لاس ڤيجاس ومسمى نفس رونى.
- من متورط في سرقة اموال داعش
