اليوم جايبه لكم سندويشات كباب على كيف كيفكم وان شاء الله تعجبكم
المقادير كالتالي
لحم مفروم تقريبا قبضة اليد ثلاث مرات(مدري كم كيلو )
واحد بصل كبير مفروم مع الحم
نصف كاس بقدونس مفروم وطماط واحده مبشوره
ملعقه كبيره كل من
كمون
بهارات مشكله
ملح
ملعقه صغيره فلفل اسود
وحسب الرغبه شطه حمرا مطحونه(فلفل احمر بودره)
سماق (نسيت اصوره)
سلطه خضرا مكونه من
طماط شرايح
بقدونس
خس
وبصل
مخلل خيار مقطع اصابع
بطاطس مقلي
خبز مفرود (خبز عربي)او صامولي
اذا كان مفرود تفصل الطبقتين عن بعض
وهذي صورة المنكهات ويمكن اضافتها او الاستغناء عنها حسب الرغبه
وهي كتشب وخردل وشطه وميونيز
الطريقه
نعجن الحم مع البقدونس والطماط والبهارات الي عندنا نضيف شوية زيت حسب الرغبه بس افضل نضيف الزيت عشان مايصر ناشف
نشكلها على شكل اصبع الكباب
نرش عليه سماق وندخله الفرن لحد مايتحمر من فوق ومن تحت اذا طلع لكم سائل اثنا الشوي تخلصو منه
هذي صورة الكباب وهو في الفرن والصحن تحت الي فيه جمر وزيت عشان يتبخر الكباب وياخذ نكهة المشوي
نحضر الخبز ندهنه بميونيز نضيف البطاطس والمخلل والسلطه والكباب ونلفها بالورق الخاص عشان يصير شكلها مرتب وعشان ماتنشف
[/url][/IMG] وهذي وحده بالصامولي عشان يكون شكلها اوضح
[/url][/IMG]
وفي الختام عساها بالعافيه على قلوبكم
