امممم ترددت اكتب مشكلتي مرة ثانيه هنا ،
وياكثر ما اكتبها وما القى لها رد او حل يفيدني ..
اول شيء .. انا عمري 18 سنه ..
انا وحده مافيني ثقه بنفسسسسي ابدا ابدا
اي احد يقولي شيء اصدقه اواطيعه ..
ماني واثقه لا بنفسي ولا بكلامممي ولا بشكلي .. احس اني ماني حلوه كل ماشفت وحده حلوه بمناسبه يضيق صدري .. مع اني ما ابي اغار منها .. واذا اعجبتني وحده اذكر ربي واقول ماشاءالله .. بس يصير فيني كتمه واكرره البنت وهي تصير ماسوت لي شيء .. اكره نفسي جدا واكره تصرفاتي ..واحيانا لاجيت بكتب شيء بالبيبي او بالتويتر او باي شيء اروح لقوقل اشوف هل هي صحيحه الجمله او فيه احد قايلها ولا لا .. و دايما لاجيت اروح لحد اقول يابنت لاتقووولين لاحد اي شيء يصيرلك بحياتك اي شيء يخصك .. بس طبعا لا حياة لمن تنادي ..
تعبت من نفسي وتعبت من تانيب الضمير ..
كككل ما رجعت من مناسبه اتذكر ايش سويت وايش تكلمت وايش الحركات اللي سويتها واتفشل لدرجه اني اضرب نفسي واضحك ع نفسي واقول وين عععقلي يوم اني اسوي هالتصرف او الكلام ويبدى يانبني ضميرري جدا ..
واحيانا يراودني تفكير اني مختله عقليا !!!!
اه اقسم بالله اني ما اعرف ايش اسوي =((((
ابي احد يساعدني بعد الله سبحانه .
ابي احد يوقف معي لين اقوله خلاص رجعت فلانه الاولى .. ابي احد يضل معي لين اتجاوز كل هالصعوبات .. بس ما حولي احد .. اذكر اضفت بنت بالبيبي وفضفضت لها بعدها تعيرت علي .. وحذفتها انا ما احب اجبر احد علي ..
اببببي اححححد يساعدني بعد الله .. ابي رد يفيدني اي شيء الله يخليكم بس ابي ارجع زي ماكنت ….
احيانا اقول شكله من فيتامين د لان سمعت انه يجيب الكابه و الوسوسه و الخخ
واللي ما يلقى لي حل يدعيلي .. لا تنسوني من الدعاء بظهر الغيب ولاتنسون ان الملائكه تقول ولكم بالمثل ..
