صفحات بنات جنان اصلى
(لو كان ده جنان اتجنن )
♡ قرر انك تخلص القران كله ف 3 ايام بس
فى غير رمضان حتى لو كنت من اللى مش بيقدروا
يختموا القران اصلا ف رمضان
…
( لو كان ده جنان اتجنن )
♡ روح بوس رجل امك بدون اي سبب
ولو استغربت
وسالتك بتعمل ايه ؟
قولها ببوس الجنه
( لو كان ده جنان اتجنن )
♡ كل ما تصلي مع بباك في المسجد
اطلع قبله وخذ جزمته واستناه عند الباب
ولو سالك عملت كده ليه
قوله : اساسا انا ليك
مهو الرسول ( صلى الله عليه وسلم ) قال
انت ومالك لابيك
( لو كان ده جنان اتجنن )
♡ كل ما تشوف واحده في اي مكان
بتشيل حاجه خليك راجل اتقدم وقلها لو سمحتي
اوصلهولك وشيله منها
ولو حتركب عربيه او حتعدي من مكان متعديش
غير كل البنات والستات يعدوا ويستريحوا
ولو سالوك بتعمل كده ليه
قولها : ما اكرمهن الا كريم
( لو كان ده جنان اتجنن )
♡ كل ما تكون مروح البيت في عز الضهر اشتري قزايز ميه معدنيه
او اي حاجه ساقعه ووزعها على كل حد تصادفه شقيان في عز الضهر
( بذات عمال النظافه ) وقولهم يديكم العافيه
( لو كان ده جنان اتجنن )
♡ اشحن كرتين تلاته وسميهم كروت صلة الرحم
وخلي 4 ساعات في الاسبوع تكلم فيهم كل قرايبك اللي مش
بتسال عنهم غير من السنة للسنة
ولو استغربوا بتتصل ليه
قلهم انا بتصل بربنا
( انا الرحمن الرحيم ، و اني شققت للرحم من اسمي ، فمن وصلها وصلته ) # حديث قدسي
( لو كان ده جنان اتجنن )
♡ لما تيجي تركب تاكسى او سرفيس وتلاقي السواق
مشغل اغاني مش كويسه
اشترط عليه و قوله معلش اطفي الاغاني
لو مرضيش
متركبش
( لو كان ده جنان اتجنن )
♡ قرر انك تكمل يوم بذات في الشتا على وضوء
بحيث تتوضى بعد كل مره تفقد فيها وضوئك
وتصلي ركعتين زي سيدنا بلال مع كل وضوء
لو كان كل ده جنااااااان بالنسبة لمجتمعنا
اتجنن وادعي ربنا يديم عليك نعمة الجنان
