شعر في الشوق

 

• ابيك تصدق اني لو غبت العمر ما انساك

ويرسم للغلا صورة ملامحها انا وياك

رجيتك لا تخليني وخذ كل العمر وياك

ظروف الوقت لو جارت وخلتنا نعيش بعاد

اكيد ان للزمن وقفة تجدد لحظة الميعاد

• ممكن الطفل ينسى حليبه

ممكن الورد ينسى رحيقه

ولا يمكن الحبيب ينسى حبيبه

• هناك شاطئان:

شاطئ الذكرى، وشاطئ النسيان

اذا رسيت على شاطئ الذكرى فتذكرني

واذا رسيت على شاطئ النسيان فلا تنساني

• يفز قلبي كل ما اجيب طاريه

فزة يتيم شاف من تشبه امه

تذكر امه يوم كانت تناديه

وحس بجفاها يوم عيت تضمه

مرت سنة من موتها من يراعيه

والدمع ماقدرت كفوفه تلمه

ابوه مات من الحزن من يواسيه

ومن بعد موت ابوه اخذه عمه

ينام ما يلقا رحوم يغطيه

ولو ما يسوي ذنب كل يذمه

• يا مرحبا باللي تعذر بالاشغال

من خافق طرب ومن فكر مشغول

مشغول فيك ومنك يا طيب الفال

ويشهد علي الله على كل ما اقول

هب الهوى منك وعودي الخضر مال

وفتحت لك صدري؛ لك العرض والطول

وعلقت في مجلس هل الحب تمثال

الماس ومطرز حروف اسمك بلول

وغنيت لك في يوم عشرين موال

وفيك انت يالمزيون يقصر ترى القول

وجيت اوصفك ثم وقف الحبر ما سال

واللي سالته: ليه؟ قال: انت مهبول؟

بتضيع في عود ليان وميال

وبتصيح ما شاء الله يسلملي الطول

وبتموت من عينه ومن رمش قتال

وبتذوب في ثغر به الريق معسول

وبتقول يا عمري ترى كثر الاشغال

تذبح خفوقي لا عطيتيه مشغول

• كتبت الشعر لعيونك

بكيت وصرت مجنونك

احس العين من دونك

حزينة تنتظر شوفت عيونك

• عطشان والدنيا مطر

والعين ما تشبع نظر

مشتاق يا احلى بشر

وينك يا نور القمر ؟

• مشتاق لك والله وانا حيل مشتاق

يا نبض قلبي يا الغلا وانت كلي

ليه غبت عني خاطري صار مضتاق

وليه من اشوفك انسى ربعيواهلي

• شعر في الشوق